Pikiran Seperti Kristus ¹ Bataudage ba ina tai Kristus dage maduha kakulha, lagahara oro manawara, hawuna ta wadi wanawara aikaha duka mono milla ate. ² Hamadogage lagahara tabaragu kamu hawu atena hawuna paha ngada dakige manawara kaha mera, hawuna tawadi, hawuge dau arom. ³ Iayam rayikana aga ana wal habai ate lopo kawohoka aika panu gauna; tanyiduwe kalibawa ate, apeila ata wadeka bana rehi bita daho wal ta tau dawumu. ⁴ Ia da hingkanla wu ata kaha ngadage tutu dauhena tanyiduwe tutu ata wadeka ala. ⁵ Ine paha ngada kadage tabarami kaha tuja kadana tabarai Yesus Kristus, ⁶ Lokko bana ngala duwe hadanai Allah walena etadamawe hamera danga-Ni Allah ine yiwe wu pajurtahona. ⁷ Ta balge narayige tauna ladihingmana kamaraka'a mono nahalibawa wikina naha mera ta ata paha lewa mono naha tuja ta ata pi'i. ⁸ Lar ta hada-Na katauda kadadi ata, Nyi naha libawa wikina, loho na tomage bana mate, lopo mate tayayu paka dailo. ⁹ Tutu kapege inelah Allah na keketayi hama dehtani Nyi mono yinage tabara-Na ngara ta pan tangadi ngara. ¹⁰ Tanam lar tangaranai Yesus, tangadi kudo nama takoyi loho kadana ta langta, na ka dana ta panu tana lopo dumo naka dana takabu tana. ¹¹ Mono tangadi bayo mangaku ba nade Kristus Yesus nyinala Mori da, tutu ge kamanda tai Allah tabarai Ama! ¹² Oro nage nedo olebai-olebai gu hama nawaragu, katujana miyo bamu dokuge wale nyi kelmawe ba daga nauwa bagu olegumi, karehi wikina ba tauge na nauwa ba ailaga olegimi ulage tolka mane maramu waige madauta mono kadadaka. ¹³ Oronage Allah napa rai ula lar ta miyo, na dahawe tutuge abaigu lopo dumo tut ulage agawe nakamayana tabaraNa. ¹⁴ Uladi tanga kahadi ratu iyalaka kangurka mono kahagaba balikina. ¹⁵ Tana miyo illada daka kamarihaka mono aikamanu jalana. Miyo ba ana anagemi Allah aikamarihaka tajonga dalaradda ana Murid kalego mono jalora, tanamu kamu manadani tajonga dalaradda yidda kahamanadana tapanu tana. ¹⁶ Jurtayi hama dodi linai Mori tanamu badikini laddonai Kristus mono mangu kapege. Tutuge madaka ategu bagu ka ba nauwa walegu malai awa mawa waleula mage aikapanu gauna. ¹⁷ Tutge nauwa babiwa katujana koba wehaenu amanuta tapanu maraka mono kakakowe hate namu, nauwa na dahawe ategu mono lagaharawe ledege miyo tangage. ¹⁸ Taoga dumoge miyo, oro kapege nakahamera, ege ategu mono laga harawe olegimi tanga kahami. ¹⁹ Tabara Yesus, nauwa enga nyiwe bagu nauwa gupanadage bana geha kako Timotius tabaramu tanamu nauwa kagu lagaharawa bagu rangewe kadaha tutumiyo. ²⁰ Oroge, nauwa waleladama ata wadeka katujana nyi, naka waige muraha maro matage muriha kadana tabaramu. ²¹ Oroge, rade wadeka nyi dahewe kupa tawe tutu dauda, maro matage tutuNa Kristus Yesus. ²² Kataudana hatadamu, Timotius naha dedoge tauna bamagu hige, nyi na olega hakakowe nahadadi dangage batodo talarage Lie Ege Ate talarage katena katujana wu ata lakawa tabara amana. ²³ Oronage nedo nauwa, manetakage dadige bahalewayi nyi-yo geha ba nauwa gugutadawe agawe nakadadi tabaragu, ²⁴ mono nauwa hatena tabaranai Mori oroge nauwa dawuyo dumo ba hengage amiga tabaramu. ²⁵ Tanyiduwe, nauwa hangadage dadi dumowe halewayi Epafroditus tabaramu, nyi allana olebaigu, ole ulagu, ole rotiguge, mono dumo ata nakangidi hanawu tabaramu mono naka ulana tutu habaigu. ²⁶ Oroge, nyi-yo napa ngadagimi miyo tangami mono namayilawe atena orogemi narangemi banyiwo kalawara. ²⁷ Nyiduwe, nutuna nyi-yo na kalawara dikiwe kamha meranage mate, tanyiduwe Allah nahatingoge bibta manawaranga tabarana mono wale nyikuluma, loho dugu dumo tanam mayilagu ilanama taba tabawe. ²⁸ Oroge nedo, nauwa nadadiwe rehi baige halewai nyi-yo haga tabaramu tanamu kammu kolege lagahara bamu etayi nyi-yo, mono kanabawage pahangadagu. ²⁹ Hibayi Epafroditus lartayi Mori waige bange nagahara mono hiyi nade ata kataudana nyi-yo. ³⁰ Oroge nyi-yo hodi mowe mate tutu harayi ulana Kristus; Nyi-yo nayiwe ngahuna tutu hatulda haje ludi aihakole dadi bamu yi-yi tabaragu.