¹ Nde hita daket makarua matawoi, i hua i musi sarona naam kamotahula ê beles i kohomba, maindoo ahem toro. ² Nde kukua i Firman : A tepo ahu metenaan tumanga ahu be tow. Osa a nendo ahu mawawia i how, owodaiku how apaan i ai taleweem e tepo i wetenaaku, osa i nia ê nendo pawawiaan. ³ Ana sia mange ahii hamitahula i mawawisud i tow saniboho a pasalian i hamitahula a hihi maere soro. ⁴ Maleng i hawalengai a pahasa tunilid i hamitahula i turu i hamitahula apaan kamitahula masali a Ngêlêd tow. Waaho i tumahang karua i nelud bo papongigon, kahenengan, bo kasusaan. ⁵ Animigon a suang i torunggu bo kaurasian a nimapalo-waloh osa êmahiaha bo i mogindis. ⁶ A kataran i nate, kawa ute, elud, koimunan i nate a suang i Roh Kududs bo beles ahii haliut. ⁷ A suang i kaulitan i kawasa i Ngêlêd tow a mawake mangakelid kaasan tanu suma tumogas. ⁸ A Noras pinoniri, anoras e noras, anoras, pinoonapa anoras pinedayow, anoras pinakatam sata pinaheman. ⁹ Kele tow ahii kailalaan mainjo pawulian, kele tow toyo ta i mate, ta tetap kamitahula menonow, kele tow bine, takahii i mate. ¹⁰ Kele tow imatape, tak mainjo mekahi-kahi lengei tak i mawasiha i manga tow-kele tow alahem mohore, mandewe kahi kamitahula tadoo kapunyaan. ¹¹ Ei manga tow i korintus i hua i hamitahula be homotahula ate i hamitahula binuhaananto tanu kamutahula ¹² Osa hahi bana tampa loas a nate i hamitahula, tanu hamitahula si nadi tampa keneng a nate i homotahula. ¹³ Osa i ai talewe mainjo masalikuan, juahu kele a manga hedoku i habowang nate. ¹⁴ Naam kamotahula kele tu kateteb a tahii timbahel kele tow ahii noeman nde asia pekelean a nepang i kaulitan bo keselibaan bo kelembisa e tenang mainjo esa bo demdem? ¹⁵ Asia pekelean a nepay i Yesus bo sumesenggot. Asia beteng i toow maheman bo ahii moeman? ¹⁶ Asia petauang imbale i Ningumêlêd bo berhala? Apaan kita i menonowe bale i Ngêlêd tow-kukus i kaol metewe wio ahu i wakarua i latahulla, osa ahu menonow nepang i latahula. Osa mamoali ahu Ningumêlêd besi latahula, silatahula hahi mamoalli manga tow. ¹⁷ I boho kawalian lumuai hamotahula a nepang i latahula, bo tu mared besi latahula kukua i Ngêlêd tow. Naam mamos asia niahoo e samen. Osa ahu tumirima i hamotahul. ¹⁸ Majadi ahu amang i hamotahula osa bataku tuama bo ba taku wene kele a boho kukua i suang i kaol, e mahaimba hut niit.