¹ Besi Paulus, Silwanus bo Timotius besi jamaat tou i Tesalonika asuang i Amang bo a suang i Tuhan Yesus Kristus. Beles kohomba bo enow kosononoyan karuru i homotahula. ² kamitahula mapowalad besi Ningumêlêd tanu hamotahula pahasa bo makua I hamotahula a sombayang i hamitahula. ³ salalu kamitahula mangimun tatawoy koemananu, im bêlês’nu bo kahunduan paharawannu besi Tuhan hita Yesus Kristus a sasaangen Ningumêlêd Amang ihita. ⁴ Bo kalahan hamitahula, manga morowog imbehales i Ningumêlêd, awahem kamotahula sinisira. ⁵ Nde injil be sahai hamitahula ahi’i behua be homotahula, bati kodait io, sumatu teka korowotan i ongoguol bo mehe kotutu’uan ete’ nde awahem. Homotahula, mahailah kelembisa kamitahula matawoi andedet i hamotahula tanu homotahula. ⁶ Bo kamotahula i kumi’it hamitahula i kelembisa makiit besi Tuhan; a suang katanedan pekulengan taned komotahula itumiriman kukuaNa i oho kahi i karua i tatawoy i monggoguot. ⁷ Kawalian homotahula i maindom papoguludan a pahasa tow mo e man a sakumen, wilayah Makedonia bo Akhaya. ⁸ Nde hawali andedet i homotahula Kukua Ningumeled matana hi i bati’ a Makedonia bo Akhaya, mio sumata be ha sereb embinabar mange kelembisa kawaheman i homotahula besi Ningumêlêd, Saniboho kamitahula alam su’ma kumua asia-sia mange miaho i wongitau. ⁹ Nde silatahula mio ni masirita tanu kamitahula, kelembisa kamitahula sinupah i homotahula i bo kelembisa hamotahula sumalikuum a manga dumesenggot mahi besi Ningumêlêd tanu sumali i Ningumêlêd menow bo wutul. ¹⁰ Bo manondo-nondo noayan imbata’Na a sorga, a mbe wawa tow Na a mangatow i mamatem, wa aho si Yesus, si sia i mawawolid i hita a nawa’du i maheai.