¹ Bata-wata’ku, wa’i ngawila niwatihku be homotahula, sani’aho homotahula na’amtu mawoi mahaorowan, sata’ sa êsa tow tumawoi mahaorowan, kita bana nêsatow toloh be namang, êwa’aho si Yesus Kristus, ê timbahêl. ² Bo siSia awahêm mapawa sononoi tanu pahasa kaorowan i hita, bo ahi’i tanu kaorowan i hita hêmoho, sumata’ kahi tanu kaorowan lohow i mbaoitoba. ³ Bo êwa’im tanda’na, awahêm kita maha-hilala i Ningumêlêd, êwa’aho sa hita mawa-ki’it i mongapêretaNa. ⁴ Siseisia kumua : siahu mahahilala i Sia, sumata’ sia ahi’i mawa-ki’it pêretaNa, sia awahêm êsatow tatowon bo a sakumêna alahêm kaulitan. ⁵ Sumata’ siseisia maki’it i kukuaNa, a totumu’ wa’aho ulit tolimomodêm mbêlês i Ningumêlêd ; karêngan wa’ahom kita mahailah, awahêm kita banam na sakumênNa. ⁶ Siseisia kumua, awahêm bana na sakumên be Sia, sisia musti mênonow mêkele-kele kawênonowêm i Kristus. ⁷ Moro-wog ê nihalês, ahi’i pêreta taleya ê niwatihku tanu homotahula, sumata pêreta êto’om ê mbanam behow a pahamunan. Pêreta êto’om wa’aho êwa’aho kukua ê tinanga’am i homotahula. ⁸ Sata, pêreta talaya hahi ê niwatihku tanu homotahula, behataram-nêmio’ a sakumênNa bo asakumên i homotahula ; apa’an karêndêman matambulalam bo keraw ê nulit isumulom. ⁹ Siseisia kumua, awahêm sia a sakumên i keraw, sumata’ sia mare’e i pognga, sia a sakumên i karêndêman ahad ia’i talewe’ ¹⁰ Siseisia mahalês i pognga, sisia menenetio’ a sakumên i keraw, bo a sakumêna alahêm papawa-urengan. ¹¹ Sumata’ siseisia mare’e i pognga, sisia a sakumên i karêndêman bo mênonow a sakumên i karêndêman. Ahi’i sia mahailah bisana mahahana, tatawoi karêndêman wa’aho imawa- wêbutam i mbêlêna. ¹² Siahu mamatih tanu homotahula, ei manga hedong, nde norownu beapunganêm apa’an ngalanNa ¹³ Siahu matih tanu homotahula, ei manga amang nde homotahula, imahahilalam i sia, ê mbana tumo’tol a katare ahu matih tanu homotahula, ei manga taletumow, apa’an komotahula imawai sesem i ta’pia. ¹⁴ Siahu matih tanu homotahula, ei manga hedong nde homotahula mahahilala i Namang. Siahu matih tanu homotahula, ei manga amang, nde homotahula mahahilala i Sia, ê mbana bumo’tol a katare. Siahu matih tanu homotahula, ei manga taletumow, nde homotahula morowot bo kukua i Ningumêlêd mututun a sakumên i homotahula bo komotahula imawa sesem i ta’pia. ¹⁵ Na’am komotahula mahalês i mbaoitoba, yanasa bêlês a namang alahêm na totumu’ wa’aho. ¹⁶ Apa-apa’an pahasa ê na suang i mbaoitoba, êwa’aho kaewe’en i kêlêd bo kaewe’en i mbêlên, teka kasukagan mênonow, ahi’i a namang sa moai, sumata’ a mbaoitoba. ¹⁷ Bo baoitoba wa’i matambulalam i kaewa’ena, sumata’ ê totumu’ matulid i papandungên i Ningumêlêd maenet mênonow ahad kaêto-êto’na. ¹⁸ Bata wata’ku, tepo wa’i awahêm tepom ê sapêtanêm, bo kele i tinanga’am i homotahula, êsatow saru i Kristus mainjo moai, ia’i talewe’ imêlêmbom tado’o saru i Kristus. êwa’ahom tanda’na, awahêm tepo wa’i ulit-ulit awahêm tepo ê sapetanêm. ¹⁹ Totu’u silatahula a tutud i hita sa mahi, sumata’ silatahula ahi’i ulit-ulit sumua-suang be hita; apa-apa’an sa silatahula sumua-suang be hita, tatu silatahula menet iwakaru-harua teka hita. Sumata’ wa’aho ihamoali, saniboho ihatara, awahêm ahi’i wahasa silatahula nuli-ulit sumua-suang be hita. ²⁰ Sumata’ komotahula imahaerem totutuh i ê Lênas, bo karêngan kelewa’aho komotahula pahasa mahailah i aho ²¹ Siahu matih tanu wahow, ahi’i apa-apa’an komotahula ahi’i moho’ita’u i kaulitan, sumata mahaturu-turu’ apa-apa’an komotahula hahi moho’ita’u awahêm alahêm towo a kaulitan osa mahi. ²² Sisei ni’aho tatowon ? Awa-ahi’i sisia ê nisumakal awahêm si Yesus awahêm si Kristus ? Sisia wa’aho sarui Kristus, êwa’aho sia ê sumakal maulêng namang tekahahi bata’ ²³ Apa’an siseiange sumakal i mbata’, sisia hahi ahi’i maha Amang. Siseiange monge’e imbata’, sisia hahi maha Amang. ²⁴ Bo homotahula, asia tinanga’an i homotahula a pahamunan, wa’aho musti ienet sumondo’io’ a sakumên i homotahula. Sa asia ê tinanga’am i homotahula a pahamunan wa’aho menet be homotahula a sakum mbata’ bo asakum i Namang. ²⁵ Bo êwa’im ê mberandiNa mio’be hita, êwa’aho mênonow ê têlasan. ²⁶ Pahasa wa’aho iwatihku tanu homotahula, êwa’aho asakum manga totumu’ ê marameji mawa ureng i homotahula ²⁷ Apa’an a mbatangan i homotahula menet bana pêtutuhan ê tinirimam i homotahula be sia. Apa’an wa’aho ahi’i sama’ komotahula susuian i tow walina. Sumata kelembisa pêtutuhan Na masusui behomotahula sakum asia mange bo sosusui Na wa’aho ulit, ahi’i towo bo kelembisa sia a pahamunan isumusuiêm behomotahula, kelewa’aho hahi maulênga komotahula menet mutun a sakumen Na. ²⁸ Yanasa ia’italewe’, bata-wata’ku, mêtêwio’ a sakumên i Kristus, sani’aho sa Sia mawatara i mbatanganNa, kita mahaere kawaraneian maheman bo ahi’i sama’ monokia’ be Sia a nêndo oianNa. ²⁹ Sa kailahan i homotahula, awahêm Sia ulit, komotahula musti mahailah kahi, awahêm pahasa totumu’, ê matawoi kaulitan, ilumêmbo be Sia.