¹ Ta lado inna,na hudai Yohanes Pembaptis,bana hotbah ta manrada gilra Yudea. ² Nyi linage,"Jarramige oro Kalingora parehai Allah daheka nage". ³ Oro,nyiknala hataknai Nabi Yesaya kole balinage,"Lina wu ata ka wula ta marada gilra,'Ha inyakani lara tubanai Mori,rayinani laraNa ka lurha.'"Yesaya 40:3 ⁴ Mono,Yohanes wiki dau na waina kalabe wali ta wullu unta mono kalari bagge kalita kakilora nage baggena.Ha yana kabala mono kanena ramma. ⁵ Bege,ata Yerusalem amidi tabrana,mono tangage Yudea,mono tangagekalingorage Yordan. ⁶ Lohho,yidda naha rihayi Yohanes ta Yordan,hagapege mangakudi jalada yidda. ⁷ Tabolo,kolei Yohanes etayi butayi ata Farisi mono Saduki amaidi taha rihana,nyi linage tabrada yidda,"Mi,ana huhu kaboko japata,iyayi kaha namu gimige mamu malaimi wali ta but ateNa nimi ka amina? ⁸ Nyi bataudage inna,kamu hadadige wuge jarrami, ⁹ mono ilam hangadege tutu bamu takkiwe tuba taumi,'Nami dani Abraham,ama weda waikama nami,'oro nauwa lugu gimige tabrami inna wali ta watu rade Allah na dadiwe bana hakadeyi anai Abraham!. ¹⁰ Lohho,inna batauge,pogo,ijalabewe ta kalarta pu yayu,mono tangadi pu yayu ai ka wu dahha katoda hoyi mono baita hodi talatti. ¹¹ Nauwa tau takka nage ug waigimi we bagu harihami bamu jarra,tabolo Nyi ka ammina kole badaga na bikta dahowe harehana wali ta nauwa,kopa leduna nauwa walegu marak kak mawa ngidi nadi.Nyi naha rihami mi waini Waddi Bihha mono latti. ¹² Tapi nyura talima benaNi,mono Nyi naha murahadi hadau karabaNa,mono enga kahha nadi gandum lari tagalu.Tabolo,Nyi enga tunu nadi ta alati kuwa ai hilu angta padda." YESUS NAHARIHAYI YOHANES PEMBAPTIS ¹³ Bege, Yesus amini ta Galilea ta Yordan tabarai Yohanes kapiku hariha nani Yohanes. ¹⁴ Tabolo,Yohanes na baige hikalani Nyi mono linage,"Nauwa dahho pahha rihaMu,ta nyiduwe Yau um mai dawaliwu tabaragu?" ¹⁵ Lodoge,Yesus na balehawe tabarana,"Batauge.pahaige oro batauda dahoge dadige ta yitta kana banuge tangage katena."Mono,Yohanes dumo na pahaini Nyi. ¹⁶ Ba kole harihaYi,Yesus wing hunage wali ta weyo,mono etawege,surga na mabugerawe mono Nyi naetayi Waddi nai Allah burru katujai takuku maupa taka takkuNa. ¹⁷ Mono,rangewe li wali ta surga kahha newe, "Nadde nyi anaGu tabaraNa ge Nauwa Ug kabu ateNi."