¹ Ka pailek ken nami, sa itu terung tampa pahana anta wia koatan mbongkaren i Yempung si madiamo tampa pahana anta wana sorga for nikita, ntanu tampa kaure-kaure, ndai siniwo ntanu lawas ne tou. ² Kaurean nikita wia nggorem i nterung ya'i, kita makelak, ka nikita paar mapake intampa pahanaan sorgawi wana natas intampa pahanaan ta tekan ya'i. ³ Niitu mo kita make ilambung naan tia kailekan limengat. ⁴ Ni itu kaurean kita mahana wia nterung yai kita makelai moutero penahangen ka nika paar ma pake ilambung weru, taan ndaipe ni tilau ilambung ure. O nimateri yain lomoten ni hidop yain. ⁵ Taan i yempung tae si madia mako nikita i niitu naan mengaru niakan koh, wia kita ntanu jaminan naimo sadia mako wia nikita. ⁶ Ni itumo nate nami sabar, ka nikami sadar, o tare kami tumitau ni nawak yain, kami tae rou wia i Tuhan (Yempung). ⁷ Ka nidop nami ya'i, nidop maeman ndai ma loho. ⁸ Taan nate nami taban naan kapaar nami merah wia nawak ya'i tumetap wia si Yempung. ⁹ Niitu mo kami ma niangkut, leos kami mena wia nggorem i nawak ya'i, naan kami munek wia marena o iluarena. O kami kapaare Na. ¹⁰ Ka nikita waya musti sumeka in tahta pengadilan Kristus imbaya ne tou makailek sapa intoro kailekana ntanu sapa i peneniwo-niwo na wia nggorem inidopena ya'i le'oas ka apa lewo. ¹¹ Kami mailek sapa inartina kainde wia si Yempung' ka niitu kami maniangkut ma yaki ne tou. Wia si Yempung nate nami kentara terang naan nyaku maharap nate nami kenatara kangkahi wia pa timbangen niu. ¹² Ni itu mo kami ndai paar melo'or-loor nawak nami o pakasanage wia ni kamu, taan ni kami paar mewehe kasempatan wia ni kamu o ma loor ni kami, o kamu to inasaru e tou-tou e ma loor i nawak taan ndai i nate. ¹³ Taan sa kami ndai makuasai i nawak, ntanu niitu wia nggorem papayangen ni Yempung, naan kami makuasai nawak- ka niitu ntanu kepentingan niu. ¹⁴ Ka nupus ni Kristus ki muasau ni kami, ka pinamangartianna mi mo, ka sa si yesa nimatemo for laker tou, o sea waya mate mo. ¹⁵ Naan i Kristus nimatemo for laker tou, o sea e timou, ndai mo timou wia nawak nea sandiri, taan ni sia i ni mate mo, tumoori sumoup for ni sea. ¹⁶ Niitumo kami ndai paar manilai se tou o mahukur e tou. Naan sakami pernah manilai i Kristus wia ukuran ne tou i tekan kami ndai mo manilai ni Sia taintu. ¹⁷ Niitumo sa sei wia nggorem ni Kristus, ni sia mo simiwo weru, i nure limangkoyo, nulit-nulit mberu ni maimo. ¹⁸ Niitu waya nimai wia si Yempung wia nantara ni Kristus o kadameanta naan i nawakeNa naan ni mehe kapercayaan papayangen kadamean ni itu wia ni kami. ¹⁹ Ka i Yempung di mame ingkoatan naan nawakeNa, o Kristus tae ndai rimeken ingkasumelokan nea. Ni sia nimehe kapercayaan ingkabar kadamean niitu wia ni kami. ²⁰ O nikamu ya'in rerehoan ni Kristus' ntanu i Yempung mawehe tuturu wia ni kamu naan nantara nikami; inggorem ngaranni Kristus kami kumiwehe wia nikou: wehe nawakemu dumame naan si Yempung. ²¹ Ni Sia ndai mailek inggorem lewo siniwoNa mamuali goulewo ka ni kita, o wia nggorem meNa nikita binenaro ni Yempung.