¹ Kamotahula mio totuu mahaila, hem manga morowog, nde nahian ihami tahula atutud ihomo tahula ahi’ire kuwow. ² Tak mande hahi kêlê aho kamitahula alawe, kêlê kailahan i kamotahula, pina kinuleng bo sinero’a Filipi, sumata a di nuluh i Ningumêlêd i hita. Kamitahula mahaere kawarenayan tanu sumahai kukua Ningumêlêd be komotahula andalem katanedan pangambutan. ³ Nde powolo i hamitahula hii Tumow Akatapiaan suma kelêitu ahii wu’tul bo hii tapo mandei. ⁴ Ta, nde Ningumêlêd milah kamitahulah do’na maheman i ninjil be hamitahula, waaho kawalian kamitahula masirita, ahii samawa wekahi itotumu sumata mawa wekahi Ningumêlêd i manguji kawahate i hita. ⁵ Nde hamitahula tahula hii mokodait ême ambaba kalahan i hamitahula ahii mahasa hamitahula mainjo teteh i waruru Ningumeled mainjo sairi. ⁶ Kêlê aho hahi kamitahula hii mangilah dayow itotumu, mahi be homotahula, kêlê aho hahi atow balina, mande we kahi kamitahula dona tumuli kêlê si Rasul-rasul Kristus. ⁷ Ta kami tahula matuli mauleng atutu i hamotahula kêlê mio esa matua wene masali bo mahiaha imbatana. ⁸ Kêlê aho hahi kamitahula, atutu imbeles bako be homotahula, ahii sa bati mabog mebeteng Inijil Ningumêlêd bo kamotahula, sumata kahi penonowan kamitahula bo komotahula ihales kamitahula. ⁹ Nde kaimunan i manga morowog aho pinapong’ika’an bo pineloko-lokoan i hamitahula. Mande kamitahula matawoy endo bo bengi, saniboha ahii mainjo taned besiseyange kêlê aho hahi be kamotahula, kamitahula mawasereb Ininjil Ningumêlêd be kamotahula. ¹⁰ Kamotahula sairi, kêlê aho hahi Ningumêlêd elu’io’ bo ahem da’i a ndedet i kamotahula moeman tinulid i hamitahula. ¹¹ Kalahan de i kamotahula asakum kamitahula kêlê mio ndo’o matua asasaangen batana, mêhê powolo be kamotahula bo mawaugat natenu esa bo esa. ¹² Bo mangelei mio saniboho kamotahula menonow kêlê kahabogen i Ningumêlêd i tumiang kamotahula sumuang ambale lenas bo konungaanNa. ¹³ Nde waaho kawalian kamitahula hii menondo-nondo marayow i Ningumêlêd, nde kamotahula imahaerem kukua i Ningumêlêd aho mbe hua i kamitahula ahii kele kodait itotumu, sumata aho totutotuu kêlê kukua i Ningumêlêd, itumawoy hahi behomotahula imaheman. ¹⁴ Nde kamotahula, morawog imamoalim maki’it jamaat-jamaat Ningumêlêd a Yudea, jamaat-jamaat besi Kristus Tialoh, kamutahula hahi i mongigon a manga karua karoongu. Pahasa kinelam i latahula amanga tau Yahudi. ¹⁵ Le’be tow Yahudi nimate si Tuhan Tialo bo manga nabi imekuleng kamitahula. Asia mange metenaan a Ningumêlêd ahii tinanga i latahula bo pahase tow musuh’ i latahula. ¹⁶ Nde pandung i latahula ma papar i hamatahula sumahai i kukua amanga bangsa-bangsa mainjo kawia’an ilatahula kawalian ni’aho silatahula le’têh matuli-tuli tapia ilatahula ahad malekew katado’oan da’i bo ia’i talewei borok irumatugem latahula. ¹⁷ Tak kamitahula morowog kêlêitu beharekang behamotahula, dekang ambelen tak susut anate, uli-ulit niitio mahatenem osa maberusa mahi wetauw i hamotahula. ¹⁸ Nde kamitahula medekereken mahi be homotahula siahu Paulus hii sawati mahasa imahi mande pahapa-paran tahi lilahen. ¹⁹ Nde sisey Paharawan i hamitahula bo kahi i hamitahula suma tapel asasangen Yesus, Ningumêlêd i hita anoras Nahiana, Satahii’ kamotahula? ²⁰ Ulit, Kamotahula konungaan hamitahula bo kahi ihamitahula.