¹ Nikouw eng ketarean kouw minate mouw karengan eng kaselokan-kaselokan wo en dosa-dosamu. ² Nikouw kouw matou-tou witu e nyi’a, karengan nikouw kouw maki’itla e lalan eng kaoatan i yi’i karengan nikouw kouw melale’la se makua-kuasa eng karaja’an angkasa, e nyi’a i ti’i e roh en teakan eng kasuatan mepa’ayang witu e nelet ne tou-tou durhaka. ³ Eng kaulitna eng ketarean nikeiy nu waya kangkasi keiy neiy i kareken witu e nelet nea, eng katoroan nikeiy nu matou-tou witu eng hawa nafsu e le’ona wo e maki’itla eng kepa’aran e le’ona wo eng genang meiy lewo’. Witu en to’otolanna nikeiy e nyi’a mouw sitou-tou e lewo’ sa reiy’ keupi’an, e masuat tanu nisea nu walina. ⁴ Ta’an si Empung si kaya ampit e rahmat, kaa eng karengan e nupus-Na e wangko’, e neiy i era-Nala wia nikita, ⁵ en timou mola nikita mewali-wali ampit si Kristus, ma’anouw tu’u kita minate mouw kaa eng kaselokan-kaselokan ta – kaa e nupus karunia o kouw linawirla – ⁶ wo witu si Kristus Yesus Nisia si timo’orola nikita kangkasi wo mineela tampa mewali-wali ampit Nisia waki sorga, ⁷ rio witu e nedo e laa meiy Nisia si mapa’atola wia nikita eng kakaya’an e nupus karunia-Na e meloko-lokon e minatoroan ampit eng kale’osan-Na wia nikita witu si Kristus Yesus. ⁸ Kaa eng karengan e nupus karunia nikouw kouw linawirla e iman; ni’itu e reiy’ e wua’na em pe’inakutennu, ta’an e neiy i wee ni Empung, ⁹ ni’itu e reiy’ e wua’na em pina’ayangmu: te’a o wawean tou si mesawa’la en tou. ¹⁰ Karengan nikita i yi’i kita siniwola ni Empung, ciniptala witu si Krtistus Yesus kaa laa metetuanala em pepa’ayangen e le’os, en tiniro’ mola ni Empung nu reiy’pe’ e nyi’a. Nisia si pa’ar, rio kita matou-tou witu e nyi’a. ¹¹ Kaa e ni’itu ghenangenouw, kaa eng ketarean nikouw – kouw tanume se tou-tou reiy’ Yahudi i ki’it e le’ona, se patotoren tou-tou reiy’ makasunat ne ngimaranla en touna “sunat”, e nyi’a i ti’i en sunat lahiriah em pina’ayangla e lawas ni tou, – ¹² kaa en toro e ni’itu nikouw kouw reiy’ ampit si Kristus, reiy’ neiy i kaghorem me’urang ne Israel wo reiy’ minaka’ato e weteng witu eng katantuan-katantuan e neiy i ta’arla, e reiy’ ampit em paarapen wo e reiy’ ampit si Empung wia eng gorem eng kaoatan. ¹³ Ta’an en tekan witu si Kristus Yesus nikouw, eng ketarean “wa’akat” e minamuali mouw “tawi” kaa e raa’ ni Kristus. ¹⁴ Karengan Nisia mouw si dame sejahtera ta, si minaesa mola se rua weteng wo si kimolo’ mola em beton paape’, e nyi’a i ti’i em patokolan, ¹⁵ Karengan ampit em pinatean-Na tanume sitou Nisia si mino’opolola e nukum Taurat ampit e reiy’ sa mina’asa em perenta wo eng katantuanna, kaa laa mesesiwola nisea nu rua se mamuali esa tou weru witu en tou-Na, wo ampit e ni’itu tumuanala en dame sejahterah, ¹⁶ wo kaa laa mededamela nisea nu rua, witu e nesa nouwak, ampit si Empung kaa en salib, ampit e merere’ila em patokolan witu en salib i ti’i. ¹⁷ Nisia si mineiy wo maabarla en dame sejahtera wia nikouw si “wa’akat” wo en dame sejahtera wia nisea se “tawi”, ¹⁸ karengan kaa Nisia nikita nu rua nga weteng ta witu e nesa Roh kita maka’ato lalan ghumorem witu si Ama’. ¹⁹ En tuana mouw nikouw kouw reiy’ mouw kasi tou wo’oseiy wo malepu-lepu, ta’an i te maka’ampit esa nga me’urang wia se tou-tou kudus wo se weteng-weteng e me’urang ni Empung, ²⁰ e neiy i redeiyla witu e natas en teto’otolan ne para rasul wo ne para nabi, ampit si Kristus Yesus si tanume si watu penjuru. ²¹ Witu Nisia en timou em baya em bangunan, rimansun wangun, e minamuali bait ni Empung kudus, witu si Tuhan. ²² Witu Nisia nikouw kangkasi kouw kimi’it neiy i redeiyla minamuali tampa paena’an ni Empung, witu e Roh.