1
Sata’ asakum noras bo tepo manga morowog a hi’i sama’ i wamatih behomotahula.
2
Kalahanio’ I homotahula, endo I Tuhan mahi, kele totahow a mbengi.
3
Sa silatahula kumua : Pahasa i a’i sononoi bo aman. Yanasa silatahula i mekombo’ tinena i katutusan mekele esa tow bene mahali-ali tinena i mahados. Mahatawata’- pahasa silatahula hi’i halepot.
4
Ta’ homotahula manga morowog, ahi’i menonow a karendeman, asakum endo wa aho mekombo’ai behomotahula kele totahow.
5
Nde pahasa homotahula awahem bata’ a kasuloan bo mangawata’ i kauha’an.
6
Kawalian ni’aho le’be mauleng na’am hita mo’o kele itu to balina, sumata’ mahia-hiahare bo mawolo enow.
7
Silatahula mebo-o-o, a ka wengi-wengi nde lolanga i latahula ambengi.
8
Sa ta’ kita, manga tou kauha’an , lebe maulêng hita mawolo, melatang latang kelid koemanan bo beles bo sapeo paharawan kawia’an.
9
Nde Ningumêlêd ahi’i tumantu i hita tinena i mboro’, sumata’ apa’an kawia’an i Yesus Kristus. Ngeled tow i hita.
10
E nimatem tanu hita, saniboho mane’ kita mahia-hiaha mane kita hita molo-wolo, menonow karuruNa.
11
Kawalia niaho. Metuturu’an nange a nesa bo esa bo mepowoloan nange homotahula asia niaho pinatinulid i homotahula.
12
i hamitahula be homotahula, siri’in nange silatahula I mapongugat matawoi a tutud i homotahula bo i kinahat i Ningumêlêd behomotahula bo mawa perow i homotahula.
13
Bo homotahula muli-ulit tumêtêng silatahula, a suang i mbeles nde tatawoi i latahula. Menonow de a kasononoian a nesa tow bo a pahasa tow bilana.
14
Hamitahula hahi mehe tuturu be homotahula, perowan silatahula menonow hi’i maki’it. Niboren silatahula tewang nate, togasen silatahula i kawel, elu’ange a pahasa tow.
15
Imunende na’am bana tow malas i ta’pia bo ta’pia. Sumata’ damejinange matulid mauleng a nesa bo esa le’be a pahasa tou.
16
Mekahi-hahi’ ange.
17
Kumundure masombayang.
18
Moninda nindayow a nasia mange, de waaho kahabogen i Ningumêlêd a suang Tialo Kristus be homotahula.
19
Na’am nde paten Tutuh.
20
Bo na’am itoro e nubuat-nubuat.
21
Silihen nange e nasia mange bo tikemen pahasa mauleng.
22
I waharekang batangannu a pahasa ta’pia.
23
Meret Ningumêlêd enow sononoy mawalenes pahasa kamo tahula bo roh kanalu Imbatanganu beyahaan mauleng bo ahem sea ana hian Yesus Kristus Tuhan i hita.
24
Sisia nitumiang ihamo tahula mauleng ngio’ sisia hahi elumekew.
25
Morowo isombayangange kami tahula.
26
Ihuamange sisiri’ i hamitahula apahasa morowo bo timuan karua beles lenas.
27
Karua ngalan i Ningumêlêd pangelei yeku be homotahula osa surat ia i bacan apahaso wog.
28
Enow sononoy Yesus Kristus Ningumêlêd ihita maka ru harua i homotahula.