Kristus yang Terutama ¹ Be'lagge, bag ole baigimimi ege ate tabara nai Mori nawa waleg habitamage bag tolhawe radda ha ha tujja tabaramu oronage raddo yiddana ka ja'wamu. ² Hamattarage tabarada rade bagga, hamatarage tabarada rade ata karayige kajapata mono hama tarage tabarada rade kabunyi tawuda. ³ Ba yittakna ata-ata kasunat ka daha, mono ka ngak'ka tabara wadnai Allah hamanadai Yesus Kristus mono ka aika tau we hatenada ra-rade ka lahiriah. ⁴ Langna nawa katau'u tak'kana ba'da hakapege tutge bogang ra-rade ka lahiriah. Nyi ba'da'ka ata heka kaha ngadage orogenyi da'da kappege tutge bo'gang ra-rade ka lahiriah, at'da'hoge ta baragu: ⁵ Nawwag sunatwa ta lado ka podopatana ata Israel tetakana wali ta'bihi Benyamin, ata ibrani kahanewe. Dokuge ukku pareha nawwaknage ata Farisi. ⁶ Tutge kahayarta, nawwa kahamayilayi jemaat, mono tut ge daha ta bawa ukpareha,nawwa walleg kalikkamawa. ⁷ Tabolo, tang'ngage kaullu naha utga nawwa ba tau rogewa oronai Kristus. ⁸ Tang, ngage katau takanaa, hig rogwa bagu hameradi mono bag tadai Yesus Kristus, Morig, karehi bi'tta tangage ba agawe. Oroi Kristus, nawa na wunga kahayi tangad oronage tangage rat batauge hig hameradi hangu'k tanam nawa kagu koleni Kristus. ⁹ Nawwa hatabowa tai Kristus walle kadahak mawe kawal ta bara tau dauwug hakoleg walta uku pareha, tabolo ka amna na liwe hatena tabarai Kristus, nyikwe hatena waltai Allah ka walwe walta hatena. ¹⁰ Nyi bag kole daheni bag tadai nyiyo monno biktawe parehana manna kadde, moloho hawuna tabara nanna mayila tutge banna dadi kataudanna nyi tabara matena ¹¹ mabegge tamurge nawwa hig kolege kadde wal tangada ata mate. ¹² Tabolo, kag koledi walle lug dakmawa nyi banna tutwe, tabolo nawwag rotiyi tannam kag yappai bapiratawuge Kristus Yesus na yappa wa nawwa. ¹³ Ole bai-ole bai nawwa walleg hangada dak mage oronage nawwa bag yappai. Mabegge, wuwe harayigu: nawwag dangngage agai taliragu monno kako dawwu tabarada agai kadana ta arogu. ¹⁴ Nawwag hangatana kako ta arog tutge kakolena uppam" nyikwe kawula Surgawi waltai Allah tabarai Yesus Kristus. ¹⁵ Maidana yitta ka banna kadda hangatage ta aro. Nyikwe yawwu aim hangada ge ta aro, Allah nahatingngo guge katau takkanna tabaram. ¹⁶ Tabolo nyikwe ge, maida yitta kadda hangatana morha tutge kadaha hakole bedda. ¹⁷ Ole bai-ole bai, doku gage harayigu monno torro dabai ata-ata ka morha jalla tutge hadoku ha etam walta nami. ¹⁸ Oroge, buta ata ka morha ka taudanna muhu-muhu kadailo Kristus. Tutge nne, nawwa hangata-ngata be guge tak guge tabaram monno ba tauge nawwag takwal guge waige wemata. ¹⁹ Hadukka morha yidda na lilokowe, oro nage Allah da yidda ti dagge yidda, monno lawitda yidda hamakke danga dawe. Hangadda yidda hawai pantana dai. ²⁰ Ma begge lagge, kewarganegaraan da yitta ta Surga, gi dadda yitta banna ban'ge lagahara harema-remana Juru selamat, nyikna Mori Yesus Kristus. ²¹ Nyiyo ka wungngage tauna kamma padda yitta kada'di merana tauna kamanadana monno harehana nyi, Kristus ka kulha ngiddi tangngad ka libawa tabarana.