¹ I habo’ ku homo tahula mahala kelembisa katane’dan sasa’angeiku tanu hamotahula bosi latahula a Laudekia bo manga pahasa awe’ mohohilala i karua susut. ² Saniboho atê beibor karua imbeles siniboho silatahula pangiboran maindo esa ambelês saniboho silatahula mahaere pahasa kahayaan bo ko’emanan pangartian moindo kumilala tatahu’ I Ningumelêd. ³ Nde be si Tialo Irururu kawedayan kaênowan. ⁴ Wai ihuahu sani boho na’am kêlêtu momandey ikodait loor. ⁵ Mande ahu ahi’i wokarua harua I hamutahula sumata’ gonguot ku wakaru-harua I homotahula. Bo Pinilahkum karua i kahi’ kohi’itan bo kaugatan koemanan i kamaulêngannu besi Tialo. ⁶ Hamotahula itumirima si Kristus Yesus Tuhan ihita. Wa'aho kawalian menonow ange bo sisia. ⁷ Be ihamerot hamotahula mamut asuang iSia i wangun ambaoNa, saniboho kamotahula lebe morowotkawaheman kelembisa miaho beturu be how bo mande atenu mawuling indayow. ⁸ Mahatuh, saniboho ahem momandey ihow kele Fisafatna kuwow bo towo. Kele toturu’i najaran kasuru-suru bo kiong imbaoitoba, ta hi’i humi’it besi Kristus. ⁹ Nde asuang i Sia, metetew kelebatangan, pahasa mauhuhu e kehingumeledan. ¹⁰ Osa hamotahula belekew be sia sisia niaho makupania a pahasa penguasa. ¹¹ Besisia hamotahula sinunat, ahi’i sinunat kele pinatulid i tow tak sinunat i Tialoh, ê mbehamoali a pinamalusan i mbatangan ê maharow. ¹² Nde be sisia homotahula belebeng a baptisan, bo a suang isia hamotahulla wakarua bewawatow, nde bo a kawahemanu a tatawoi i kawasa i Ningumelêd. mawa tou i sia a tutud i tow i mate. ¹³ Hamotahula hahi mande tempo imatem i kawa hio hionu, bo hi’i si nunat ambatanganu maleng bewawatow i Ningumelêd wakaruharu bo sia. Ahadem beapungaNa pahasa sea i hita, ¹⁴ bo i kumusu surat imbênang, Nde naturon-natoran nukum dumakwa bo mê’têng i hita bo aho be wawatalam Na a pinakuanNa akayu sinanib. ¹⁵ Sisia nimalus i kupania bo mangamahator, bo itumulid silatahula pinapilah itow tado’o a kinamenanganNa besilatahula. ¹⁶ Awaboho kawalian naam ilingo moho tow i mukuan i homotahula asakum kakanen bo paleku’an suma endo wako bo bulan taleya, suma aho endo sabat; ¹⁷ Pahasa iboho bati palenan i nasia aho musti mahi sakum sia si Tialow. ¹⁸ Naam ilingo kamenaganu i wawahelong mapura-pura mawahisit imbatanga bo itow ma ibadah a malaikat bo mamelet a pelilahan a talahem sêbab mebako-wako imbatangan pikirana a kaduniawian. ¹⁹ Sakum sia hi’i sia tumaka mauleng a kohong, nde pahasa batangan beugatan bo sinogot mainjo esa i manga ohat bo wulangan tumirima katowan ilahiNa. ²⁰ Sa homotahula i matem karua Tialow bo perei a sumosengot imbaoitoba nde aho kamu tahula, mawasese i mbatanganu a pahasa natoran kelemio homotahula menonowe ambaotoba. ²¹ Naam amosen niai, na’am nanaman niana, na’am saiten nia’i. ²² Pahasai boho bati kele barang imotutus pinakean bo behiit anatoran-anatoran ngajaran bo beajar itotumu. ²³ Atoran-atoran iai, mande kawilahan keleitu mawuling kamaulengan bo ibadah pinatuli-tinulid kele itu mawahisit imbatangan. Sumiksa imbatangan ahem moho beregunana nde bati mawawedei menonow ambaoitoba.