¹ Saniboho hita, uli-ulit merdeka, Si Kristus imawamerdekam i hita, kawalianoho tumod mête-ete’ mo’nam maibog pongatan ² Kaulitana, siahu, si Paulus kumua we how: sahele homotahula mawasunat i mbatanganu, si Kristus alanêmoho torona we how. ³ Mahasawe’ kahi ihuahu be siseiange ê mawasunat i mbatangana awahêm sia ahi’i toro satahi’i tumulid i pahasa u’kum torat. ⁴ Kamotahula alam be si Kristus, sahomotahula alam be si Kristus, sa homotahula mahararaw i kaulitan i u’kum torat, komotahhula mênonow a luar i mbeles kohomba’ ⁵ Nde tatawoi i tutuh, bo apa’an kawaheman, kita masondo’ i kaulitan ê paharawên i hita ⁶ Apa’an tanu mangatotumu’ ê karuru i Kristus Yesus wa’aho sinunat suma ahi’i sinunat alahem mehe katoroan, bati’ kawaheman ê matawoi karêngan i mbêlês. ⁷ Atalewe’ kamotahula mapêleleotan mauleng sisei ê makahapi-hapil i homotahula ahad komotahula alam kahi maki’it a kaulitan? ⁸ Polepei tanu alam kahi maki’it i sia ahi’i we sia remahi, ê nitumiang i homotahula. ⁹ Kabo keleawa imawahapet i andonan. ¹⁰ Asakum i Ningumêlêd emanêku sakum i homotahula, awahêm komotahula alahêm, pêtakaan i hawalina a pêtakaan wa’i. Sata siseiange ê mawalikoko i homotahula tumanggong sia nu’kumana, mande sisei angge sia. ¹¹ Hahi wa’i ahu, morowog, sa mawasahaiwe’ i sunat, nde’aho ahu pakulehulengên pe’? Apa’an sahele wa aho, kalawat alam mainjo batu pakawisudan. ¹² Mauleng silatahula ê masusub i homotahula wa’aho mawahabirim i mbatangana! ¹³ Morowog, totu’u homotahula tumiangên mainjo merdeka. Sata, na’am komotahula mogimano i aho kamerdek’an kele kasêmpatan menonow sakum i kaoroan sumata mesasalian ange êsa wo êsa ambêles. ¹⁴ Apa-apa’an lolow i lala’ut torat behahêsan a nêsa kukua wa’i awa’aho : “ Ihalesange kahelenu totumu’ kele batanganumio’!” ¹⁵ Sata sa homotahula mêkihi’kian bo mêtêtêpêsan, mahatuhange, saniboho homotahula ahi’i mêpawa tutusan. ¹⁶ Panutu’uku êwa’i : Menonowange i Tutuh, yanasa homotahula ahi’i maki’it a pandung i kêtêd. ¹⁷ Apa’an kahaibongên i kêtêd masaruan bo kahaibogen i Tutuh bo pandung i Tutuk matalihudan bo pandung i kêtêd- apa’an wa’aho ndua mekasaru ahad homotahula susud i tahi’i tumulid i papandungên i homotahula. ¹⁸ Sumata’ sa homotahula mehe imbatangan iatod i Tutuh, yanasa homotahula hi’i mênonow a mbawa’ i la’ut torat. ¹⁹ i kêtêd behataram wa’aho: Pêdêtuhan, kasamêhan, kaewe’en maponiri’ i mberhala, sihir, pêtokolan, pêpawasea’an, kanat, boro’ mahimun i mbatangana mio’ papêpatean, tutuh tapêteri, ²⁰ makuru amberhala, sihir, metatanedan, mahisalan mahate ta’pia, mapoboro, mabog i pandunga mange, mawasilaka tu’tuh mawa tared. ²¹ Kahanatan, kawapololango, mowesta-westa bo asia ngawila. A pahasa wa’aho isu’uku homotahula- kelem itinawoihum a pahamunan awahêm siseiange a matulid imanga wa’aho, ahi’i sia mahaere weteng a kaholano’an i Ningumêlêd ²² Sumata’ bua i tutuh ê wa’i : beles beat sononoi ênow, kaeludan, ko’ imunan, kamaulêngan, kasatia’an, ²³ Koêmengan, mewenahang i mbatangan, Alahêm ê lala’ut sumaru i manga wa’aho. ²⁴ Siseiange mainjo totumu’ i Kristus sia ihumalawatêm i kêtêd teka pahasa kahahi’in bo kahaibogêna. ²⁵ Sa hita menonow i Tutuh maulênga hita iwahatod i Tutuh, ²⁶ bo na’am kita gila sisiri, na’am mêlalawahan bo mekahawatan.