¹ Tumondongi niaku lumoho langit weru oh kaoatan weru, ka memang langit katare oh kaoatan katare limangkoiyo, oh lour kangkahi ndai mo wana. ² Oh niaku limoho wanna kudus, Yerusalem weru timumpanui wana sorga, wanane i Allah, i pinerong tanu i keroit simawel pasusungkul i kaawu na. ³ Oh niaku luminga suara rekei rendai wana ne tahta limila: "Lohoon no kema Allah wia mpuser ne tou oh Nisia memang mena na wali-wali kaampit nea. Nisia memang mamuali tou Na oh Nisia mamuali Allah nea. ⁴ Oh Nisia memang sumeka pakasa i lue wia mberen nea, oh pataan ndai mo wana; ndai mo wana pahenoranu kasukan, naan name maulit, kaampit kadukaan, sebab pakasa i nure niitu linangkoyo." ⁵ Nisia i rinumuhmun wia natas tahta niitu lumila: "Lohoon no, Niaku simiwo pakasa niai weru!" Dan firmanNya: "Tuliso, ka pakasa lila yai memang timena oh kaulitan." ⁶ FirmanNya kahi wia niaku: "Pakasa nimamualimo. Niaku memang Alfa dan Omega i katarean oh kalolowisan. eh tou mareo e whangKu momonot i tatanker mae wia nggigarau patonan. ⁷ Sei i muntung, nisia makaileke pakasa niai, oh Niaku memang mamuali Allah na oh nisia mamuali oki Ku. ⁸ Taan pakasa e tou toroinde, e tou ndai maiman, e tou kalilis, oh e tou nimate tou, e tou sundal, e tou meniruo, oh mengali ngali e setang oh pakasa ne towo, nesea e makaileke wewetengan nesea wia nggorem i lour wia layas i mbeha oh belerang; niai mo patean karua." ⁹ Maimo i esa tou wia nautara e pitu malaikat i timuru kai pitu cawan, i maweta i pitu bahaya lolowis niitu, oh sia lumila wia niaku, lila na: "Mai wia, niaku matuturu wia nikou i keroit, mempelai Anak Domba." ¹⁰ Oh nisia wia nggorem i roh makali niaku wia natas intoka esa sela oh rantai oh nisia tumuru wanna kudus niitu, Yerusalem, tinurupani wana sorga, wana i Allah. ¹¹ Wanna niitu mawuta i kemuliaan Allah oh layasena masuat i permata paling wangun, masuat permata Yaspis, terang keresih tanu kristal. ¹² Oh ketou na sela oh rautai oh pepeuet gerbang mapulu oh rua kalaker; oh wia natas na wewehan e mapulu tinulisan ngaran mapulu oh tua suku Israel. ¹³ Wia sebela tihmu wewehan telu pepeuet gerbang oh wia sabela amian telu pepeuet gerbang oh wia sabela talikuran telu pepeuet gerbang. ¹⁴ Oh ketou wanua niitu maka punya tutumbalan mapulu oh nea oh wia natas na tinulisan i ugalan ne rua ugapulu rasul Anak Domba niitu. ¹⁵ Oh nisia, i mengila-ngila wia niaku, makapunya diki-diki pahukur mas oh siwon, papakean ma ukur mbauna niitu kaampit pepenet-pepenet gerbang kaampit ketou nitu. ¹⁶ Mbanua niitu nepat ruhuna, kalanibotan masuat oh kalemparan na. Oh nisia mukar mbanua tii kaampit dikidiki niitu: mapulu oh ma ngariwu sadia; lambat kalemparan oh karautaian masuat. ¹⁷ Tumondong nisia mukur beton na: maatus nepat ngapulu oh epat hasta, kumiit ukuran ta intow, oh masuat nukuran malaikat. ¹⁸ Beton niitu permata yaspis oh siwon; oh mbanua niitu mas asli oh siwon, tanu seremin mua ni. ¹⁹ Oh tumbalan-tumbalan beton mbanua niitu pinerong kaampit rupa-rupa permata. Tumbalan katare mbatu yaspis, tumbalan karua mbatu nilam, tumbalan katelu mbatu mirah, tumbalan ka epat mbatu zamrud. ²⁰ tumbalan kalima mbatu unam, tumbalan ka enem mbatu sardis, oh tumbalan ka pitu mbatu ratna cempaka, oh ka uwalu mbatu beril, oh kasiow mbatu krisolit, oh kapulu mbatu krisopras, ka puu oh esa mbatu lazuardi, oh kapulu oh rua mbatu kecubung. ²¹ Oh kapulu oh rua pepenet gerbang niitu mapulu oh rua mutiara: pakasa pepenet wewehan nesa mutiara oh lalau-lalau mbanua niitu mas murni oh siwon masuat i kaca bening. ²² Oh taan niaku ndai limoho BaitSuci wia nggorem na, kai Allah, Tuhana yang Maha kuasa, niitu mo Bait Suci Na, taintumo Anak Domba itu. ²³ Oh mbanua niitu ndai mapale i endo oh i serap mateterangi i mbanua ka memang kahebatan Allah tumerange oh i Oki Domba tiin mamuali solona. ²⁴ Oh pakasa ne tou wia kaoatan kunulang wia katerangan na oh raja-raja wia kaoatan mahali kapunyaan nea wia Nisia; ²⁵ Oh pepenet-pepenet gerbang na ndai pa peneten wia nendo, ka sa wengi ndai mo wana, wana ne, ²⁶ Oh kapunyaan oh normat pakasa ne tou pahalinu wia nisia. ²⁷ Taan ndai nggumorem wia nisia pakasa ilewo, kaapa e tou snimiwo i lewo kaapa intowo, taan nesea maka ngarau nai tulis wia nggorem buku patonan Anak Domba niitu.