¹ Rio kita kasa uli-ulit merdeka, Kristus si minerdeka mola nikita. Kaa e ni’itu rumedeiy mouw te’etep wo te’a pa’ar kasi pakeala em bongkouw pehamba’an. ² Eng kaulitna, niaku, si Paulus, lumila’la wia nikoo: sa wona’ kouw makisunatla en toumu. Kristus si kasa reiy’ laa makaka’ara’an i wee nikoo. ³ Mekasape’ kasi niaku ku lumila’la wia se susur tou se minakisunatla en touna, kaa nisia si lewo’ sa reiy’ tumuanala e minapekasa e nukum Taurat. ⁴ Nikouw kouw rimeta’mi waki si Kristus, sa wona’ kouw maarapla eng kaulitan kaa e nukum Taurat; nikouw kouw matou-tou witu luar e nupus karunia. ⁵ Karengan kaa e Roh, wo eng karengan e iman, nikita ta mengena-ngena’la eng kaulitan em paarepentala. ⁶ Karengan i wee se tou-tou se witu si Kristus Yesus eng kapualitan makasunat ka’apa e reiy’ makasunat e reiy’ makapunyala e nesa penoron, iman i te e mepa’ayang kaa e nupus. ⁷ Eng ketarean nikouw kouw melelowa’an ampit e le’os. Seiy ku’a re’en si minengape-ngape’la nikouw, i ka’ayo kouw reiy’ maki’itla eng kaulitan kasi? ⁸ E naruiyan kaa laa reiy’ kumi’itla e nyi’a kasi e reiy’ waki Nisia o meiy, si kimeret nikouw. ⁹ En toyo’ ragi eng kimayo’ mola e minapekasa e adonan. ¹⁰ Witu si Tuhan niaku ku ma’eman en tanume nikouw, kaa nikouw kouw reiy’ makapendirian walina ta’an em pedirian i yi’i. Ta’an seiy i te si sumelawarla nikouw, nisia si laa mesa’an e nukumanna, seiy i te tu’u kangkasi sia. ¹¹ Wo kasi e niaku i yi’i, patuari waya, sa wona’ ku maabare’la en sunat, ka’a ku’a re’en ku pasiasane’ kangkasi? Karengan satuana, en salib e reiy’ mouw watu kasu’usu’an kasi. ¹² Le’osouw nisea se meulela nikouw i ti’i se makikabiri mola en touna! ¹³ Patuari waya, memang nikouw kouw kineretouw kaa laa mamerdeka. Ta’an te’a mouw koo mepakela eng kamerdeka’an i ti’i en tanume eng kalempotan i wee em patou-touan witu en dosa, ta’an i te layanenola siesa wia se walina kaa e nupus. ¹⁴ Karengan e minapekasa e nukum Taurat en sime’u witu e nesa nuwu’ i yi’i, e nyi’a i ti’i: “I koupusola si kasuatmu en tou en tanu en toumu nuesa!” ¹⁵ Ta’an sa wona’ kouw mekekikian wo melele’ouwan, maato’ato mouw, rio te’a kouw mepepunengan. ¹⁶ 16 E maksudku e nyi’a mouw: tumou mouw kaa e Roh, takar nikouw kouw reiy’ laa kumi’itla eng kepa’aran e le’ona. ¹⁷ Karengan eng kepa’aran e le’ona e minasu’usukan ampit eng kepa’aran e Roh wo eng kepa’aran e Roh e minasu’usukan ampit eng kepa’aran e le’ona – karengan nisea nu rua se minaperoan – i ka’ayo nikouw en susur e mekasa kouw reiy’ matuanala sapa eng kepa’aran niouwla. ¹⁸ Ta’an laa sa wona’ kouw mineela en toumu pa’aka-aka’anla ni Roh, takar kouw reiy’ matou-tou witu e wawa’ e nukum Taurat. ¹⁹ Em pasiwo-siwon e le’ona em pakaloo’o-loo’onola, e nyi’a i ti’i: em pesa’amekan, em pakewuran, eng hawa nafsu, ²⁰ em pasempean berhala, en sihir, em patokolan, em pesali’isi’an, e niri ate, e nupi’, em pe’ukumen en tou nuesa, em paghioan, e roh pemete’, ²¹ eng kadangkean,em patoekan, em pelesir wo e reiy’ sa mina’asa. Witu em baya e nyi’a i ti’i ni’i nge’enge’kula wia nikouw – en tanu en siniwoku mola eng ketarean – kaa seiy i te si matuanala eng kapualitan-kapualitan en tuana, nisia si reiy’ laa maka’ato weteng witu eng Karaja’an ni Empung. ²² Ta’an e wu’ana e Roh e nyi’a mouw: e nupus, e mepa’a-pa’ar, en dame sejahtera, eng kasabaaran, eng kamura’an, eng kale’osan, eng kelale’an, ²³ eng karinda’an, e makuasala en tou. Reiy’la si ukum e mapero eng kapualitan-kapualitan i ti’i. ²⁴ Seiy i te si minamuali kapunya’an ni Kristus Yesus, nisia si simalibola e le’ona ampit e reiy’ sa mina’asa hawa nafsu wo eng kepa’aranna. ²⁵ 25 Sa wona’ ta matou-tou kaa e Roh, le’osouw em patou-touan ta kangkasi em pa’aka-aka’an ni Roh, ²⁶ wo te’a mouw kita gila ormat, te’a mouw kita mekekawaran wo mededangkean.