¹ Ni’itu mouw eng karenganna niaku i yi’i, si Paulus, sitou pinenjarala karengan si Kristus Yesus i wee nikouw nu tou-tou si reiy’ makasine’u si Empung ² – memang nikouw kouw liminga mola en tanume e lukar em petetuananla e nupus karunia ni Empung, e neiy i emanla wia niaku karengan nikouw, ³ e nyi’a i ti’i eng kumura em pengiro-ngirong e nyi’a e neiy i papaloo’o-loo’ola wia niaku ampit e wahyu, en tanu e neiyku mouw i patik waki eng ketarean em potot i te. ⁴ Sakawisa kouw macala e nyi’a, nikouw kouw toro mete’ula witu e nyi’a em pangartiangku laa em pengiro-ngirong ni Kristus, ⁵ e witu en zaman ne angkatang-angkatan eng ketarean se reiy’ neiy i abarla wia se oki-oki’ ni tou, , ta’an se teakan se neiy i papaloo’o-loo’ola witu e Roh wia se rasul-rasul wo se nabi-nabi-Na kudus, ⁶ e nyi’a i ti’i kaa se tou-tou reiy’ Yahudi, karengan e Nabar Injil, eng kimi’it minamuali ahli-ahli waris wo e weteng-weteng e nouwak wo si maki’i-ki’it witu en ta’ar e neiy i weela witu si Kristus Yesus. ⁷ Waki e Injil i ti’i niaku ku minamuali mouw pelayan e nyi’a i ki’it e neiy i weela e nupus karunia ni Empung, e neiy i anugerahla wia niaku minatoroan ampit em pinema’ayangan eng kuasa-Na. ⁸ Wia niaku, si kasa hina witu e nelet ne reiy’ sa mina’asa tou kudus, nianugera’anola e nupus karunia i yi’i, kaa laa ma’abarla wia se tou-tou reiy’ Yahudi eng kakaya’an ni Kristus, e reiy’ i katuru’ i ti’i, ⁹ wo kaa laa mapaloo’o-loo’ola sapa em pumpunna e lukar metetuanala em pengiro-ngirong e mine aba-abatouw e neiy i kakirong witu si Empung, si simiwola e reiy’ sa mina’asa wo’o sapa, ¹⁰ rio en teakan kaa ne jema’at e neiy i pakite’ula e minegheghioan eng hikmat ni Empung wia se pemerenta-pemerenta wo se penguasa-penguasa waki sorga, ¹¹ e minatoroan ampit e maksud abadi, en tinuana-Na mola witu si Kristus Yesus, Tuhan ta. ¹² Witu Nisia nikita ta minaka’ato eng kaberanian wo e lalan ghumorem wia si Empung ampit e wuta eng ka’emanan kaa e iman ta wia-Nisia. ¹³ Kaa e ni’itu niaku ku makiwee wia nikoo, rio kouw te’a tewang ate lumoo’ eng kase’esekangku karengan nikouw, karengan eng kase’esekanku i ti’i e nyi’a mouw eng kamulia’annu. ¹⁴ Ni’itu mouw eng karenganna niaku ku maongkot wia si Ama’, ¹⁵ e waki Nisia em baya ne see’ witu eng gorem en sorga wo se waki atas em bumi se maka’ato e ngaran nea. ¹⁶ Niaku ku masombayang rio Sia, i ki’it eng kakaya’an eng kamulia’an-Na, si kumeterla wo tume’etepla nikouw kaa e Roh-Na e witu em batinmu, ¹⁷ i ka’ayo kaa e imanmu si Kristus si minena-ena’ witu eng gorem e natemu wo kouw kumalat ampit en timo’otolela witu e nupus. ¹⁸ Niaku ku masombayang, rio kouw mewali-wali ampit se reiy’ sa mina’asa tou kudus se toro mangartila, kumura eng kapenarna, wo eng kelabotna, wo eng kerakekna wo eng keraremna e nupus ni Kristus, ¹⁹ wo toro sumine’u e nupus i ti’i, ma’anouw tu’u sia lumantouwla e reiy’ sa mina’asa en tine’u. Niaku ku masombayang, rio kouw winutala witu em baya eng kalekepan ni Empung. ²⁰ I wee Nisia mouw, si toro tumuanala e wa’akat lebe laker ta’an witu e neiy ta i sombayangla ka’apa eng ginenangla, en tanu em pinakaloo’o-loo’ola waki eng kuasa e mepa’ayang witu nikita, ²¹ i wee Nisia mouw eng kamulia’an witu se jema’at wo witu si Kristus Yesus turun-temurun i ka’ayo eng keure-urena. Amin.