¹ Kawalianoho hei kedo’ku, mamoali ētē a’mbeles kohomba a’suang Ngeledtow. ² Asia niaho kinataan bēahu, a’sasaangen tado’o sairi êmanenoho a’mangatow ³ Lumas a’katanedan kēlē esa sururaho i memauleng ndē Tialoh. ⁴ Esa sururaho sèdang maperang, ahi’i mamiki-mikir batangana bo ahi’i mamiki-mikir penonowana, saniboho sia wetenaan bo a’ pahalasana. ⁵ Esa tow tapayayang dona mahaērē bētapē akohong kēlē juara, sa sia mayayang maki’it bēwaturu tapayayang. ⁶ Esa tow tumotawoy a karedemana kaiwiana êlokana. ⁷ Tulidenu asia niaho bēhuahu, Ngeledtow emehe behow pangartian anawasia mange. ⁸ Imuneniai: Tialoh, itumou atutud, i totumu tow i mate, bēwawatow kēlē belolosan Daud, waaho bewapakua a suang Injil. ⁹ Apa’an bēwawataan Injil ahu mesusa, ahad tinorunggu kele tow tapia, sumata kukua i Ngeledtow ahi’i tinorunggu. ¹⁰ Kawalianoho aho nabar tumanggong pahasa boho amanga totumu sinisir Ngeledtow, saniboho silatahula mahaērē katowan lenas a Ngeledtow Tialoh ndē kalooran kaeto-eto. ¹¹ Totu’u kodait i yai: “sa hita mate ndē si sia, kita hahi dona menonow ndē si sia; ¹² sa’ hita kumundu, kita hahi lumas maperenta nde sia, sahita hita sumakal i sia, si sia hahi hi’i sumakal i’ hita; ¹³ sa’ hita hi’i dedem, Sia tetap dedem, kawalian sia ahi’i sumakal i’mbatanganNa ¹⁴ Imunem bo ihua’ apahasa waaho karua kaulitan bēsilatahula a’sasaangen Ngeledtow, bo na’am maputar ikodait, apa’an waaho mekele hahi hi’i bereguna, torunggu mawalikoko tow i tumanga. ¹⁵ Damejinu saboho how wetenaan a’sasaangen Ngeledtow, kēlē totumu matawoi ahi’i mahalah sokia i wawataan ambeabar kodait a katotu’uaniaho. ¹⁶ Sumata dumēkang a’kotowoan ahem suanga bo ahi’i bayo bo dumohang katapia’an. ¹⁷ Kodait ilatahula lumoyod kēlē mahados kanker. A’tutud homotahula kēlē si Hemeneus bo Filetus, ¹⁸ i mawawetow kaulitan bo masusui awahem katowan ihita bēhalawusem bo a kēlē aho mawarusah kawahēman a tanu totumu ¹⁹ sumata saleh bewao Ngeledtow ētē bo bēwatiNa iaho: Ngeledtow mahilala sisei e sawaNa bo sisei totumu kumua ngalan Ngeledtow i lepotemoho katapia’an. ²⁰ Asuang bale wako, ahi’i wati kaerean pakakas kele emas bo perak sumata iaho kele kayu bo toba, apahamunan pinake tanu i kahabogen a’kalooran bo a’kalawusan tanu kahabogen a’kahurangan i kalooran. ²¹ Sa esa tow mawa weresi mbatangana a pinatuli-tulina ahi’i mauleng, ahi’i sia mamoali pakakas imbale tanu kahabogen a kalooran sia a kalenasan a kawilahan mauleng a pahalasena bo sinadia tanu patawoyen a kalooran, ²² kawalianoho irēkang nawedu a’taletumow, pelasen kaulitan, koēmanan beles bo damē medoro-roro bo silatahula ma’ombal bēsi Ngeledtow karua natē lo’or. ²³ Iworus pahasa pangila-ngilahen, mawawodoh bo ahi’i metulungan, sihow mahalah awahem waaho mawalembo pepatēan ²⁴ Sēdangkow wapasiu Ngeledtow ahi’i rona mepepatē, sumata kou mahales a’pahasa totumu; sihow mahalah mahajar, sa’bar. ²⁵ Bo ēmēng dona mēangitow mabog malawah, apa’an Ngeledtow mēhē tē’po besilatahula tanu mato’bat bo sumopiwi silatahula saboho silatahula mahilala katotu’uan. ²⁶ Saniboho silatahula mamoali mawedis, saboho halepot a sosogow sètan bo sumogot latahula a pandunga.