¹ Manga morowog kahabogan inatêhu bo sombayangku bêsi Ngeledtow ewa’aho sarona komotahula imalowi. ² Apa’an Ahu dona imêhê sumairi tanu silatahula, awahem silatahula uli-ulit dedem tanu Ngeledtou, sumata dahem pangartian etotuu. ³ Apa’-apa’an silatahula hi’i mahilala kaulitan Ngeledtow bo apa’an silatahula dumameji i mawatad kaulitan nesa, yanasa silatahula-silatahula hi’i talo a kabenaran Ningumeled. ⁴ Apa’an Tialow mekêlê wo kalekewan ukum Taurat, esa-esa tow e êman. ⁵ Apa’an Musa mapatih tanu kabênaran ndê ukum Taurat : Totumu e mapakiit, maindo lowid ndê apa’an na. ⁶ Sumata, kaulitan apa’an êman ihumua kêlêwai : “Naam ihua a’suang natenu : awa sisei maindo kumapêt a sorga ? Awa oho tanu imêang Yesus lumolos. ⁷ Suma : sisei maindo lumolos a’ kitab pawate ? Suma’ tanu mêaang Tialow kumapet a nepang tow mate. ⁸ Sumata asia ambêhuana ? Wai : “Kukua aho susut bêhamotahula awa’i a’suang baba’nu bo a’suang natê’nu. ⁹ Apa’an sa’ kamotahula mangaku karua baba’nu, awahem Yesus [Tialow] totu’u Ngêlêdtow, bo mercaya suang natênu, awa’aho Ningumeled mawatow Sia, a’nepang tow matê, yanasa kamotahula maindo a kalowiden. ¹⁰ Apa’an teka natê tow mahêman bo a kaultain, bo teka baba tow mangaku bo akalowiden. ¹¹ Apa’an buku lenas ikumua : Sisei angê maoercaya [mo’eman] bê Sia, ahi’i maindo bêwawasokia. ¹² Apa’an ahem moho êmbêda tow Yahudi bo tow Yunani. Apa’an Ningumeled e neas oho mekêlê wo Ningumeled a’pahasa tow si hea, a pahasa tow ê mahombal bê Sia. ¹³ Apa’an, siseiangê e matiang karua ngalan Ningumeled, a kahala’noan. ¹⁴ Sumata kêlêmbisa silatahula dona tumiang a’ngalaNa, sa’silatahula ahii mahêman bê Sia? Kelembisa silatahula dona mêman bê sia, sa silatahula ahii matanga tanu Sia, sa ahem moho e Nabar Na? Ê mapakua Na? ¹⁵ Bo kêlêmbisa silatahula dona mapakuaNa, sa silatahula hi’i bêsiu? A kêlê bana bê watih : “Ime’êm konunga’an na silatahula e nimêang nabar loor! ¹⁶ Sumata hi’i pahasa tow itumirima nabar loor oho. Yesaya inesa ikumua : Ngeledtow, awa sisei êmêman a’ nabar ihamitahula. ¹⁷ Mamoali, êman lumembo a’patangan, bo patangaan i Kukua Tialo. ¹⁸ Sumata ahu tumaa : awa silatahula hi’i itumanga? Totu’u silatahula i tumangaam : “enu ilatahula motahad a’ tepoh baoitoba. ¹⁹ Sumata ahu tumaan : awa Israêl monilihna? Apahamunan Musa ikumua : “Siahu itumulid kamotahula uteng a’manga tow etahii tow bo mawatumod endê’ênu a mangatow e Ba’bel. ²⁰ Bo karua baranei Yesaya ikumua : “Siahu i maiboh metauw silatahula etahi’i mangila i Ahu, Ahu i mawaturuum batangan bêsilatahula e tahi’i emapataan i’Ahu. ²¹ Sumata tanu Israel sia kumua : a’kaeto nendo Ahu i malubah kama Ku hu a’tow etahi’i mo êman bo emahiwesowat.