¹ Tanu pelayanan wia tou-tou kudus raimo perlu kahi nyaku tumulisange wia ni kamu. ² Kapaaran natemu pailekenkumo, tanu niaku memegahkan ni kamu wia tou-tou Makedonia lila'ku: "Akhaya i si miap pe taun limangkoy oh pinaayangemu nimamuali keter wia tou laker. ³ Niaku rimeho e patuari tii, rior kawangunan naimi wia gorem nyai natas niu tia kailekan ulit mamuali sia sai taan orior nikamu ulit-ulit sumiap-siap tanu lilaku. ⁴ Orior sa tou-tou Makedonia mai mawali-wali oniaku, tia kailekkan orior nea ni kamu raipe siap, onikami raih lumila ni kamu mean nirang wia pa emanan naimi nitu. ⁵ Ka nitu nyaku ni mendam tumondo patuari-patuari nitu o mange rumior niaku, oh sea rumior tumiro niwehe e ni taar wia nikamu sebelumnya orior ni sadia tanu bukti kemurahan netemu, o ndai tanu ni mehe o pinaksa. ⁶ Genangan nyai: tou e minarut noki, makailek noki kahi sei ni maru laker, ma kailek laker. ⁷ Nitumo sei-sei mehe ka suat natena, tia susah nate o pinaksa te. Ka i Empung maupus e tou mawehe o senang. ⁸ I Empung sanggup mengawes ngawes pakasa kasih karunia wia ni kamu, o rior ni kamu rai ka, apuan wia pakasa nitu, o tare lembe wia pakasa kebajikan. ⁹ Tanu ni tulis: "sia maweteng-weteng, ni sia ma wehe wia tou lengey, kaulit tan makar kaure-ure." ¹⁰ Sia si madia koloko wia i minarut, o roti pakaknen, ni sia kahi si madia koloko wia ni kamu, ni sia limepet-lepet ka ambo o mehe tumou wua-wua kaulitan nu. ¹¹ Ni kamu pa si-siga'en gorem pa kasa kamurahan nate, i ma tarima kase wia si Empung ka ni kami. ¹² Ka pelayanan kasih niwehe nyai ndai te palelekep kaperluan tou-tou kudus, taan kahi maawes tarima kaseh wia si Empung. ¹³ O kakiit, ni kamu tahang pawowaan wia paayangen nitu nesea ma muliakan Empung karna kataatannu wia pengakuan ninjil Kristus o kamurahan natemu gorem maweteng o pakasa waya o pakasa tou. ¹⁴ Sedangkan wia gorem sombayang nea, nesea kahi, malelo ni kamu o karna kasih karunia Empung mawuta wia natasmu. ¹⁵ Tarima kaseh wia si Empung karna karunianya n'daimo katotoran.