¹ Patuari-patuari, nikami malilila mange wia nikamu tanu Kasih Karunia ni wehena wia jamaat-jamaat Makedonia. ² Maan winowaan o m'buter gorem pakasa waya kapendisan, senang nea meluap o maan kahi nisea lengei rendai, taan nisea siga' wia gorem kamurahan. ³ Niaku sumakisi, ka nisea e' minehemo kasuat kamampuan nea. ⁴ O kapaaran nea sandiri kumiwehe o rumeho wia ni kami, orior ni seha kahi makailek kasih karunia o mindo wo'wa wia gorem pelayanan wia e tou kudus. ⁵ Nisea ni mehe laker wia sapa n'dai kinapikiran naimi. Nisea ni mehe nawak nea, katare-tare wia Empung, tumondong nitu ka' kapaaran i Empung kahi wia nikami. ⁶ Niitumo nikami rumiho wia Titus, orior sia mako lumohomi nikamu o kumelarako pelayan kasih nitu tanu ni sia i, timuur. ⁷ Niitumo kasuat nikamu siga gorem pakasa waya, gorem iman, gorem kapaila-ila, gorem pengetahuan, gorem kaulitan kamasawang, o gorem kaupusanmu wia nikami - ni itu mo kahi nikamu siga o gorem pelayanan kasih yai. ⁸ Niaku lumila niitu n'dai tanu perenta, taan, ka matuturu usaha tou-tou laeng ka masawang, nyaku paar ma wowa ka iklasan nupus niu. ⁹ Ka nikamu maileko kasih karunia Tuhan ta Yesus Kristus, ka nisia nima lengey karna nikamu, maan kahi sia siga; o rior nikamu mamuali siga karna kalengeyan Na. ¹⁰ Nyai mo pa ileken ku tentang ni itu, nitu e, wona berfaedah wia nikou, memang ta'un ne limangkoy nikamu timuuro simiwo ni itu o mindo keputusan o kumelar kahi ni itu. ¹¹ O taekan lekepeno mako paayangen nu niitu! mo pasiwonu masuat o kapaaranmu, o siwonako niitu o sapa wia nikou. ¹² Ka sanikamu paar mawehe, sapa niwehemu teriman, sa niwehemu niitu berdasarkan sapa wia nikou, n'dai berdasarkan sapa n'dai wia nikou. ¹³ Ka nikamu winehan beban n'dai orior tou-tou laeng makailek kaporakan, taan o wehan keseimbangan. ¹⁴ Niitumo yai kalebean niu mencukupkan kekurangan nea, orior kalebean nea tumondong mencukupkan kekurangan niu, orior wewehan keseimbangan. ¹⁵ Ka wehan naitulis: "i tou e minerur laker, n'dai kalebean o tou e minerur oki n'dai ka apuan. ¹⁶ Tarumakase wia Empung, ka karna nikamu mengaruniakan ulit-ulit e taintu kahi wia gorem nate ni Titus ka masawang nikamu. ¹⁷ Memang sia timerima tuturu naimi, taan gorem kaulitana nitu, e selanitu sia o kapaaranna mange wia nikamu. ¹⁸ Mawali wali o nisia nikamu nimutus patuarita, i terpuji wia pakasa jamaat karna pa, paayangena gorem pemberitaan ninjil. ¹⁹ O n'dai ni itu te! o nisia kahi tinuru' mo ne jamaat jamaat ka ma wali-wali ni kami wia pelayanan kasih yai, e siniwo nami ka kemuliaan Tuhan o tanu bukti kapaaran nami. ²⁰ Ka nikami ma hihindar wia niitu: ka wehan tou e macela ni kami gorem pelayanan kasih e siniwo nami o hasilena sela. ²¹ Ka pinikir naimi e leos n'dai te wia sinaru ni Tuhan, taan kahi wila sinaru ne tou. ²² Ma wali-wali ta, o nisea ni kami mi nutus esa tou laeng kahi, i patuari ta, o makapira mo wo'waan naimi o kanyata selalu ma berusaha ma sawang, o taekan sia ma berusaha rendai karna ta selaan kepercayaan na wia nikamu. ²³ Titus i kaampiteku i mapaayang ma wali wali o niku ka nikamu: patuari-patuari nami e laeng tii e utusan ne jamaat-jamaat o nesa kemuliaan wia Kristus. ²⁴ Karna nitu teru me wia ni sea wia sinaru jamaat-jamaat bukti nupusmu o bukti kawangunan ku wia natasmu.