¹ Kaa e ni’itu mamuali mouw e maki’i-ki’it – maki’i-ki’it si Empung, en tanu se oki-oki’ i koupus ² wo tumou mouw witu e nupus, en tanu eng kumura si Kristus Yesus kangkasi si mineupusola nikouw wo si simarakanola en tou-Na i wee nikita en tanume en sesempe wo en tetule maweu sedap i wee si Empung. ³ Ta’an em pesa’amekan wo e rupa-rupa eng kakewuran ka’apa eng kasorodoan en totoren i te tu’u en te’a witu e nelet miouw, en tanu eng kumura eng kewaarna i wee se tou-tou kudus. ⁴ En tuanakan kangkasi e lelila’an kotor, e reiy’ sipumpun ka’apa e reiy’ maato-ato – karengan eng kapualitan-kapualitan i yi’i e reiy’ waar – ta’an eng kapurikitna tumotorola en syukur. ⁵ Karengan ghenangenouw e nyi’i makale’o-le’os: e reiy’la sitou sundal, tou kewur ka’apa tou sorodo, em penoronna si sumesempe em berhala, si minaka’ato weteng witu eng Karaja’an ni Kristus wo ni Empung. ⁶ Te’a mouw koo i seipla ni tou ampit e lelila’an-lelila’an e reiy’ sisapa, karengan eng kapualitan-kapualitan en tuana e mapa eiyla e nupi’ ni Empung wia se tou-tou durhaka. ⁷ Kaa e ni’itu te’a mouw kouw maka’ampitla ampit nisea. ⁸ Memang eng ketarean nikouw mouw kouw kareiydeman, ta’an en teakan nikouw mouw kouw terang witu si Tuhan. Kaa e ni’itu tumou mouw tanume se oki-oki’ en terang, ⁹ karengan en terang e mawu’a i tela eng kale’osan wo eng ka’adilan wo eng kaulitan, ¹⁰ wo ujinouw sapa e mekepa’aren wia si Tuhan. ¹¹ Te’a mouw kumi’it ma’edo weteng witu em pasiwo-siwon – pasiwo-siwon eng kareiydeman e reiy’ mawu’ala sapa-sapa, ta’an eng kapurikitna pangkulenola em pasiwo-siwon – pasiwo-siwon i ti’i. ¹² Karengan en tumotor i tela tu’u sapa en siniwo nea waki tampa-tampa neiy i kakirong e minepeirangola. ¹³ Ta’an e reiy’ sa mina’asa wo’o sapa em pinangkulola ni terang i ti’i e minamuali pakaloo’o-loo’ola, karengan em baya em pakaloo’o-loo’ola e nyi’a mouw en terang. ¹⁴ Ni’itu mouw eng karenganna e ni’i lila’la: “Tumo’orouw, hey kouw si timekel wo tumo’oromi witu e nelet ne tou minate wo si Kristus si laa sumena’ witu nikouw.” ¹⁵ Kaa e ni’itu, weeanola ghenang ampit e makale’o-le’os, eng kumura kouw matou-tou, te’a mouw tanu se tou ba’abal, ta’an en tanu se tou arif, ¹⁶ wo pakenola e nedo e wia , karengan e nendo-nendo i yi’i e nyi’a mouw e lewo’. ¹⁷ Kaa e ni’itu te’a mouw kouw we’engel, ta’an me’inakutola rio kouw mangarti eng kepa’aran ni Tuhan. ¹⁸ Wo te’a mouw kouw toeken kaa e nanggor, karengan e nanggor e lumentutla eng hawa nafsu, ta’an satorona kouw wuta ampit e Roh, ¹⁹ wo melila-lila’ mouw siesa wia se walina witu e mazmur, eng kidung puji-pujian wo eng kekantaren rohani. Kumantar wo rumio-rio mouw i wee si Tuhan ampit e minapekasa e nate. ²⁰ Tumotorouw en syukur e reiy’ maena-ena’ witu e reiy’ sa mina’asa wo’o sapa witu e ngaran ni Tuhan ta Yesus Kristus wia si Empung wo si Ama’ ta ²¹ wo i kumengola en toumu siesa wia se walina witu e nide’ wia si Kristus. ²² 22 Hey tu’awewene, tumu’utukouw wia si tu’atuamamu en tanu wia si Tuhan, ²³ karengan si tu’atuama si kokong ni tu’awewene e masuat en tanu si Kristus e nyi’a mouw si kokong ne jema’at. Nisia mouw si limawirla e nouwak. ²⁴ Kaa e ni’itu en tanu eng kumura se jema’at nu tu’utuk wia si Kristus, en tuana mouw kangkasi si tu’awewene wia si tu’atuama witu e reiy’ sa mina’asa wo’o sapa. ²⁵ Hey tu’atuama, i koupusola si tu’awewenemu en tanu eng kumura si Kristus mineupusola se jema’at wo simarakanola en tou-Na i wee e nyi’a ²⁶ kaa laa mekekudusla e nyi’a, nu reiy’ mouw Nisia nu simucila e nyi’a ampit e limele’la e nyi’a ampit e rano wo e nuwu’, ²⁷ rio ampit en tuana Nisia si timampala se jema’at witu en sinaru en tou-Na ampit e maserengat e reiy’ si walulang ka’apa e warot ka’apa e mange’an e ni’itu, ta’an rio se jema’at se kudus wo e reiy’ sisering. ²⁸ En tuanakan kangkasi si tu’atuama si lewo’ sa reiy’ meupusla si tu’awewenena e masuat en tanu e nouwakna nuesa: Seiy si meupusla si tu’awewenena si meupusla en touna nuesa. ²⁹ Karengan e reiy’ ma’an mekasa sitou si rumi’iris en touna nuesa, ta’an e murus wo e miarala e nyi’a e masuat en tanu si Kristus wia se jema’at, ³⁰ karengan nikita e nyi’a mouw ta weteng e nouwak-Na. ³¹ Kaa e ni’itu si tuama si laa tumele’ula si ama’na wo si ina’na wo maesa’an ampit si tu’awewenena, i ka’ayo nisea nu rua i ti’i se minaesa le’ona. ³² Em pengiro-ngirong i yi’i e wangko’, ta’an e neiy i maksudkula e nyi’a mouw em paato-atoan ni Kristus wo ne jema’at. ³³ Kumura tu’u kangkasi, i wee nikouw siesa o siesa em pepaken: i koupusola si tu’awewenemu en tanu en toumu nuesa wo si tu’awewene satorona si masighi’la si tu’atuamana.