¹ Asia ê ndali’im bana tu’os a katare, ê tinanga’am i hamitahula, ê pinêlilahêm i mbêlên i hamitahula, ê sinairianêm i hamitahula bo ê kinokamên i kama i hamitahula sakum kukua katowan-wa’ahom ê niwatih i hamitahula be homotahula. ² Katowan wa’aho bewawa-taram, bo kamitahula imilahêm-i’aho bo ia’italewe, kamitahula sumairi bo sumahai be homotahula sakum katowan têlas, ê niwakuru-harua i namang bo ê mbewawa-taram be hamitahula. ³ Asia ê mbelelahêm i hamitahula bo êtinang’an i hamitahula wa’aho, isahai i hamitahula be homotahula hahi, saniaho komotahula hahi mahaere pa’êsaan teka hamitahula. Bo pa’êsaan i hamitahula awahêm pa’êsa’an teka Amang bo teka Bata’Na, si Yesus Kristus. ⁴ Bo pahasa wa’i iwatih i hamitahula tanu komotahula, sani’aho kobeatan i hamitahula mêtolomomod. ⁵ Bo wa’im ê kohoyo, ê tinanga’am i hamitahula be Sia, bo ê nihua i hamitahula be homotahula Ningumêlêd awahêm keraw bo be Sia alahêmai karêndêman. ⁶ Sa hita kumua, awahêm kita imahaere pa’êsa’an teka si Sia, sata’ kita mênonow a karêndêman, kita itumowo bo kita ahi’i imatawoi i kaulitan. ⁷ Sumata’sa hita mênonow a sakum i keraw, mêkele-kele si Sia a sakum i keraw, yanasa kita mahaere pa’êsa’an a nêsa wa êsatow, bo daha’ i Yesus, bata’Na wa’aho, mawa-wayo i hita a pahasa orow. ⁸ Sahita kumua, awahêm kita hi’i maha-orow, yanasa kita imomandeiêm i mbatanganio’ ihita bo kaulitan alahêm na sakumên i hita. ⁹ Sa hita monge’e i norow i hita, yanasa sia mo’eman bo timbahel, mahad sia mainjo mapung i pahasa orow i hita bo mawa-wayo i hita a pahasa kata’pia’an ¹⁰ Sa hita kumua, awahêm kita ahi’i itumawoi orow, yanasa hita itumulid i sia mamoali tatawon bo kukuaNa alahêm na sakum i hita.