¹ Kole ba etayi ata buta rada,Yesus panne ta panu letena.Mono,ana hakodo haloleNa ammidi tabaraNa. ² Mono,Nyi na bugerage baNa mono naha nuadi yidda,linaGe, ³ "Kanyuru nage ata ka milla lar ta waddi oro yidda ka dauge Kalingora Surga. ⁴ Kanyuruda yidda kamayilla atena oro yidda enga ha agu ateyi. ⁵ Naka nyurru ho ata malujja atena oro yidda enga dau dage panu tana. ⁶ Daka nyurru ho yidda ka labba mono marige ka tenguna oro yidda enga haboktayi. ⁷ Daka nyurru ho yidda ka manawara atena oro yidda enga kolena manawara ate. ⁸ Daka nyurru ho yidda kamurha atena oro yidda enga eta dani Allah. ⁹ Daka nyurru ho yidda ka ngidi moli oro yidda enga da takkiyi ana nadi allah. ¹⁰ Daka nyurru ho yidda kamayilla oro ketena oro yidda ka dauge Kalingora Surga. ¹¹ Um ka nyurru hom miyo ba daka ata kaha melo gimi mono kaha mayilla mi,mono ka takki gimige tanga ngara hanewe kajapata tabaramu waige bada langu lirami orogu Nauwa. ¹² Laga harami mono ege atemila oro madaka lawe hige ta surga tauda dage yidda bada hama yillayi tangada Nabi ai diki hogimi miyo." MAHHI MONO MAGAKAHA PANU TANA ¹³ "Mik nala mahhi panu tana,tabolo inna mahhi bana dadi kabbawe,aga lina dahowe ba hamah haggage? Nyi la hing mana gauge duka dahege ba baitage mono ba dekege kadadi ata." ¹⁴ " Mik nala magakaha panu tana.Harona ka panu letena wale na dadik mawe bana kabunyiwe. ¹⁵ Ata walena dadik mawe bana kadakena latti we mono ijalawe ta kabu haburra,ta nyiduwe ta hariyo hadau latti we,mono kana hama gaka hadi tangadi ka dana lari ta umma. ¹⁶ Pahai jalage inna maga kahamu waige hada kaha tujja dajalge ata kana eta gimige harayimi ka dahha mono kahha manadani Amamu ta surga." PANNUYI UKKU PAREHA MONO JURATA NABI ¹⁷ "Ilam hangada dage inna Nauwa bagu maiwa waleg pungak madi li ukku pareha waleka jurata tangada Nabi.Bagu maiwa wale pngak ma gudi ta nyiduwe mai panu da gudi. ¹⁸ Nauwa takki guge katau takkana tabarami,kahha langta mono tana ai hilu dage,wale lakma wuak kama dutla waleka kama tikki kabunga wali ta Ukku Pareha kahha tangadi bana banuge. ¹⁹ Oro batau dage,iyayi kapungadi wuak wali ta pareha kahada maraha rade mono hanuani ata wadeka kapiku rayi nage hada kaha mera,nyikna kahada maraha lari ta Kalingora Surga.Tabolo, iyayi ka rayidi pareha rada mono naha nuadi yika kama dakka lari ta kalingora Surga. ²⁰ Oro,nauwa luguge tabarami inna katenamu wale na rehi dahak mawe wali ta katena ahli-ahli Taurat mono ata Farisi,mi ruruge bamu tamami lari ta kalingora Surga. TUBANA ATA KABANINI ANGU WUNA ²¹ Mi um range bewe ha tak be ta weda waikada yitta,'Ilam ha matewu ole atamu,'mono'ba iya kayi kaha mate ole atana na dadi mema dawe ngidiyi taha dau yiwe li hokuna.' ²² Ta nyiduwe,Lugu dage tabaramu iya hing kayi ka bani tabara ole baina na marakka mema dawe ba hokuni,mono iya hing kayi kaha newe ta ole baina,'Yau kabangawu,' nam rakka dahowe ba dani ta aro Pa ama hadau deye Agama,mono iya hing kayi kaha newe,'Yau kabangawu,'namaraka dahowe badani lari neraka latti. ²³ Oro bataudage,nyi mi bamu yika manuta manutami tapanu natara,mono neda bali mi um apeyi ole baimi badage wuak tabaramu, ²⁴ tanadi rada manutamu rada ta aro natara mono kakowu kam dame danga uluni ole baimi,beyo ubum hagami mono ubum yiyi manutami. ²⁵ Geha memam,dame dangani ata kaha waugu batamra homu kako dangani daja lage ilna hawau wali gu inna nayiwu tabara katibawe,mono katibawe nada nayiwu ta hagawena,mono yau naha tamagu ta gallu. ²⁶ Nauwa ug takki guge katau takkana tabaramu,yau wale na hilu dadik mawe bamu huna wali neda bali kahha yau bamu be bayarana sen ha duka waiwe. "ATA KAJALA DANGANA OLENA ²⁷ "Mi um range bewe inna hatakki,Ilam jalami ta olemi.' ²⁸ Ta nyiduwe,Nauwa luguge tabaramu tangana ata kaha matara hinguni wu lawai mono naka madige ta atena,nyi na jala danga beni ta barana lawai nada lari ta atena. ²⁹ Nyi mata kawanamu na rayi kagu harayi dangam jala,lakke matamu nada mono baitani.Oro,atna hadaha dahoge yau ai dani wu matamu wali ta ta taumu wali tangage taumu ba baita dali guge ta naraka. ³⁰ Mono,nyi lima kawanamu banyika harayi dangamu jala,katuplayi mono baitan limam nada rehi daha dahoge bana bunga wu limam wali ta taumu wali tangage taumu ba baita dali guge ta naraka. NUKKU TUTU PAHEWA ³¹ Inna takki bewe: Iyayi kaha hewa dangani ole ummana na yidaho jurata pahewa ta bara ole ummana nada. ³² Ta nyiduwe,Nauwa ug tak guge tabaramu ba iyayi kapa hewa dangani ole ummana,duka dahege oro jala dangana olena,nyi na rayini jala olen ole ummana.Mono,iyayi kaha umma dangani lawai kapa hewa danga bena laina nada,nyi jala danga olena. TUTUGE HAURA ³³ Hadakka piguge,mi um range bewe hatak beda ta weda waikamu,'Ilam haura palekawu,tabolo panu kewe hauramu inna ta arona Morimu.' ³⁴ Ta nyiduwe,Nauwa luguge tabaramu:ilda hinguge yau bamu haurawu,langka tutu Surgawe oro Surga yodakna dau ngodo nai Allah, ³⁵ wale ka dumo tana oro tana nyiwe hadau ijala nadi leduNa,waleka dumo tutu Yerusalem oro inna ba nyiwe harona Sang Raja kama dakka. ³⁶ Ilam haura jala kawu tutu katak kumu oro yau aina dadi mowe bamu rayige gayu ro wumu,kaka waleka mattige. ³⁷ Ta nyiduwe,enga dage hanewem,ngoge bana tenawe,walekma nyi aina tenawe,oro ta bali tangage inna wali ge tai kajapata. TUTU TAU GABAGE ³⁸ Mi um range bewe agawe inna hatak kibena,'Mata na hepadi mata mono nguddu na pahepadi ngudu.' ³⁹ Ta nyiduwe,Nauwa luguge tabaramu ilam gabage kajapata,tabolo iyayi kapakko kaguge papai kawanamu,horo jala nage papi wadeka. ⁴⁰ Mono,nyi wu ata bana karuhhu kawu mono ngala guge kalabe mu,yi jala nage kalabe madakkamu tabrana. ⁴¹ Mono,iyayi kaduhhawu yau kako dihha mil,kakowu marangani ka duda milna. ⁴² Yikini ata karaiyi tabaramu mono ilam tularani ata ka kabu atege karaiyi tudu wali ta yau." MANAWARADI MUHUMU ⁴³ "Mi um ranhge bewe inna liNa,'Manawara kini olem,' mono'butuni ate muhumu.' ⁴⁴ Ta nyiduwe,Nauwa luguge tabaramu,manawara kidi muhumu mono sembanyang nala tubada ata kaha mayillawu yau, ⁴⁵ waige batau dage yau inna dadiwe bana anai Amawu ta Surga oro Nyi kapa hudani mata ladoNa tubada ata kajapata mono kadahha,mono kaha buruni urra tubada katena mono aika tena. ⁴⁶ Oro,inna mi ba duka dahege bamu manwarani ata kama nawaragu,agak we hakolemi? Walem tadak mawe ata ka kahha wali takku rayi jalage kataudana? ⁴⁷ Mono,nyi mi bamu hanau wuyi ba dukka hena ole baimu,agawe rehige harayimu?Walem tadak mawe ata ai katadayi Allah rayi jalage katujawe inna? ⁴⁸ Oro batau dage,mi um dadi bannu dahona,tujai Amamu ta surga kabanuna."