¹ Maha’dem morowog, Pangeleyen hamitahula, bo isu’inange hamitahula asuang i Tuhan Yesus, i tumangaam kamotahula behamitahula, kêlêmbisa kamotahula menonow, saniboho ulit a Ningumêlêd. Pahasa i boho kiniitanem i homotahula, sumata atê-atênoho niaho karua nenow. ² Kalahan i homotahula asia niaho ngawila be turu, behe be homotahula karua ngalan Tuhan Yesus. ³ Nde niaho ni habog i Ningumêlêd; Kaenowanu, saniboho i harekang a pedetuhan. ⁴ Saniboho kamotahula do’na minjo karoang bo menonow enow bo sisia andalem kotolimomotan bo kalenasan. ⁵ Hi’i kumiit a kahabogan i batangan, mekêlê bo manga tow hii mahahilala Ningumêlêd. ⁶ Saniboho pahasa yai-i, alahem tow do’na kumêlêng i pog nga bo hii maulêng suma momandey, Nde pahasa i boho bati’ si Tuhan do’na malas, mekêlê bo asia niaho behua i hamitahula atalewe behow. ⁷ Ningumêlêd tumiang i hita hi-i sa tumilid da’i, sumata tumilid asia niaho lenas. ⁸ Awaboho kawalian sisey tumulud iai, hi sa tumulud i totumu, sumata tumulud i Ningumêlêd i mehe Gongguot Na Lenas be homotahula. ⁹ Awahem beles kawapoggan mo’nam i watiĥ behow, be homotahula i mahajarem kelembisa niaho mekahalesan nde Ningumêlêd. ¹⁰ Pahasa i boho tuliden kahi a manga pog a sakumen Makedonia, Sumata kamitahula tumuru behomotahula manga marowog, saniboho kamotahula ulit-ulit, tumulid i aho. ¹¹ Anggapen nio niaho maindo siribako tanu menonow enâ, tanu mator asia niaho pa-ato-atoren bo tawoyen i kama, mekêlê bo koyow i hamitahula be how. ¹² Saniboho homotahula dona menow bo maindo tou elû ambelen i latahula bo ahii bergantong besi latahula. ¹³ Kalausanamoho, Kamitahula hi-i mabog, awahem hi-i kalahan i hamotahula kelembisa silatahula e ni matêm, saniboho homotahula na’am matape mekele bo tou walina alahem paharawen. ¹⁴ Nde sahita mercaya, awahem si Yesus i matem bo malengem i tumow, keleabohohahi hita percaya silatahula i mamatem a suang i Tialo, sesenenan i Ningumêlêd bo i wakaru-haruaNa. ¹⁵ Pahasa ya-i, i hua hamitahula behow nde Kukua Tuhan. Hita menonow bo menenet ma nondo-nondo i noayan i Tuhan ahii mahasa mamuna besi Latahula i mamatem. ¹⁶ Nde sa noras bineanem tanda, waaho manga penghulu malaekat mawasawa-sawang bo sangkakalan i Ningumêlêd i numuum, waboho si Tuhan nemio lumolos a sorga bo silatahula i mamatem a suang i Kristus, silatahula kahamunan tumow. ¹⁷ Malausoho, menonowe’ biai, medoro-ro iatang â kambur sumupah si Tuhan a angkasa, Nde ni wakaru-haruru i Tuhan ahad kaeto-eto. ¹⁸ Awaboho kawalian bean nange silatahula pangiboran a nesa wo esa teka manga kodait ya-i.