¹ Tanu kaampit-kaampit esa paayangen, nikami meheme tuturu wia nikamu, orior tia pasiwoniu nupus wangko ni Opo Empung, tinerima niu mamuali sia-sia. ² Ka firman ni Opo Empung: witu nendo nyaku mapaar, kou i inagan Ku, o witu nendo Nyaku ma selamat, kou tolongenku." Nulit-ulit nendo yai i nendo perkenanan niitu; nulitulit, nendo yai i nendo penyelamatan niitu. ³ Mbia hal sapa te itu nikami ndai mawewehe sebab tou tersandung, orior paayangen nami ndai pasisiroan. ⁴ Warengi wia gorem pakasa hal nikami matuturu, i nikamimo pelayan Opo Empung niitumo: wia matatahang o mbuta kasabaran wia kapendisan, kesesakan o kesukaran. ⁵ Wia matanggong sumakit, gorem penjara o kerusuhan, wia winenduan wia ma jaga-jaga o rai makan o manonot, ⁶ Wia kamurnian nate, pengetahuan, kasabaran o kemurahan nate, wia Roh Kudus o nupus i ndai munafik; ⁷ O pemberitaan kabenaran o kakuasaan Opo Empung; o mapake senjata-senjata kaadilan i maserang kaapa mabebela. ⁸ Nendo ormaten o nendo pa seroan; nendo pasinde kaapa nendo palooren, nendo paarapan tumotowo, taan papercayan, ⁹ tanu tou rai kenalen taan terkenal; tanu tou i rai mure mate, o nuli-ulit nikami timou; tanu tou winiwel, taan ndai ni mate; ¹⁰ tanu tou ma susah, taan salalu memela-mela; tanu tou lengei, taan ma sisiga laker tou; tanu e tou rai wana sapa maan nikami wewehan pakasa waya. ¹¹ He tou Korentus! kami limilamo terang-terangan wia nikamu nate nami winuka lempa-lempar. ¹² O nikamu wewehan tampa i sela gorem nate nami, taan wia nikami nite kasadia tampa rintek wia gorem nate niu. ¹³ Niitu mo taekan, orior timbal balik nyaku lumila tanu wia e Oki Ku-: wukaano nate niu i lempa-lempar! ¹⁴ Tiamo kamu ma asar e paar rai seimbang o e tou i rai maeman. Ka sapa reken masuat kinailekan nantara kabenaran o kadurhakaan? Kaapa kumura noat maesa o bengi? ¹⁵ Sapa reken masuat kinailekan nantara Kristus o Belial? sapa bagian ne tou maeman o e tou rai maeman? ¹⁶ Sapa nubungan mbale ni Opo Empung o e opo-opo? ka nikitamo mbae ni Opo Empung i ma tou tou makiit Firman ni Opo Empung yai: "Nyaku i munek mawali-wali o nisea, o tumou wia puser nea, o nyaku i mamuali Opo Empung nea, o nisea i mamuali tou Ku. ¹⁷ Niitumo: kumaluaro kamu wia nantara nea, sumandiri maka nawakmu wia nisea, Firman Tuhan, o tiamo kamu ma titimboy sapa i najis, o nyaku tumerima nikamu. ¹⁸ O nyaku i mamuali ama mu, o nikamu i mamuali oki-oki Ku tuama o oki-oki Ku we'wene. Ngaimo Firman Tuhan yang Mahakuasa.