¹ Apaan kalahan i hamitahula sa penonowan ambaoi toba yai uhaiên, sina'diam i Ningumêlêd êsa utunan a sorga tanu hita, pahutunan têlas ahii tinulid i kamai totumu'. ² Kaêto' kita a pênnowaniai, mo'balu hita ma'boo io' kita moho mutun ambaleihita a sorga. ³ Nde bi'boho kalêkêwan i pênonowan ihita, mênonow taleya. ⁴ Kaêto' mênonow ambaoitoba mo'bolu-bolu hita nde tanêd io' kumeunehumeng apaan kita ma'bo menonow taleya, sumata ahii hita ma'bo lumêpot imbehaleotêm, sani'boho pahasa penonowan ahii têla ia i belamêd i katowan. ⁵ Sumata' Ningumêlêd kemoho do'na lumêkêw ihita tanu pahasaioho bo mehe Roh Na be hita tanu i waer. ⁶ Kawalianiahho morowt natei hamitahula. Mande kalahan i hamitahula awahêm kaêto' menonow kamitahula maki'it a pandungi katanganiai, dekang besi Tuhan. ⁷ Penonowan i hamitahulla, mênonow nde apaan maheman besi Kristus, ahii sa asia mapilah. ⁸ Waaho kawalian morowot natei hamitahula bo bako' kahi' i hamitahula mamoali batangan iai iwakoruai Ningumêlêd. ⁹ Kawalia niaho ni'itio kamitahula ma'berusa tanu mawa senang i nateNa, mauleng a tempo hamitahula a mbalei kamitahula abiai, suma bi'buia sorga. ¹⁰ Awahem ahii sakalên kitai pahasa sumangi pa pirisaan i Kristus, bo êsa bo êsa mahaere balasan iwetimbaêlam bo pinatulidna ambaoi to'ba ia i tatawoi mauleng suma ta'pia. ¹¹ Kalahan I hamitahula asia sondait I mataloi Ningumêlêd. Waaho kawalian ma'bêrusa hamitahula mawaemani tou asakum batangan i hamitahula, Ningumêlêd mahaibalai hamitahula motahad a karalêman, bo paharaweiku kamutahula hahi mahailala i hamitahula andalêm inatenu. ¹² Karenganian hii wangeleiên i hamitahula sa'boho kamutahula marayow i hamitahula. Bati kamitahula ma'bo mehe êsa maulêng behamutahula sani'boho iwêkahi i hamitahula kamitahula. Sani'boho kalahani hamitahula sumowat i mangatow mapongaha i patulidêna ahii osai kawahatena. ¹³ Sumata hamitahula, ahii moimbahut imbatangan, waaho mahai pasalian tanu hamitahula. ¹⁴ Awahêm bêlêsi Kristus i maoibahut i hamitahula, apaan kalahan i hamitahula, sabana totumu i mate tanu pahasa tou, yanasa pahasa silatahula i mamatem. ¹⁵ Osa Kristus i mate tanu ppahasa tou, sani'boho silatahula monowe', ahii menonow tanu katangana mio', sumata' tanu si ê nimatem bo maleng be wawatow tanu silatahula. ¹⁶ Kawalianiaho hamitahula alam mate'be i tou kelei kawa tebe i totumu. Bo sa kamitahula mahasa i matebe si Kristus keleikawa tebe i totumu, yaitalewe kamitahulla alam kahi mate'be kelewaaho. ¹⁷ Yanasa sisei e nasakum i Kristus, mamoali totumu taleya. Pahasa koyongan alane moho sinaolanem i taleya. ¹⁸ Osa pahasa iai besi Ningumêlêd sa mahi. Kristus mawadameihita bo batangaNa, osa bewawa akenam e pasaliani pa'samean iaho be hamitahula. ¹⁹ Apaan Ningumêlêd mawa'damei baoitoba bo batanganNa bua'tatawoi i Kristus osa ahii imate'bei ppinese'an ilatahula. Bewawa akenam kataraan i pê'damean iaho be ahmitahula. ²⁰ Yanasa kamitahula iai manga sosiu Kristus. Keleitu Ningumêlêd isumasani i hamitahula i lumeot be hamitahula karuai ngalani Kristus pangeleiên i hamitahula : iwawa dame mange êmbatangan bo Ningumêlêd. ²¹ Sia e tahii ahailala i sea' hawali kita i pahasa sani'booho asakum i Sia kita pinongeanem i Ningumêlêd.