1
Behe i Paulus, sosiu i Tialoh, pinapandung i Ningumelêd, be si Timotius manga po’ hita.
2
Bo manga po’ Lenas i mercaya si Tialoh a Kolose. Beles Kohomba’ bo sononoi i Ningumelêd, Amang i hita, Miaha homotahula.
3
Le’têh kami tahula dumayow besi Ngeledtow amang Tuhan bo Tialoh, tebe masombayang i kamotahula.
4
Tinanga’am i hamitahula koêmanannu besi Tialoh, bo kobelesannu a kahelenu tow lenas.
5
Pongea’an suma paharawannu Sina’dianam a Sorga, kele tinanga’num a kukuaNa mainjo katotu’uan a KukuaNa kele a Injil,
6
bo i motaha’dem behamitahulu kukuaNa niboho i mamua’am bo I sumerêbêm ambaoi toba le’be a pakarua’an i homotahula a pahamunan homo tahula tumanga’ suma mongilala I kohomba i Ningumelêd a katotu’uan.
7
Pahasa niboho kinalahan i homutahula besi Epafras. Karua I sosiu I hales i hamitahula, osa behamutahula si I mamoali sosiu i Tialo moeman.
8
Besisia hahi hamitahula I tumanga kobelesannu a suang gongguot.
9
Kawalian niaho ka tanga’i hamitahula, a hi’i sumondo hamitahula mangelei bo sumondo masombayang tanu kamutahula. Bo mangelei kamitahula kamutahula mahaere pongita’uan ulit mahailah pandung i Tuhan a kualitan.
10
Ahi’i saniboho penonowannu memauleng a sasa’angenNa bo metena’an besia ana wasiasia mange bo homotahula mehe bua’ a pahasa tatawoinu maulêng bo tumow a sakum i pongita’uan ulit sakum Ningumelêd.
11
Bo iwawa ugat i nugat moimbahut mosononoi tumanggong asia mange karua i koêmanan bo kasabaran.
12
Bo mapowala’ karua i kahi’ besi amang i mehe kawia’an be hamotahula bo i mehe beteng awasia bewetenga tanu totumu lênas a suang i katerangan i kaholano’an.
13
Sisia i lumepot i hita a karêndêman bo i rumeso I hita a kaholano’an i mbata’Na pina wele-welesNa.
14
Be sisia hita mahaera baer i saleng, waaho saleng pinese’an.
15
Awahem sia Pael i Ningumelêd ta’ hi’i pa bulian a pahasa tinulid,
16
apa’an be siam e pinengeledan inasiamange a sorga bo ambao i toba, e kawilahan boahi’i kawilahan, mauleng a singgasana bo hahi kerajaan bo makupania bo manga moimbahut i pahasa lolow i aho bengelêdNa tanu sisia.
17
Sisia pahamunan a wasia mange, bo asia mange be sisia.
18
Sisia kohong i mbatangan i njamaat kedongmatu’a pahamunan, bo pahamunan maleng i tumow a tutud i tow i matem de a boho sisia pahamunan a nawasia mange.
19
Pahasa kalêkewan Ningumelêd metena’an be siSia.
20
Bo sisia i mawawêdame a sia mange teka batanganNa, mauleng ambao i toba, le’be a nasorga, a kalausan sia i mawawedame karua i ndaha sanib Tialoh.
21
Keleaboho homotahula tempo menonow dekang besi Ngelêd tow bo i mainjo kasehe’Na a suang i nate, bo pongita’uan bo behataram e pahasa tatawoinu ta’pia.
22
Ia’ i talewe’ bewawawedamemNa a mbatangan i Tialo a pinateanNa tanu mepa’ homotahula lenas bo ahem da’i a ndiorNa.
23
Bohokawalian mo’e manangere a kamaulêngan ; mete-ete’ na’am meye, bo na’am maibog i seyet a paharawan i kukuaNa, tinanga i hamutahula bo be sairi’ a kauha’an bo ambawa’ i langit bo siahu wa’i Paulus I mainjo sosiuna.
24
Ia’i talewe’ mekahi’ ahu dona imongigon tanu kamu tahula bo i lemekêw a kêtê’ a sia be hahurang a pinongigoan i Tialo tanu batanganNa a njamaat.
25
I mamoalim ahu sosali njamaat wa aho mi’it a tatawoi be taro i Ningumelêd be ahu tanu lumaus i KukuaNa karengan i kaleke-lekew tanu kamotahula.
26
Wa’i tatahu’ be haruru a nabat moho a nabat a suru moho a suru ta’ ta’i talewe’ bewawataram manga totumu lênas.
27
Besilatahula Ningumelêd maibog kumua kahaya’an bo konunga’an tatahu’ i aho a pahasa bangsa-bangsa bo tou balina, wa’i si Tialo bana a tutu’i homotahula, si Tialo papaharawan moho a kasononoian.
28
Sisia i wasahai i hamitahula, sa manga tow turu’an hamitahula toturu’ osa susuian i kamaulengan tanu matod i manga tou a kotolimomotan besi Kristus.
29
Wa’aho pongambutenku bo pongigoanku karengan I pahasa korowotan, mi’it kawasaNa e matawoi karêngan i ndowotku.