¹ Alam kahi hamitahula mahabaya, kawalian niaho. Hamitahula I mahinjoan sumondo bo mesa mio’a Atena. ² Osa hamitahula masiu si Timotius po’ i wakarua matawoi be hamitahula tanu si Ningumelêd sumairi’ kukua Kristus mehe ugat a natenu bo tumuru be hamutahula a kamaulengannu. ³ Saiboho alahem tow meye’ bo mobangguang kamaulêngana apa’an kasusa’an i niamai. Nde kalahan i homotahula hita tinatunam tanu wa’aho. ⁴ Ndê a tepo hita sumesêsên bo homotahula. Behuam i hamitahula kasusa’an mainjo kelamen i hita. Bo wa’aho kinalahan I hamitahula I mamoalim. ⁵ Waboho kawalian nde alam kabaya’an ku. I siuhu sia, saiboha kalahaiku kamaulêngannu a wahêm mahu malia-liang ndêsa bendu i hamitahula mahouw (mekuow). ⁶ I a’i talêwe’ i malengem I moai si Timotius behamutahula, bo i me’angoai na’bar mohobeatan sakum kawaheman bo kobêlêsannu bo awahem homotahula le’têh mepawaimunan maulêng tanu hamitahula bo maibog metau bo hamitahula kele hamitahula hahi maibog metau. ⁷ Yanasa hamitahula hahi morowog a pahasa kaipitan bo kasusa’an I hamitahula mainjo I wêkahi i homotahula bo kawahemannu. ⁸ La’i talêwe’ kami tahula malengembewawatow ta’ sahomotahula metê’ tumod besi Tuhan. ⁹ Asia ndarayow i wowala’ i hita besi Ngelêdtow a pasaha kahahi’in a kinaerean i hamitahula apa’an homotahula a ndior i Ningumelêd ? ¹⁰ Êndo bo wengi hamitahula kumundu masobayang sarona hita metau tokia bo tokia bo medohang asia ni’aho kaut a kawahemannu. ¹¹ Sarona sia Ningumelêd bo Amang i hita bo Tiola. Tuhan i hita muha’ ndalan moho be homotahula. ¹² Bo sarona si Tuhan tumulid i homotahula me doha-rohang bo mawuli-wuling i mbêlês êsa bo êsa le’be a pahasa tow kele hamitahula mahalês i homotahula. ¹³ Sarono sia mawaugat natenu, saiboho ahêm nda’i bo lênas a sasa’angen i Ningumelêd Amang i hita a noras. Nahian Tialo Tuhan i hita karêngan i ipahasa tow lenasNa.