1
Kalahanu awahem anendo kalawusan sia mahi atepo kasusaan.
2
Totumu lebe mahales imbatangaNa. Nesa bo mamoali sosiu. Kupang/doit kamotahula mongaha-ngaha bo mo sombo sombong imbatangan. Kamotahula awahem mamoali mo sero, kamotahula awahem malewah amatua bo ahi’i mahala kumua makase, ahi’i marduli i agama.
3
Ahi’i mahala mahales, ahi’i mabok medame, mabok masia-sia tow, ahii mabog tumahang gio imbatangan, ahi’i mabo i mauleng.
4
Mabo mawatapia, ahii mapikir katangan. Tumuru mahalah, lebe lumas anawedu nde lumas a Ngeled tou.
5
Kele akahelaman kamotahula lumapang ibadah i hamotahula, sumata i sasane kamotahula sumakal korowatana dumekang be silatahula.
6
Kawalian atutu i homotahula kinadapatan tumirih ambale itow balina bo kumeres i mangawene kawel tadoo sea bo kereheresan i pahasa anawedu,
7
Mande onah leteh susuian ta ahii mahasa mahahilala kaulitan.
8
Mekele si Yanes bo Yambres i lumawah si Musa, keleahe silatahula i lumawah ulitan. Uteh i hamotahula tapia bo kawaheman i homotahula ahem totumu.
9
Sumata to tuu kamotahula ahii te lebe mamuna nde kele a suang i Yanes bo Yambres. Kawodohan i homotahula waaho haturu a pahasa totumu.
10
Sumata kau lumas a wapakuahu bo penonowaiku, giohu kawahemanku. Kasabaranku, beleku bo koemananku.
11
De how re lumas kumelam apauahen bo kumelam kele akinahelamaiku Antiokhia bo a Ikonium bo a Listra pahasa mapauah-uah waaho kenelam ku bo si Ngêlêd tow imawalepot iyahu be sia.
12
Awahem si seiyange totumu mabo menonow maibadah a suang Tialoh, sia kumelam mbeuah.
13
Sedang totumu tapia bo motowo lebe me doharohang tapia kamotahula mawahisel ba kinisel.
14
Sumata papandungenna leteh kekemen akatotuuan. Asia niaho tinirima bo how totuu de salalu mangimun totumu mainjo i mahajar be how.
15
Imunen atepo i kedope kow mahalahem ikaol bo mahalahimehe komba be how bo meang i how a kalowidan apaan kewaheman a Ngeled tow.
16
Pahasa be watih bewawaiwi Ngeledtou mawawemauleng, osa bewawaturu kaseaan, isusui atow a kaulitan.
17
Iboho kawalian manga tow beteng i Ngeledtou belekew nde pahasa tatawoi mauleng.