¹ Pilahên, im’em ka ako’ana i mbêlês ê mbehomba’ i Namang be hita, mahad kita iwapakua bata wata’ i Ningumêlêd, bo dali’ kita awahêm bata wata’i Ningumêlêd. Kawalian i’aho baoitoba ahi’i mahahilala i Sia. ² Moro wogku ê nihalês, ia’i talewe’ kita awahem bata wata’i i Ningumêlêd, sumata’awe’ behatara asia ka’ada’an i hita alumalas; sumata’ kita mahailah, awahêm sa si Kristus mawataram i mbatanganNa, kita ihamoali mêkele kele si Sia, apa’an kita mêlilah i sia sakum apaNa totu’u. ³ Pahasa totumu’ ê mbana paharawên wa’aho be Sia, mawa wayo i mbatangan mêkele si Sia ê na wahêm bayo. ⁴ Pahasa totumu ê matulid orow, ilumawah kahi i lala’ut i Ningumêlêd, nde norow êwa’aho pêlawahon i lala’ut i Ningumêlêd. ⁵ Bo komotahula mahailah, awahêm Sia imawataram i mbatanganNa, sani’aho kumus i pahasa orow, bo a sakumenNa alahêm norow. ⁶ Wa’aho kawalian pahasa totumu’ ê menet a sakumen Na alam kahi matulid orow, pahasa totumu ê menet matulid orow, ahi’i mêlilah bo ahi’i mahahilala i Sia. ⁷ Bata wata’ku, na’am mamayai mande êsatow mawaureng i homotahula. Siseiange ê matulid kaulitan awahêm ulit, mêkele kele si Kristus awahêm ulit, ⁸ Siseiange menet matulid orow, a tapatena’ osa mahi, apa’an tapatena’ imatulid orow tumo’tol a katare. Tanu êwa’im Bata’i Ningumêlêd imawatara i mbatangan Na, êwa’aho sani’aho Sia mawawotutus i manga tatawoi i Tapatena’ wa’aho. ⁹ Pahasa totumu ê nitumow a Ningumêlêd, alam kahi matulid orow ; bua’i ngêlêdtow moênêt bana mbesia bo sia alam do’na matulid orow, nde sia itumow be Ningumêlêd. ¹⁰ Êwa’im tanda’na bata wata’ i Ningumêlêd bo bata wata’i tapatena’ : pahasa totumu’ ê tahi’i matulid kaulitan, ahi’i i lumêbo be Ningumêlêd, kelewa’aho hahi siseiange ê tahi’i mahalês i pognga. ¹¹ Nde wa’im koyow ê tinanga’am i homotahula a pahamunan, êwa’aho awahêm kita musti mêkahalêsan ; ¹² hi’i kele si Kain, ê nilumêmbo be si ta’pia bo ê lumimêd i toalina. Bo asiam mahatatawoi sia ilumimêd i sia’. Apa-apa’an pahasa tatawa’na ta’pia bo tatowoi i toalina ulit. ¹³ Na’am komotahula maerang, moro wog, sa baoitoba mare’e i homotahula. ¹⁴ Kita mahailah, awahêm kita irumesom a sakumên i pawate a sakumên i katowan, êwa’aho nde hita mahalês i pog i hita. Siseiange tahi’i mahalês, sisia maenet a sakumên i pawate. ¹⁵ Pahasa totumu’ ê mare’e i i pognga, awahêm êsatow tapêlimêd i totumu’. Bo komotahula mahailah, awahêm alahêm nêsatow tapêlimêd ê maenet maha wênonowan ê têlas a sakum i mbatangana. ¹⁶ Kelewa’ahom kita mahailah i mbêlês i Kristus, êwa’aho awahêm Sia imasarêm i nasêngNga tanu hita, yanasa kita hahi musti masari i nasêng i hita tanu manga wog i hita. ¹⁷ Siseiange maha harta i mbaoitoba bo mêlilah i pognga malugon i kalipatan sumata tumakêw i mbonang i natena asakum pognga wa’aho, kelembisandom bêlês i Ningumêlêd do’na maenet asakum i mbatangana ? ¹⁸ Bata wata’ku, mayomêm kita mahales ahi’i teka i kodait suma teka dila’, sumata teka i tatawoi bo a sakumên i kaulitan. ¹⁹ Kelewa’ahom kita mahailah awahêm kita a kaulitan sa mahi. Kelewa’aho hahi kita do’na mawatêtêng i nate a ndior i Ningumêlêd, ²⁰ Sata’ sa hita katamêna, Ningumêled awahêm lebe wako’ nde nate i hita teka mahailah i nasiamange ²¹ Moro wogku ê nihalês, sa ate i hita ahi’i kumatam i hita, yanasa kita bana kawaraneian memantanu sumusut i Ningumêlêd, ²² Bo asia mange êpangeleiên i hita, kita maha ere i’aho be Sia, apa-apa’an kita mawa ki’it i pahasa pêretaNa bo mawa tulid asia ê mêtêna’an be Sia. ²³ Bo êwa’im pêretaNa wa’aho : sani’aho hita menaw i ngalan i Yesus Kristus, bata’Na, bo sani’aho hita mêkahalêsan mêtêna’an bo pêreta ê mbehe i Kristus be hita. ²⁴ Siseiange mawaki’it a pahasa pêretaNa, sisia mututun a sakumên i Ningumêlêd bo Ningumêlêd a sakumêna. Bo kelewa’ahom kita mahailah, awahem Ningumêlêd bana nasakumên i hita, êwa’aho Tutuh ê mbehomba’Nam be hita.