¹ manga morowogku karua imbeles apa'an kita imeang e waaho dorandi, mayom kita mamawa'yo i mbatangan a pahasa pesamehan bo sarani nde i kelewaboho mawatolimomod i kalenasan i hita a matalo besi Ngêlêd toow. ² beanange tampa kamitahula a nate i hamotahu ! Ahi'i hamitahula i tumulid sa besi seiange ahemange wawarugi i hamitahula, osa ahem be wawautung. ³ I huahu kele'aboho ahii sa mawarabas tinu akumuan be hamotahula, nde waaho tadi behuahum kamotahula mahaere tampa a nate i hamitahula, ate tumow kita makarua harua. ⁴ I huahu be hamotahula ange i hamotahula ta ahu mawasukat i hamotahula. A pahasa papongigonen i hamitahula, e mahaere pangi'boran bo kahi melebe-lebesoho. ⁵ Bo' hahi anoras kamitaulla be hoamat a makedonia ahii hamitaulla i mahaere katetengan ambatangan i hamitaulla. Bisana mange kamitahula i mahahelam kasusaan bo'ai ndekang i papepatean bo matalo. ⁶ Ta si tialog a ni mibon itow keneng nate, ta i mibor i hamitahula a bo i Titus. ⁷ Ahii sahati be tak kahi pangiboran bo beni ni mana a tutud i hamotahula. Apa'an behuanam be ahmitahula a katenemana imbutu, kaulitan, tanu i mapung i ahu, sampe ahu lebe mio i medayo-nayow. ⁸ Ta mande ahu i mawatape i natenu karua koyoku, ta ahu ahii manesel ta amasa ahu i manesel, apaan beilaku a koyouhu imawatape i natenu mandewe bati sangahundaw kaeto'ana. ⁹ Iboho kawalian ahu kumua bako darayow, ahii sa hamotahulla behaleotem tappe, ta apaan i tappenu i tumuid kau mawedis. Awahem waaho tapenu maki'it a pandung i Ningumêlêd sampe hamotahula mande kisit tange ahi'i mawarugi apaan kamitahula. ¹⁰ Apaan tape kami'it i patuliden i Ngêlêd tow, mamua kawedisan meang kalowidan osa a tahii paneselang tape am boai toba mamua pawate. ¹¹ Nde tutulan nange i meem tape kumiit a pandung i Ningumêlêd. Mawatulid i hamotahula kaulitan bako, bo hahi , mawatogas imbatangan, katuraraan, kataloan, kateneman, kare'deman, bo panguku'man. A pahasa waaho mawatara i hamotahula, ahii masea a pperkara waaho. ¹² Nde keleaboho saaho manalis koyou be homotahula, ahii sa tow ni mesea bo tow mapongigon kawahio mesea apaan sakawalohan i nate be ahmitahulla mainjo totu'u be hamotahula a saaangen i Ngêlê tow. ¹³ Nde hamitahula i mahahela pangibooran. Ahii sa bati pangiboran e kinaerean, lebeh hahi kamitahula mekahi, apaan iwekahi i Titus, apaan mawatomboi i natena. ¹⁴ Mawatirayoo ahu ihamitahula besisia osa hamotahulla ahii mawahisit be si Titus i humiitem. ¹⁵ Osa belena medoha-rohang kakoana be hamotahula, sa sia mimun kawaheman i hamotahula, kelembisa hamotahula tumirima i noaianNa karua i talo bo heleh. ¹⁶ Bako darayouhu nde ahu doona mepa kawaheman be hamotahula a nasiamange.