¹ Wia nupus ni Opo Empung, kami timerimamo in papa'ayangen ya'i. Niitumo kami dai tawar nate. ² Ta'an nikami, imbaya impasiwo-siwon wia kasindekan makai irangen; kami dai masiwo nakal liwo, on doi matotowo w firman Tuhan. Ta'an sawelako niitu, kami materangako kabenaran kaampit niitu kami minowero nawak nami niitu timbangenako nitou laker wia saru-saruan ni Opo Empung. ³ Sa Injil paberita nami kinapenetan kahi, ni-itu kinapenetane. Wia nisea wia makailek kasiksa'an. ⁴ Wia waya e tou-tou rai maiman pikiran nea, pinerengo ni po'opoannea wia i noras taekan, akar sia rai' toro lumoho interang Injil, sumuat ingkawangunan ni Kristus, nimamuali gambar ni Opo Empung. ⁵ Ka, dai nawak nami, pasision nami, taan i Yesus Kristus nisia Tuhan, o nawak nami dai nikami ta'an minamuali babu ka, kapaaran ni Yesus. ⁶ Ka i Opo Empung, limila'mo: Wia gorem i rimbun rumetik terang. Nisiamo simiwo terangeNa cahayana wia nateta, o rio kita makailek terang wia pengetahuan sumuat kawangunan ni Opo Empung kinaloho'an wia gio muka ni Kristus. ⁷ Taan harta yai punya nami wia gorem pasiwoan tana pulut orior kantara kalohoan, kaketeran menga-wengawes, wia ti waya i Tuhan, dai wia nikami. ⁸ Wia baya-waya yai, kami patindisen, ta'an dai kimakopitan kami daimo wana akal, taan daimo wana masusah. ⁹ Kami pasiksan, taan dai nai tilau sandiri, kami nai pingkil taan dai nima cilaka. ¹⁰ Kami salalu mahali impatian ni Yesus, wia nawak nami, orior nidop ni Tuhan Yesus, palohoon wia nawak nami. ¹¹ Ta'an nikami i matou-toupe yai, nai teru-terusi nai yower wia patean karna Yesus, orior nidop ni Yesus kentara paloho'an wia nikami wia kaoatan yai. ¹² Niitumo patian salalu mengi-it ngiit wia nawak nami ompaton-towan salalu wia nikamu. ¹³ Ta'an ka-nikami maka punya roh paemanan mawali-wali tanu nau tulis: "Nyaku maiman, niitumo nyaku mengila-ngila o nikami kangkahi maeman, nitumo kami kangkahi mengila-ngila. ¹⁴ Ka nikamu mailek, Nisia timo ori i Tuhan Yesus, i tumoori nikami kangkahi mawali-wali o i Yesus. O nisia maasasaru mawali-wali o nikami wia nawakna. ¹⁵ Ka baya nyai waya, minamuali, kanikamu, orior nupus kaure-ure, maka laker itou maeman niitumo maka lembeh-lembehmo ucapan syukur wia katewangan ni Opo Empung. ¹⁶ Niitumo nikami ndai sumesek nate taan maan kahi manusia lahiriah yai makomo maapu, taan manusia batiniah winerumo wia nendo esa kaambo nendo esa. ¹⁷ Taan kapendisan porak tekan yai, mapaayang wia nikami kamuliaan kaure ure limembeme, lumembe mako wangko wia kapendisan neimi. ¹⁸ Ka nikami ndai mewehe genang e kalohoan, taan ndai kalohoan, ka kalohoan ndai ure, taan ndai kalohoan nitumo kaure ure.