¹ Tumondong nisia tumuru niaku sosoan indano patouwan, oh leno tanu Kristal oh masoso kumaluar wia tahta Allah oh tahta Oki ni Domba niitu. ² Wia nimaka puser i lalan mbanua niitu witu pinalawetan i sosoan dano niitu, wewehan tahun patowan i mawua maka pulu o ma, susur i serap makasa; oh lalaina tahun niitu papaken maleos pakasa netou. ³ Memang ndai mo wana i lakuat. Tahta Allah oh tahta Anak Domba tumondong wewehan wia nggorem na oh pakasa e mapaayang wia nisia e sumombayang wia nisia. ⁴ Oh nesea memang lumoho nggioNa, oh ngaran na i tulis wia tuntung nea. ⁵ Oh wengi ndai mo mana waname, oh nisea ndaimo pelu terangan i solo, oh terang ni endo, ka i Tuhan Allah memang tumerang nisea, oh nesea e marenta tanu i raja makar kawure-wure. ⁶ Tumondong Nisia lumila wia niaku: "Lililaan yai timena oh nulit, oh i Tuhan, Allah ni mehe roh wia e pakasa Nabi, i remehomo e malaikat Na mapailek e pakasa pareho-reho Na sapa memang repet mamuali." ⁷ Kaulitan Niaku repet mai. Sumenango pakasa netou e makiit lila oh niwuwu wia kitab wiai!" ⁸ Oh niaku, Yohanes niaku mo i liminga oh limoho pakasa niai malekep niaku luminga ohlimoho, niaku kakundu me wia sinaru i nae ni malaekat, i timuru pakasa niitu wia niaku, kaampit sumemba nisia. ⁹ Taan Nisia lumila niaku: "Tia sumiwo intaintu! Niaku mo i hamba, masuat nikou oh pakasa e patuari mu waya, pakasa e nabi oh pakasa nisea e makiit lila wia kitab yai, sembahlah Allah!" ¹⁰ Tumondong sia lumila wia niaku: "Tia sumegel pakasa lila wia kitab yai, ka tempona tawimo. ¹¹ Seite sia masiwo i lewo, i lauto masiwo i lewo; seimo i kurangajar nisia mo i kurangajar, oh sei i kabenaran lauto nisia sumiwa kabenaran; seimo i kudus maano sia kumudus i nawakena!" ¹² Memang nulit Niaku repet mai oh Niaku mahali i nai waer Niaku i pawawae e pakasa netou kumiit i pasiwo-siwona. ¹³ Niaku mo i katarean oh Kalolowisan, i katarean oh i tumondong, i tuuran oh kalolowisan." ¹⁴ Sumenango nesea i kimemes lambung na. Nesia makailek betengan kapunyaan wia natas pohon-pohon pa patonan oh gumorem lumawet wia pepenet gerbang wia nggorem mbanua niitu. ¹⁵ Taan pakasa ne asu oh pakasa ne hobatan e tou sombong, pakasa ne tou menate tou, oh e menowa setang oh pakasa ne tou mampus intowo, kaampit pasiwoon na, mena wia luar. ¹⁶ Niaku Yesus rimehomo i malaikat Ku mange sumairi sumuat niai wia nikou oh pakasa ne jemaat. Niaku mo i suru, litomo suru ni Daud, sumesena sendangan masena wangun." ¹⁷ Roh oh beroit lumila: "Maimo!" oh seimo i limingamo, lumilamo sia: "Maimo!" oh seimo i mareo, maimotare, oh seimo i paar, mindomo rawo patoran wayan kapaar! ¹⁸ Niaku sumari wia pakasa netou e liminga pakasa i lila wia mumuwu wia kitab yai: "Seite itu mengawe-ngawes wia lila yai, memang Allah maloes wia nisia cilaka-cilaka i nai tulis wia kitab yai. ¹⁹ Seite i tou kimurang i lila wia kitab yai, Allah nuindo kapunyaan na pohon patouan oh wanna kudus, tanu rai tulis wia kitab yai." ²⁰ Nisia sumairi wia pakasa niai, nailila: ya, Niaku repet mai!" Amin, maimo Tuhan Yesus ²¹ Kasih Karunia Tuhan Yesus menyertai kamu sekalian! Amin!