1
Hei tuang-tuang: Matulid de adil bo jujur a maya atanu imunen, nde kamotahula hahi bana tuang a doong lenas.
2
Ate-atena ma sombayang bo asuanga i oho, ma tenga-tengamange sa salalu marayow.
3
Iwa sombayangange hamitahula, saniboho buhaan Ningumêlêd bonang tanu asia miaho i wasahai i hamitahula. Saniboho hamitahula do’na mohodait asia rusu i Kristus awahem ahu besuang a penjera.
4
Kawalian miaho do’na iwawa taruku, asia niaho ni humiit.
5
Menonow karua mawuli-wuling kamaulengan a manga tou am beta oho, osa pakenoho noras sinadia.
6
Da mejin pahasa kodaitnu mawuli-wuling i amaulengan, hii tobokang, saniboho kalahanu, kelembisa how ma sowad i manga tou.
7
Pahasa riwayêtku i huahu be homotahula besi Tikhikus, pog i hita mauleng, sosiu moêman bo manga karua i Ningumêlêd.
8
Bewa siuhu sia be homotahula saniboho kamotahula mahailah i riwayêt hamitahula bo serona sia mibor inate homotahula.
9
I wasiuhu sia makarua bo si Onisemus, pog i hita moeman bo behales, esa tou andedet hamotahula. Silatahula kumua moho be homotahula asia niaho mamoali biai.
10
Wa’i siri’i Aristarkus tanu kamutahula karuahu a penjara bo si Markus, pawataan i Barnabas. Be sisia kamotahula tumirima koyow; tiriman nde sia, sasia moay be homotahula.
11
Bo besi Tialow, bewengalan Yustus, bati silatelu a pahasa iboho sinunat maindo karuhu matawoy tanu a kaholanoan Ningumêlêd; pahasa silatahula maindo pangiboran beahu.
12
Siri i Epafras tanu behomotahula; Sisia esa tow andedet i homotahula sosiu i Tialow; lê’têh ma rongigon bo ma sombayang tanu homotahula, saniboho homotahula me’tê kele, tou talê tumou bo moemanio a pahasa kahabogen i Ningumêlêd.
13
Nde ahu do’na mawasairi kelembisa sia, awahem imahawe’e-we’e tanu kamotahula bo tanu silatahula a Laodekia bo Hierapolis.
14
Siri behow behe i tabib Lukas imbehales bo behe i Demas.
15
Ihuamio siri i hamitahula a manga pog a Laodikia; bo hahi Nimfa bo jamaat asuang ambalena.
16
Sa surat i yai binacam andedet i homotahula, damejin nde, saniboho bean kahi bacan a jamaat Laodikia; bo saniboho surat tanu a Laodikia bacan kahi behow.
17
Bo i wongita u moho besi Arkhipus; Pilahanio, saniboho pasalian tinirimahu besi a Ningumêlêd do’na i lapaku i nate enow.
18
Wa’i siri’ku; Paulus, jiri’iai betulisku mio i kamahu, imunen nio asia niaho misumogot iyahu; be’les sononoy wakarua i homotahula.