Nasihat untuk Sehati dan Sepikir ¹ Oro ba taudadage bagu ole baigimi, hamanawara mono hamaddig, haege ate dangagu mono hamadakka ate dangagu, dede waina kulhana tai Mori. ² Nawwa hig karaiwe tabaranai Eodia mono loppo tabaranai Sintikhe tut ge morha kadaha tabaranai Mori. ³ Nyi, nawwa karaiwe tabaramu, ole ate-ole ategu, kadaha tuludi rade lawayi-lawayi oroge yidda da'ulla tetakanna badda olega tutge kako linai Mori mono oledai Klemens monno ole-ole ullag wadeka ngarada namatolhai lari ta jurata morha. ⁴ Ege ate hangatana tabara na Morim. Hig takguge hadaka wal, ege ate dita kokomi! ⁵ Langka nne daha atemu kada tada guge ata wadeka. Morida nadahe kabbe. ⁶ Iam hangadage tutge ba agawe. Nyi nne lari tangngage hatingoge ba aga dumuwe hakabu atem tabaranai Allah ta sembayang mono manuta ege ate. ⁷ Moli, ege atenai Allah, maringi malalai Allah karehi ate mono hangaddaddi karawa dadi ateda tabaranai Yesus Kristus. ⁸ Habe waiwe ge, ole bai-ole bai, tangmgage katena, tangngage kamanadana, tangngage tijana, tangngage kamurraha, tangngage kadelo, tangngage kama daika kabanna, tangaddi katutu bada hangadadi tangngakahadi rade. ⁹ Aga bewe be ha nuwwam, hibawe, rangewe monno torowe wal tabaragu, rayi kahage nne, ma halegewei Allah pu moli kanna olegim. ¹⁰ Nawwa ege ate dita kokowa tai Mori oroge ba tau ge, begge miyo him tau hagawe hamatara tabaragu, tabolo miyo him yi hagawe wallem kole dak manna mahigo. ¹¹ Balug dagge tutge nne kadadi walle oro dukku dak maguge, oroge nawwa, hanuwa hainyakawe tutug. Langka aga dummuwe. ¹² Mog tadawre agawe na dukku monno nawwa dummo tadawe hamma jabola, mono kadana, nne monno kadana, nawwag tadawe agawe nne kadukku monno hig tadawe kabanna. Neddo badda nyi badda labba, nyi morha buta amaha muloho tangkahadi kadana, nawwa hanuwa aikadana amaha. ¹³ Nawwa na dadiwe bag rayige tangage leden Nyi yo kayiwe kulha tabaragu. ¹⁴ Nawwa na dadiwe bag rayige tangage leden Nyi yo kayiwe kulha tabaragu. Nyiduwe, miyo him rayige daha awumi ba'we dangnga gage ngidigu. ¹⁵ Midomo tadawe, kangote Filipi, neddo hapuge ta wungage ba'ha kakowe Li Ege Ate, kole bagu tanna ge harona make donia, walle lak'ma ata kangote lakma dawwu dangnga gage ngidigu tatillu yiyo monno hibba, helem miyo. ¹⁶ Monna loho ta kota Tesalonika, miyom hangidna matul tutge hakabu ategu karehi walta ha dakkanna. ¹⁷ Nyiduwe, walem matul ka tauda dakmanna hamayegag, tabolo nawwa hama yegagu wuge kahamadakka guge tauwum. ¹⁸ Nawwa hibawe bayaranna kabanna, loho na rehihoyi, nawwa da kaha tangngadi hakab ategu oronage hayim hangiddim tabaragu ledeni Epafroditus. Hayim rattu nadadi marakayi kabawu burata kama yanna monno kadahak tai Allah. ¹⁹ Allah gu napanguge tangngage hakab ate mu waige poteNa kama nadana tabaranai Yesus Kristus. ²⁰ Manada ta barai Allah monno amada yitta tutge ana mur-ana mur. Amin. ²¹ Hadik gamage lima tabarada tangngada ata tengna tabarai Yesus Kristus. manawara ta baramu. ²² Tangngada ata tengna hangid liyo tabarami, at dahoge yidda karai ulla ta istanai Kaisar. ²³ Maringi walta ta barana Yesus Kristus na ole gim min waddim. Amin.