¹ "Ilam yikani rakana olem ata daja lage mi ila yigimi rakkami. ² Oro waige rakkana ha yimi tutu rakkana, mi enga hiba mige rakkage, mono waige ukra ha waimi tutu ukra ha ukram enga ukra jala mige tabarami. ³ Mono, ahha mi mamu etayi karabka yayu ta mata ta angu wumu, tabolo yau walem tada dau mayi kadibka yayu ka dana ta mata daumu? ⁴ Waleka, aga linak kawe bana dadiwe mi ba limige ta ole baimi, 'Haiga nauwa kagu pahu gini karabka yayu nada wali tamatamu, 'tabolo etawe, dani kadibka yayu tamata daumu? ⁵ Ta, aa dahha dete, pahuyo ultoni kadibka yayu nada wali tamatamu, mono bege yau enga eta hadahha muni bamu pahu nani karabka yayu wali ta mata ole baimi. ⁶ Ilam yikayi ngawu katenguna ta bagga, ilam baita jalani watu mangu hiyo nada ta ta arona wayi daja lage yidda ilda deke pipini waini leduna mono na hagga waligu hirrawu yau.”Karaimila, Mayeganala, Mono Kaladinala ⁷ "Karayimila, mono ta hada inna enga yinagimi tabarami. Mayeganala, mono mi enga kolemi. Kaladinala, mono hada inna enga na bugera gimige tubami. ⁸ Oro, tangana ata ka rai, nyi na hibaho, mono ata kamayega enga na kolena, mono iyayi kaladina enga bugerani. ⁹ Waleka, iyayi ta jongami, nyi nada anana bana karaika kababa nyi bana yidalini watu nada anana? ¹⁰ Waleka, Nyi anana bana karaika kaboko, nyi enga wale na yimanni kaboko ana nada, to? ¹¹ Nyiwe, nyi mi kajapata tadawe agalina dawe bamu nyini anamu kadahaki, at wik hona Amamu ta surga, Nyi enga yina gimi kadahha tabrada yidda karai tabaraNa.” Ukku Pareha Kabanningna ¹² "Oroge inna tangadi mi hakabu atemi kana rayi gimidi ata tabarami, tauda jala nage mi um rayidi tabarada yidda oro rade ydayi ngihidi Ukku Pareha mono jurata Nabi.” Lara Ka Ara Ta Morha ¹³ "Tamami ta binna kahikna oro lurawe binna mono lura lara ka aro ta liloko, mono dadi kabuta ata kalida tama. ¹⁴ Oro, kahikge binna mono kahna lara ka aro ha morha danga, mono hodik ka tomani.” Hanamu Tutu Nabi-Nabi Paleka ¹⁵ "Ta nyiduwe, hamataradila tabarada nabi-nabi paleka ka amina tabrami ka waina kalabe bebbe, tabolo dok dage yidda serigalai kabani. ¹⁶ Wali ta wuna mi enga tada midi yidda. Dak kakwe ata kahhayi wu anggur wali tara warri mono wu kapulota wali ta yayu tara warri? ¹⁷ Tauda jala nage, tangadi pu yayu kadahha na wuyo wuna kadahha, tabolo pu yayu aika dahha da wuna wu aika dahha. ¹⁸ Pu yayu kadahha walena dadik mawe wu dalna aika dahha, mono pu yayu ai kadahha ruruge bana wudalna wu yayu kadahha. ¹⁹ Tangana yayu aika wu dahha ha toda hoyi mono baitani lari ta latti. ²⁰ Nyiwe, wali ta wunala mi enga tada midi yidda. ²¹ Wale tangak mana ata kaha newe tabraGu, 'Mori, 'tama lari ta kalingora surga, tabolo nyi karayidi tangadi hakabu atena AmaGu ta surga. ²² Ta lado neda, buta ata kaha newe tabaraGu'Mori. Mori, ba nami kakna takki guge ngaraMu mono ka wugayi wadi japata lari ta ngaraMu, mono karayidi tangadi mujizat waige ngaraMu?' ²³ Lohho, Nauwa enga tak guge tabarada yidda, 'Nauwa waligu kal tadak mami miyo!Um yelana wali tabaraGu, mi um ulladi tangage kajala!'" Ranggewe Mono Rayidi ²⁴ "Oroge inna, tangana ata karange gage ha takkiGu rade mono karayi gadi enga natujayi ata kama niwola paha ngadana kahha kadde umana tapanu watu. ²⁵ Nyi, bana burruka urra mono ammini lai weyo, mono rereha liwe umma inna, mono umma inna enga wale na tabuhtak mawe oro bahha dedewe ta panu watu. ²⁶ Mono, tangana ata karange gage hatakkiGu rade mono ai karayidi na tujayi ata kabanga kahha kadde umana ta paha lai. ²⁷ Lodoge, burru urra mono ammini lai we, mono rereha liwe inna umma, mono umma inna enga ta buhta ge, mono na manyegara hingwe.” ²⁸ Kolei Yesus bana be hatakkiwe tangage hada inna, ata buta da hangatara dangage hanuwaNa, ²⁹ oro Nyi hanuwadi yidda ba wuyi ata bikta parehana, mono wale tujak mayi ahli-ahli Taurat yidda.