¹ Bege,Yesus na kodoni Waddi ta marada gilra bana kabani kabalka. ² Mono,Nyi natari pata kabulu lado mono pata kabulu gaddi,be inna Nyi naka laba. ³ Nyi namai,kabani,mono linage tabarai Yesus,"Nyi Yau ba ana Allah duwu,pareha holai rada watu kana dadi kababa." ⁴ Tanyiduwe,Nyi nabalehawe mono linage,"Dage kama tolha,'Wale kababa kelma kadadai ata Morha,tabolo wali tangadi lina kahuna wali ta banai Allah." Ulangan 8:3 ⁵ Bewalge,kabalka na ngidiYi ta toko Uma Allah, ⁶ mono linage tabaraNa,"Nyi Yau ba ana allah duwu,Dolu wikhomu inna lari oro dage kama tolha:'Tutum Yau,allah enga harha nadi malaikatNa mono keketawu Yau ta pnu limada yidda dajalage leduMu ilna widadi rada watu.'" Mazmur 91:11-12 ⁷ Yesue linage tabarana,"Hadakka piguge,dage kama tolha,'Yau ilam kabani Mori Allahmu."' Ulangan 6:16 ⁸ Hadakka piwal Kabalka na ngidiyi Yesus ta panu letena kahada madehta mono naha tingo nage tabarana tangage parehage panu tana lohho ewetage, ⁹ mono linage tabaraNa,"Tangadi rade ug yigudi tabraMu,nyi Yau bamu katabawu mono kawojoga." ¹⁰ Bege,Yesus linage tabarana,"Yelana ge,Kabalka! Dage kama tolha, 'Mi um kawojo dahhoni Mori Allahmu mono tabraNa hena yau bamu kangotena."' Ulangan 6 :13 ¹¹ Kolei, kabalka ijakani Nyi,mono etawege,malaikat-malaikat ammidi ha nukkuyi Nyi. YESUS HALEGE NAGR HA ULANA TA GALILEA ¹³ Nyi natanage Nazaret mono na dikki lohho na engana ta Kapernaum,ta hupu Hoba,dirri Zebelon mono Naftali, ¹⁴ kana banuge agawe agawe hatakki ledeni Nabi Yesaya: ¹⁵ "Tanah Zebelon mono tanah Naftali,lara ta Hoba,ta gabala Yordan,Galilea,kalingora ata aika Yahudina, ¹⁶ kabihu ata ka engana lari taka pagtana etawe magakaha kama dakka,mono tubada yidda ka engana taha dau mono mawo kamate,Magakaha inna na huda bewe. Yesaya 9:1-2 ¹⁷ Wali nedage,Yesue halege nage bana hotbah mono linage,"Jarramige oro kalingora pareha Sorga na dahekawe!" NAKAMAIKAFI PATA ANAHAKODONA ¹⁸ Kolei Yesus kako ta hupu hoba Galilea,Nyi na etayi duda kaha angu wuna,Simon paha ngarai Petrus,monoi Anderias anguwuna,batamrada wewuwe jalada ta hoba oro yidda ba kamajala kabokoyi. ¹⁹ Mono,Nyi linage tabrada yidda,"Mai dokuga Nauwa mono Nauwa enga hadadu gumi mi kama jala ata." ²⁰ Yidda wing tana dadi jalada mono dokuni Nyi. ²¹ Mono,kole bada kako wali neda bali,Nyi na etayi duda wali kahha angu wuna,Yakobus anai Zebedeus monoi Yohanes,angu wuna.Yidda lariyi ta wu tena oleni Zebedeus,amada yidda,tamra illo dadi jalada.Mono,Nyi naka maikadi yidda. ²² Mono,yidda wing tanadadi tenada mono amada yidda,dokuni Yesus. YESUS NAHA NUA MONO NAHATAGAHA ATA BUTA ²³ Bege,Yesus kilorage tangage kalingora Galilea,hanuana ata ta sinagoge-sinagogeda yidda,talarage li ege ate Kalingora pareha,mono hatagaha tanga ngara kapore,mono tanga ngara kalawara ta jonga ata buta. ²⁴ Mono,li tutuNa matalarawe kahha ta tangage Siria.Mono,yidda da ngodiyi tabaranNa tangadi ata kalawara ka oja wali tanga ngara kapore mono kapakhada,mono hatamanai kabalka,kaparaka,mono kalikku,mono Nyi nahatagahayi yidda. ²⁵ Maubla ata kabuta wali ta Galilea,Dekapolis,Yerusalem,Yudea,mono wali ta gabala Yordan dokuni Nyi.