¹ Tumondong niitu niaku limoho i esa tou malaikat tinurupa ni wana sorga tinu inuboi kunci oki rieping patean oh nesa rante sela wia lawas na; ² Nisia timinmuboou i naga, i loloi tua nisea nisea mo iblis oh i setang. oh nisea wakesna makar mariwu nga tanu kaure ure, ³ Tumondeng pingkilena wia nggoremo liping patean, oh kume lew rieping patan kaampit sumegel wia natas na, kaampit nisea lumelong pakasa ne tou, akar maapu mariwu tanu niitu: Tumeondong niitu nisia i wuta taan noki tempo na. ⁴ Tumondong niaku lumoho tahta-tahta kaampit e tou e rimuhmun wia natas na; wia nisea ni oweran kuasa na adili. Niaku limoho mukur nea, e pinokolo rokosna ka sinaire wia Yesus oh kaampit firman Allah; e ndai mapercaya binatang oh e patong na oh rai percaya tandanya wia rokos oh lawas nea; oh nisea tumon sumoup oh merenta masuat i raja mawali-wali kaampit Kristus akar mariwunga tanu kawure. ⁵ Taan pahasa ne tou nimatemo e walina ndai binangkit akar i nendo marinoa taan ndaipe nimaapu niitu. Nigaimo binangkitan katare. ⁶ Kasenangan oh kakndusan na, e nimakailek wetengan wia nggorem kinangkitan katare. Tumondong karua ndaimo maperenta, wia natas nea taan nisea mamuali imam-imam Allah oh Kristus, oh nisea merenta masuat i raja mawali-wali kaampit Na, mariwu tanu kawure. ⁷ Kawure mariwunga tanu niitu maapun, iblis i weta wia penjara na, ⁸ oh nisia manga lumelong pakasa netou wia nepat toroan lalan wia kaoatan, niitu mo gong oh magong, kaampit merur nisea mapeperang oh kalaper pakasa nea masuat oh kalaker i resak wia lour. ⁹ Oh sea sumeret wia pakasa tampa wia kaoatan oh sea lumendong wia lelekauan ne tentara e tou leos kaampit mbanua kaleosan taan wana langit tumumpami mbaha rumengis nisea, ¹⁰ oh iblis, e limelong nisea, kai pingkil wana lour i mbana oh belerang, niitu mo tampa ne binatang oh e nabi palsu. Nisea pasiksaan nendo oh mbengi makar ka ure-ure. ¹¹ Tumondong niaku limoho nesa tahta puti sela oh Nisia, i rimuhmun wia natas na. wia sinaru Na mailange kaoatan oh langit oh ndai mo kinailekan tampa niitu. Niitu niaku limoho paka ne tou nimate, sela oh rintek, timoar wia muka tahta niitu. ¹² Tumondong wukaan pakasa i kitab. Kaampit wukaan kitab walina, niitumo kitab patowan ta. Oh pakasa tou nimate adilen kumiit pasiwo-siwon nea, masuat nai tulis wia kitab niitu. ¹³ Kaampit i lour mower e tou nimate wia nggorem na, oh patean, oh kaselaan patean mower pakasa e tou nimate wia nggorem na oh nesea hakimen mengesa-ngesa kumiit simiwona. ¹⁴ Tumondong patean oh patean wangko i pingkil wia nggorem lour i mbaha. Niitu mo patean karna: lour i mbaha. ¹⁵ Oh pakasa e tou ndai tinuntul ngaran na rai tulis wia kitab patonan niitu, nisia mingkil wia nggorem lour i mbaha niitu.