¹ Enem nga endo kamurian Yesus minaali si Petrus, Yakobus wo si Yohanes patuarina, wo mewali-wali ampit nisea Sia sumosor witu e nesa kuntung rakek. Witu nisea i te nuesa. ² Laa si Yesus si simeup en tou witu en sinaru em beren nea; eng gio-Na materang tanu si endo wo e labung-Na minaputi’ masena’ tanu en terang. ³ Takar minapaloo’ wia nisea si Musa wo si Elia se mesesusuiy ampit Nisia. ⁴ Pokeiy ni Petrus wia si Yesus: “Tuhan, kumura eng ka’aruiyna nikeiy wia en tampa yi’i. Saa Koo pa’ar, ma’anouw i redeiykula wia nyi’i en telu dasing, nesa i wee Nikoo, nesa i wee si Musa wo e nesa i wee si Elia.” ⁵ Wo i kasenge’mi eng katoroan sia nu mengila-ngila’ tutumumpami e linaak terang tumerungi nisea wo witu eng gorem linaak i ti’i kinalinga’an en suara meila’: “Yi’i mouw si Oki’ neiy Ku i keupus wia-Nisia mouw Niaku mepa’ar, linganola Sia.” ⁶ Liminga ni’itu i kasungkurouw se murid-murid-Na wo nisea se kasa kineide’an. ⁷ Laa o sea lalesela ni Yesus wo lumelerela nisea makarengan limila’: “Rumedeiy mouw, te’a meide’!” ⁸ Wo katoroan sea nu kuma’atla, se reiy’ limoo’ siesa tou tu’u kacuali si Yesus maesa-esa. ⁹ Witu nedo sea nu merosi witu eng kuntung i ti’i, Yesus si ngime’enge’ wia nisea : “ Te’a kouw sumusuiyla e linoo’la i ti’i wia si seiy i te tu’u nu reiy’pe’ si Oki’ ni Tou to’orela witu e nelet ne tou minate.” ¹⁰ Laa se murid-murid-Na mueiy wia-Nisia : “ Satuana ka’a se ahli-ahli Taurat se limila’ kaa si Elia si lewo’ sa reiy’ meiy rumerior?” ¹¹ Wingkot ni Yesus : “ Memang Elia si laa meiy wo mepepulihla e reiy’ sa mina’asa wo’o sapa ¹² wo Niaku lumila’me wia nikoo : Elia si mineiy mouw, ta’an se tou se reiy’ sumine’u nisia, wo se matuanala nisia i ki’it eng kepa’aran nea. Tuanakan kangkasi si Oki’ ni Tou si laa peme’itan kaa nisea.” ¹³ Witu en toro ni’itu mangarti mouw se murid-murid ni Yesus kaa Nisia si masusuiy en tanume si Yohanes Pembaptis. ¹⁴ Katoroan si Yesus wo se murid-murid-Na mareng wia se tou ka’asa’an i ti’i, meiy mouw siesa tou lumalesla si Yesus wo sumempe, ¹⁵ pokeiyna: “Tuhan, koupus i tela si oki’ku. Sia si rara’an ayan wo si kasa peme’itan, sia si re’eregh i ka’anu witu e napi wo kangkasi re’eregh witu en dano. ¹⁶ Niaku ku minali mouw nisia wia se murid-murid-Mu, ta’an nisea se reiy’ mete’u lume’osla nisia.” ¹⁷ Takar pokeiy ni Yesus: “Heiy kouw angkatan reiy’ ma’eman wo neiy i kaseip, pirape’ eng keure kasi Niaku lewo’ sa reiy’ mena’ witu e nelet miouw? Pirape’ eng keurena kasi lewo’ sa reiy’ sabaar wia nikouw? Alinomi si oki’ i ti’i wia nyi’i!” ¹⁸ Eng kaketena si Yesus timogor nisia, laa o rumou’ mouw si setang i ti’i wia nisia wo si oki’ i ti’i tu’u si mina le’os en toro i te ni’itu kangkasi. ¹⁹ Kamurian se murid-murid ni Yesus mineiy wo katoroan sea i te ampit Nisia, mueiy mouw sea: Ka’a nikeiy keiy reiy’ mete’u mure’ si setang i ti’i?” ²⁰ Sia lumila’ wia nisea: “Karengan nikouw kouw reiy’ kasa ma’eman. Karengan Niaku lumila’me wia nikouw: Kaulitna sawona’ kouw maka iman eng kaselana tanu i te e watuna sesawi nikoo koo toro lumila’ wia si kuntung yi’i: Sumoro’ wia en tampa yi’i mea waki ti’ime,- takar eng kuntung yi’i e laa i kasoro’, wo reiy’la si mustahil wia nikoo. [ ²¹ Jenis yi’i e reiy’ mete’u i ure’ kacuali ampit en sesombayangen wo maposo.]” ²² Witu e nedo si Yesus wo se murid-murid-Na mewali-wali waki Galilea, Sia lumila’ wia nisea: “Oki’ ni Tou si laa i sarakan witu e lawas ne tou ²³ wo sea se laa munu’ Nisia wo witu e nendo katelu Sia si laa to’oren.” Takar nate ne murid-murid-Na i ti’i tu’u eng kasa tekur. ²⁴ Katoroan si Yesus wo se murid-murid-Na i ka’ayome waki Kapernaum meiy mouw si mememurut bea em Bait ni Empung wia si Petrus wo lumila’: “Sapa ku’a si gurumu si reiy’ minear em bea rua dirham i ti’i?” ²⁵ Wingkotna: “Memang minear.” Wo katoroan si Petrus ghumorem em bale, Yesus si rimeriorla wia nisia ampit e wewueiyen: “Kumura em paloo’annula, Simon? Wia si seiy re’en ku’a se raja-raja eng kaoatan yi’i mapurut em bea wo em pajak? Wia se rakyatna ka’apa wia se tou wo’oseiy?” ²⁶ Wingkot ni Petrus: “Wia se tou wo’oseiy!” Takar pokeiy ni Yesus wia nisia: “Jadi bebasouw se rakyatna. ²⁷ Ta’an rio te’a kita mamuali watu kasu’usu’an wia nisea, mea mouw mopas waki lour. Wo si sera’ ketare niopasmu, sikopenouw wo wuka’anola en sumana, takar nikoo koo laa maka’atola e loit epat dirham witu eng goremna. Edonouw ni’itu wo wearenola wia nisea, i wee-Niaku wo i wee nikoo kangkasi.”