¹ Saniboho, nde kamotahulah be wawantow esa karua i Kristus pangilahen nange perkara nambao, bisana si Kristus, dumaturatuh a kanoal i Ningumêlêd. ² Imunen de perkasa nambao, hii sa perkara ambao i toba. ³ Nde kamutahula i matem bo penonowannu bewawaruru karua i Kristus bo Ningumelêd. ⁴ Sa si Kristus penonowan i hita, mawa tumuru i imbatangana a mahahad, kamotahula hahi mahasa hemoho wakarua mawanyata imbatangan a suang i kaleresan. ⁵ Awaboho kawalian paten niaho pahasa. Ambatanganu anawasia waape i nduniawi, pedetuhan, kaaroan, ta’pia, bo kaewe’an ta’pia wa’aho kahi kasulamohan, pahasa i boho mekele bo maponiri simosenggot. ⁶ Pahasa iboho moindo boro i Ningumêlêd (Tou tadoo sea). ⁷ Atalewe’ kamotahula menonow kele’aho; kamutahula natuli-tulid i oho. ⁸ Sumata yaitalewe, i tia am pahasaiboho, waboho, boro’ geram, kata’piaan, sero, bo manga kadait Ta’pia maluai a semu’nu. ⁹ Mo’nam kamotahula metetowoan, nde betia’am i homotahula bo kawahiohionu tepo i oho. ¹⁰ Bo i makemlatang tou taleya tanu meneru-nerus petaleyan saniboho melatangaan pongita’uan ulit mekele pael i khalikNa. ¹¹ Saniboho alam ni’aho tou yunani suma yahudi, tou besunat sumatow hi’i sinurat, tou barbar suma tou skit, ata suma merdeka, sumata tialo sisia suang i pahasa boho bo anasia-siamange. ¹² Saniboho tanu tou sinisir i Ningumêlêd bo bewawalenas bo imbehale’na, melatangaan imbele’Na, kamurahan, kaelu’an i nate bo kasabaran. ¹³ Sabarenoho i homotalu esa bo esa tow suma sisei ange bo apunganange silatahula sa silatahula mepa io pa pendamen a tou balina. Ke’le si Tuhan i mapungem i hita, tuliden kahi pesakedan bo mapawaesa i homotahula kele aboho. ¹⁴ Bo ambao pahasaiboho, pakenange beles, maindo a kotolmomotan. ¹⁵ Asakum sononoi i tialow maindo marenta i suang natenu. Ndewaboho kawalian kamotahula tiniang maindo esa batangan. Bo marayowde. ¹⁶ Ta dere kodait i Kristus metewio bo pahasa kahayaan Na andedet i homotahula saniboho kamotahula pahasa kamaule’ngan maturu bo masaga esa i tow bo esa tow balina makatari Mazmur bo darayow bo katar rohani kamutahula, marayow besi Ningumêlêd a suang i natenu. ¹⁷ Bo pahasa mange tatawoi bo kodait i homotahula, tuliden nange pahasa i boho asuang i ngalan i Tialow, karua kumua i ndarayow besia, besi sia Ningumêlêd, Amang i hita. ¹⁸ Ei manga bene mahaharoang kiitan karoangu tuama kelembisa how kumiit besi Tuhan. ¹⁹ Manga tuama mahaharoang i hales ange karoangu osa naan timulid Ta’pia besia. ²⁰ Ei moro hedong, emanen nange matu’anu a nasia mange, nde waboho loor besi Tuhan. ²¹ Ei manga amang, naam de mawa ado-ados ate i manga batanu, saniboho natena hi i matêwang. ²² Ei manga ata, ki’itan naange pahasa tuangu ambaotoba a na wasia mange, na’an bati a sasaangen i latahula mange tanu mawa era’ ilatahula, sumata’ karengan i kawolahan i nate enow a pa’an talo besi Tuhan. ²³ Asia mange tawoyenu, tawoyen nange karua i nate enow kele tanu Tuhan, hii tanu si manga totumu. ²⁴ Kailahan i homotahula, Besi Tuhan kemoho komo tahula tumirima beteng be turu behow tanu te’te’ nga, Tialow tuang i kamotahula bo kamotahula sosiuna. ²⁵ Sa sisey Tumulid kasea’an sisia mio tumanggong i seana, nde si Tuhan hii masisir i tou.