¹ Kolei Yesus bana burru wali tapanu letena inna, buta ata ka dokuni Nyi. ² Mono, etayi, wu ata ka katobi ammini tabaraNa, mono naka kawojo ta aroNa, moo liage, "Mori, bamu au Kakkiwu, Yau kamu hatagaha kiwa nauwa.” ³ Mono, Yesus naha jolani limanNa lohho na narroni, linaNi, "Nauwag auwa, tagahawuge.” Neda mema dummo, na tagahayi ka tobina ata nada. ⁴ Mono, Yesus linage tabrana, "Hamatarage, yau illa dahing kana aga ana hatakkimu ta ata iyang hing kai, tabolo kakola, hatingoge taumu tabarada rato, yiwu manuta aga marakayi paha rehanai Musa ba wuwe paha delaka tutuda yidda.”Aatana Wu Pewira Romawi Hatagahayi ⁵ Kolei Yesus tama ta Kapernaum, wu perwira ammini tabaraNa, rainoge tabaraNa, ⁶ mono linage, "Mori, atagu tamarana baika kalikku ta umma, hada mayillayi.” ⁷ Mono, Yesus linage tabarana, "Nauwa enga ammiga mono ug hatagahayi nyi.” ⁸ Ta nyiduwe, perwira nada na balehawe mono linage, "Mori, nauwa waligu marakkak mawa taubamu Yau bamu tamagage ummagu, tak kagage langka hodi kawe hanewemu mono atagu nada enga tagahana. ⁹ Oro, nauwa dumo ata ta kabu kaha rehagu, dadi tentara-tentara ta kabugu. Mono, balugu kage tabarana wuyo, 'kakowuge,' nyi dummo na kako, mono tabrada wadeka, 'Maimge,' mono yida dummo da mai, mono tabrana atagu,' rayige inne,' mono nyi dummo narayi hoge.” ¹⁰ Kolei Yesus bana rangewe inna, Nyi naha ngatara mono linaGe abrada ata kadokuni Nyi, "Nauwa luguge katau takkana tabaramu, Waleg kali tabokak mawe hatena kamadakka kala tajonga ata Israel. ¹¹ Nauwa luguge tabramu buta ka enga ammina wali ta lado koka mono lado mali, mono yayo ole dangani Abraham, Ishak, monoi Yakub lari ta ka lingora Pareha ta Surga, ¹² tabola ana kalingora inna enga baitadi lari ta kalingora kapagtana kahada kapagtana. Neda bali enga dagela hoyo mono hangaktadi nguddu.” ¹³ Mono, Yesus linage tabra perwira nada, "Kakowuge, yamage kana dadiwe tabaramu katauna paha tenamu.” Mono, ta mahiggo neda, atana natagaha. Yera Lawai Nai Petrus Mono Ata Buta Hatagahayi ¹⁴ Kolei Yesus bana dikki ta umanai Petrus, nyi na etayi yera lawaina Petrus tamra baikana mono kalikana nage. ¹⁵ Nyiwe, Yesus na narro nani limmana nada mono kalikana na bungawe. Bege, nyi na kadde mono naha nukkuyi Yesus. ¹⁶ Kole ba manari gaddi nage, yidda da ngidyo tabaraNa ata buta hatamana wadi japata, mono Nyi na wugayi waddi rada wu hewe hatakkiNa, mono tagaha dage tangada ata ka kalawara, ¹⁷ dajalage kana banuge agawe hatak nai Nabi Yesaya: "Nyila kangala dadi loja mawalada yitta mono katagu dadai kalawarada yitta.” Yesaya 53:4 Dadiwu Ata Kadokuni Yesus ¹⁸ Batauge, kolei Yesus bana etay ata buta ka kilorani Nyi, Nyi naha lewayi kako pala neda bali. ¹⁹ Bege, wu ahli Taurat ammini mono linage tabraNa, "Guru, nauwa kagu dokuni lugugu ba langka giyo dau kakommu.” ²⁰ Mono, Yesus linage tabarana, "Ranga bani daho rowa kana mono kawuruna dete ta langta daho hakna. Ta nyiduwe Anana Kadadi atawale lakma hadu ijala nage katakNa.” ²¹ Wu wali ta ana hakodona linna ge tabaraNa, "Mori, Oahai toga hodige nauwa kagu tani ulu toni amagu.” ²² Ta nyiduwe, Yesus linage tabrana, "Doku daga Nauwa, mono nyamadi ata kamate katanini ole ata matena wiki dauda.” Yesus Naha Ngahuyi Warata ²³ Mono, kolei Yesus panne ta tena, ana hakodo haloleNa dokuni Nyi. ²⁴ Mono, etage, nadadi warata kalla ta hoba inna daja lage tena nada natoniyi ngalung. Ta nyiduwe, Yesus dura nage. ²⁵ Mono, ana hakodo halolena dikini Yesus mono ha kadeyi Nyi, lidage, "Mori, pahoila kimage! Yitta enga li lokoda!" ²⁶ Mono, Nyi linage tabarada yidda, "Ahha mi mamu madautami, ta mi aika hatena dahha?" Lohho, Nyi na dede mono na kayakani rereha lohho inna hoba, mono na dadiwe kadanna. ²⁷ Nyiwe, ata rada hangatara mono lidage, "Aga ata memayi Nyi nade, ahha rereha mono hoba madda doku kani?" Duda Ata Kadara Kamangu Katau Japatana ²⁸ Kolei Yesus dikki neda bali hobage, taha dau neda duda ata gadara kamangu katau tanana kajapata nda tabokayi Nyi. Yidda huna wali ta rate waige banida dajalage wale lakma ata kapalaka neda. ²⁹ Mono, etayige, yidda da kawula, lidage, "Agawe ha orhamu yau mo tanami, ta Anai Allah? Appa yau mai hamayilla mugama nami ai dikki hoge rahige?" ³⁰ Mono, marau hodiki wali ta yidda dadi wayi buta katamrana mayegana hayana. ³¹ Mortana rada naka raiwe tabaraNa mono lidage, "Nyi ya bamu bai kage wugama nami, halwama ge dikki ta wayi buta rada. ” ³² Mono, Yesus linage tabarada yidda, "Kakomige!" lohho, yidda da huna mono tama lari tawayi rada. Bege, tangada wayi rada leju dage ta lirra hupu hoba mono da mate lari ta weyo. ³³ Ata kajawayi rada wayi da malai, mono tama lari taha rona, mono da dulka kahhawe tanhgage, gauge agawe kadadi ta ata kamangu katau mori tanana rada. ³⁴ Mono, etawege, tangada ata ta harona huna tutu tabo kayi Yesus. Kole bada etayi Yesus, yidda daka raiyi Nyi kana yelana wali taha dauda yidda.