¹ Patuari-patuariku e nikaupus, kanikita yai minakaileko janji-janji nitu. Maimo kita meresi nawak kita wia pakasa pencemaran jasmani o rohani, o saitu teintu menyempurnakan kakudusanta gorem ninde wia mapiara. ² Wehani tampa wia nikami, wia nggorem nate niu? nikami ndai perna sumewo selok wia esa tou kahi ndai esa tou katii nii rugi neimi, o ndai wana esa topun sineroan neymi muntung. ³ Nyaku lumilame tanai, ndai ma weweheme hukuman wia ni kamu, ka tadi nimo lilaku, ka nikamu minakaileko tampa witu nggorem nate neymi, o rior kita sehidup semati. ⁴ Nyaku memang timerustrang wia nikamu; taan nyaku kahi memang memegahkan nikamu. Nggorem pakasa kasusahan neymi nyaku kinaiboran o kasenangangku maka lake-laker. ⁵ Nendo kami ka ambo witu Makedonia, kami wai makailek katenangan wia nawak neymi. Witu mbisa-wisa nikami mean ka susahan: wia luar pinapieetan, o wia nggorem kaindean. ⁶ Taan mapiara, maibor tou rendah hati, i miniboro nikami ka ai ni Titus. ⁷ Ndai te kina aina, taan kahi paiboran e pineanena witu puser-puser niu, ka nisia limilamo wia ni kami kaleloan niu, papeanennu, kanlitanu ma bela nyaku, o make awe-awe kasenangangku. ⁸ Maan kahi nyaku simiwo natemu sumakit o surat teku niitu, taan nyaku rai menesel, nyaku memang perna meneselinya, ka nyaku lumoho, ka surat ni itu si makit natemu. Sedangkan ndai lat nendona-, ⁹ Taan taekan nyaku senang, ndai karna nikamu o sumusa, taan o kasusahanmu simiwo nikamu bertobat. Kasusahanmu nitu memang ka paar ni mapiara. Maan noki te kahi nikamu ndai karna nikami. ¹⁰ Ka dukacita (kasusahan) kumiit kapaaranni Mapiara, mawehe wua pertobatan o mahili kaslamatan o e rai peneselen taan dukacita, e wia kaowatan yai, makailek patean. ¹¹ Ka wehan genang bahwa justru kasusahan menurut kapaaran ni mapiara nitu mengerjakan wia nikamu kaulitan sela o kahi mabebela nawak, kasesoan, kaindean, kaleloan, kegiatan, penghukuman! witu nggorem pakasa niitu nikamu minehe bukti bahwa nikamu ndai wana kasumelokan wia nggorem perkara nitu. ¹² Ka nitu, sanyaku tumulis surat wia nikamu ka ndai karna e tou simiwo selok, ato ka e tou e menderita simiwo selok, taan supaya karelaanmu wia nikami mamuali ulit wia nikamu wia sinaru nimapiara. ¹³ Kanitumo nikami mamuali teribor, o selain pangiboran e kinailekaneymi nitu, nikami lebe kahi senang o kahi kasenangan Titus, ka nikamu waya ni mehe senang natena. ¹⁴ Nyaku memegakan nikamu wia nisia, o nikamu ndai minehe peneselan niaku. Nikami salalu mahila sapa e nulit wia nikamu, nitu mo kahi kemegahan neymi wia sinaru ni Titus memang nulit. ¹⁵ Oh 'nupusna mahawer sela wia nikamu, sa sia gumenang kamalinga-linga niu, kumura nikamu sumungkul ka aina o ninde o gentar. ¹⁶ Nyaku sumenang, ka nyaku minehe kepercayaan wia nikamu nggorem pakasa.