¹ Osa mahi ê tatahula tow parisi bo toutêh i Torat a Yerusalem be si Yesus osa humua: ² "Nde'aho mangamuri' -Nu makolan i lala'ut i nawo-nawo' i hita? Silatahula ahi'i makese i kama a talawe' kuman." ³ Sata' sowat i Yesus be salatahula: "Nde'aho komotahula hahi makolan a pêreta i Ningumêlêd mêtê' a lal'ut i nawo-nawo' nu? ⁴ Apa'an Ningumêlêd i humukua: Siri'in namangu bo inangu; bo hahi: Sisei ê mawasupa i namanga bo inanga mulit paten. ⁵ Sata' kua i homotahula: siseiange kumua a namanga suma a ninanga: Asia ê mbeahu ê ndo'na i toro tanu iwahiaha i how, betorom maindo powalad a Ningumêlêd. ⁶ Wa'aho totumu' alam sana' sumiri i namanga suma ninanga. Apa'an kelewa'aho kukua i Ningumêlêd itara i homotahula alam ihamoali mête' a lala'utnumio'? ⁷ Ei mangatotumu' kaliut! Ihumi'itêm nobuat i Yesaya sakum komotahula: ⁸ Bangsa wa'i maponunga i Ahu teka i sêmu'na sumata' natena dekang be Ahu. ⁹ percuma mereka beribadah kepada-Ku, sedangkan ajaran yang mereka ajarkan ialah perintah manusia. ¹⁰ Lalu Yesus memanggil orang banyak dan berkat kepada mereka : ¹¹ Ahêm toro silatahula mawaibadah be Ahu saraimbo sasani ê niwasani i latahula awahêm pêreta i totumu'." ¹² Yana mahi mangamuri'-Na osa tuma'an be Sia: " Sihow mahailah awahêm wa'aho kodai'-Nu imamoalim batu wakawisudan tanu mangatow Parisi?" ¹³ Sowat i Yesus: "Êsaan a tinanêm ê tahi'i wewayu i Namay-Ku ê na sorga ubutên teka i mangaamu'na. ¹⁴ Iwayaioho ni aho silatahula. Silatahula totumu' buta ê makahat i totumu' buta. Sa totumu' buta makahat i totumu' buta, mulit silandua mêkad a suang i mboso." ¹⁵ Osa si Petrus kumua we Sia: "Iwawataram ni aho pangandean be hamitahula." ¹⁶ Sowat i Yesus: "Komotahula hahi alawe'mai doro'na mahawiow'aho? ¹⁷ Awaahi' hailahan i homotahula awahêm asiamange ê sumuang a mba'ba lumolos a suang i tian osa itia' a pasêndian? ¹⁸ Sata' asia ê lumuai a mba'ba tumo'tol a nate osa wa'ahom ê mawaoro i totumu'. ¹⁹ Apa'an a nate lemboan i pahasa pahutêhên ta'pia, pêlimêdan, pêdêtuhan, paoroan, petahowan, supa towo bo tena'. ²⁰ Wa'ahom ê mapawaoro i totumu'. Sata kuman teka i kama ê tahi'i kinesean ahi'i mawaoro i totumu'." ²¹ Osa si Yesus matang biboho osa humêndus a sakumên i Titus bo Sidon. ²² Yana mahi esa wene i Kana'an a sakumên biboho osa sumawang: "Ihalêsai ahu, o Tuhan, suru i Daud, apa'an bata'ku wene solo-solongan i setang bo ni' itio' mapongigon." ²³ Sata' si Yesus ahi'imai sumowat i sia. Osa mangamuri'-Na mahi osa mangelei we Sia: "Iwasiu sia maleng, malalas sia i hita mawasawa-sawang." ²⁴ Sowat i Yesus: "Si Ahu besiu bati' a mangadomba ê mbehatala a tow i Israel." ²⁵ Sata, ni aho mbene sumusut osa sumalimbuhu we Sia osa humua: "Tuhan tulungênani ahu." ²⁶ Kua iaho mbene: "Totu'u Tuhan, sumata' ni aho mbaled makan i mangaagat iwakatia' a meya i nawo'na." ²⁷ Kata perempuan itu: "Benar Tuhan, namun anjing itu makan remah-remah yang jatuh dari meja tuannya. ²⁸ Yana si Yesus sumowat osa humua wesia: "Ei inang, bako' nemanu, yana ihamoali wehow kele i padungu." Osa a norasan i ahomio' bata'na imêmauleng. ²⁹ Morus nimêpa' amange i sakumên biboho, si Yesus tumutul i tapiring i luah i ngGalilea osa momao a mbêtêl osa dumatuh biboho. ³⁰ Osa mangatow lulu-lulutênange mahi we Sia me'angai totumu' dupênêd, totumu' kisol, totumu' buta, totumu ' bo'bo' bo tado'owe' kahi ê mbalina, osa mêpa' io silatahula a na'e i Yesus osa Sia imawamaulêng i pahasa silatahula. ³¹ Yana maerang ni aho mangatow mêlilah i totumu' bo'bo' mohoda-hodait, totumu' kisol mêmaulêng, totumu' dupened lumapang, totumu' buta mêlilah, osa silatahula mêdayow i Ningumêlêd i Israel. ³² Osa si Yesus tumiang i mangamuri'-Na osa humua: "Atehu behali'is i kobêlêsan boho a mangatotumu'. Têlu ngandom silatahula malalas i Ahu osa silatahula ahêm pakanên. Ahi'i ahu maibog mawa-aleng silatahula karêngan imale'om, ndesa silatahula matemboho a ndalan." ³³ Kua i mangamuri'-Na we Sia: "Kelembisa mbia'i a lesad liai kita mahere roti tanu mawawêsuh ia'i mangatow tado'omio'? ³⁴ Kua i Yesus be silatahula: "Tahula roti wehow?" "Pitu," sowat i latahula, "bo bana hahi tatahula da' kisit." ³⁵ Osa si Yesus sumiu i aho mangatotumu' dumatuh a toba. ³⁶ Ahad wa'aho mindo Sia i pitu roti bo mangada' wa'aho, dumayow, mamisu-misung iaho osa mehe i aho a mangamuri'-Na, osa mangamuri'-Na mehe hahi i aho a mangatow. ³⁷ Osa pahasa silatahula kuman ahad masuh. Osa tow manêsên I mangasiwung I roti agat, pitu watang mauhuhu. ³⁸ Imakarua ihuman êpat ngoribu tuama, ahi'i wahatebe mbene wo mangahedong. ³⁹ Sia sumake a mbolutu osa mêru' oho a sakumên i Magadan.