¹ Morowog, sawanahêm nêsatow ko’amatan itumulid êsa kalawahan, yanasa komotahula i saranim, mainjo kumahat i aho totumu’ a ndalan ulit sakum tutuh kaêmengan, osa karêngan niaha i mbatanganumio’, sani’aho hahi homotahula na’am tênan i pangêpêan. ² Mêbawotunganange maluha i pape’angen i homotahula! kelewa’ahom homotahula lumêkêw i lala’ut i Kristus. ³ Apa-apa’an sa êsatow mahahêlam, awahêm sia mahatoro, padahal sia alahêmai toro, i momandeiêmio’ i sia. ⁴ Maulênga’ êsa-êsatow, sumilih i patawoiênamio’ yanasa sia do’na monirayo milah i ka’adaanamio’ bo ahi’ ka’ada’an i towalina. ⁵ Apa’an êsa-êsatow mainjo maluha i tanggonganamio’ ⁶ Bo maulêng sia, ê tumirima sosusui a kukua, mebeteng i nasia ngawila ê mbana wesia bo totumu’ ê nimehe i aho sosusui be sia. ⁷ Na mombureng! Ningumêlêd ahi’i mayai i mbatangan-Na payayangên. apa’an asia mbêwepes i totumu’, wa’aho hahi ê tiwu’una. ⁸ Apa-apa’an siseiange sia malulumbo a kêtêdna, mainjo sia muwu’ a kotutusan i kêtêd, sumata’ siseiange malulumbo asakum Tutuh, mainjo sia menonow têlas a Tutuh i aho. ⁹ Na’am kita talon matawoi kamaulêngan, apa-apa’an sa imahim tepona, kita mainjo manguwu, sa hita ahi’i mêkawel. ¹⁰ Kawalian i aho kaêto’ banawe kasempatan i hita, mayom kita tumawoi maulêng a pahasa totumu’ sata itudio’ a manga harua i hita ê mekele kawaheman ¹¹ Pilahên, kelembisa kahako’an i mangahurup ê mbewatih i kamahumio’ ¹² Silatahula ê mi’it a kawatangan maibog mapawa-labo i mbantangan, silatahula ê mangambut lumêse’ i homotahula sunatên, bati karêngan manutu’ saniboho silatahula hi’i wêkulêngên apa’an kalawat i Kristus. ¹³ Apa’an silatahula ê nimawa sunat i mbatanganahahi, ahi’i mahiaha i la’ut torat sumata silatahula mapandung saniboho homotahula mawa-sunat i mbatangan, sani’aho silatahula do’na monirayo a ka’ada’anu ê kawilahan. ¹⁴ Sumata’ siahu ahi’i maibog monirayo, ihawalina a sakum kalawat i Ningumêlêd i hita si Yesus Kristus, nde apa’an si Sia baoitoba behalawatêm tanu siahhu bo siahu tanu baoitoba. ¹⁵ Apa’an mahasunat suma ahi’i mahasunat alahêm torona, sumata’ mamoali bengêlêd taleya, awa’ahom ê mbana torona. ¹⁶ Bo Pahasa Totumu’, ê mehe i mbatangana beatot i sasane wa’i, merot lumolosa sononoi ênow bo kamang be silatahula bo a Israel tow i Ningumêlêd. ¹⁷ Kalawusana na’am bana ê totumu’ mawasusa iahu, nde na mbatangaku bana mangan-tanda’ sawa i Yesus. ¹⁸ Bêlês kohomba’ i Ngêlêtow i hita si Yesus Kristus mawi-awit i tutuh i homotahula! Ulit.