¹ Sata’ asakum noras bo tepo manga morowog a hi’i sama’ i wamatih behomotahula. ² Kalahanio’ I homotahula, endo I Tuhan mahi, kele totahow a mbengi. ³ Sa silatahula kumua : Pahasa i a’i sononoi bo aman. Yanasa silatahula i mekombo’ tinena i katutusan mekele esa tow bene mahali-ali tinena i mahados. Mahatawata’- pahasa silatahula hi’i halepot. ⁴ Ta’ homotahula manga morowog, ahi’i menonow a karendeman, asakum endo wa aho mekombo’ai behomotahula kele totahow. ⁵ Nde pahasa homotahula awahem bata’ a kasuloan bo mangawata’ i kauha’an. ⁶ Kawalian ni’aho le’be mauleng na’am hita mo’o kele itu to balina, sumata’ mahia-hiahare bo mawolo enow. ⁷ Silatahula mebo-o-o, a ka wengi-wengi nde lolanga i latahula ambengi. ⁸ Sa ta’ kita, manga tou kauha’an , lebe maulêng hita mawolo, melatang latang kelid koemanan bo beles bo sapeo paharawan kawia’an. ⁹ Nde Ningumêlêd ahi’i tumantu i hita tinena i mboro’, sumata’ apa’an kawia’an i Yesus Kristus. Ngeled tow i hita. ¹⁰ E nimatem tanu hita, saniboho mane’ kita mahia-hiaha mane kita hita molo-wolo, menonow karuruNa. ¹¹ Kawalia niaho. Metuturu’an nange a nesa bo esa bo mepowoloan nange homotahula asia niaho pinatinulid i homotahula. ¹² i hamitahula be homotahula, siri’in nange silatahula I mapongugat matawoi a tutud i homotahula bo i kinahat i Ningumêlêd behomotahula bo mawa perow i homotahula. ¹³ Bo homotahula muli-ulit tumêtêng silatahula, a suang i mbeles nde tatawoi i latahula. Menonow de a kasononoian a nesa tow bo a pahasa tow bilana. ¹⁴ Hamitahula hahi mehe tuturu be homotahula, perowan silatahula menonow hi’i maki’it. Niboren silatahula tewang nate, togasen silatahula i kawel, elu’ange a pahasa tow. ¹⁵ Imunende na’am bana tow malas i ta’pia bo ta’pia. Sumata’ damejinange matulid mauleng a nesa bo esa le’be a pahasa tou. ¹⁶ Mekahi-hahi’ ange. ¹⁷ Kumundure masombayang. ¹⁸ Moninda nindayow a nasia mange, de waaho kahabogen i Ningumêlêd a suang Tialo Kristus be homotahula. ¹⁹ Na’am nde paten Tutuh. ²⁰ Bo na’am itoro e nubuat-nubuat. ²¹ Silihen nange e nasia mange bo tikemen pahasa mauleng. ²² I waharekang batangannu a pahasa ta’pia. ²³ Meret Ningumêlêd enow sononoy mawalenes pahasa kamo tahula bo roh kanalu Imbatanganu beyahaan mauleng bo ahem sea ana hian Yesus Kristus Tuhan i hita. ²⁴ Sisia nitumiang ihamo tahula mauleng ngio’ sisia hahi elumekew. ²⁵ Morowo isombayangange kami tahula. ²⁶ Ihuamange sisiri’ i hamitahula apahasa morowo bo timuan karua beles lenas. ²⁷ Karua ngalan i Ningumêlêd pangelei yeku be homotahula osa surat ia i bacan apahaso wog. ²⁸ Enow sononoy Yesus Kristus Ningumêlêd ihita maka ru harua i homotahula.