¹ Ta ma higgo neda, Herodes, Raja kalingora, rangewe liyo tutnai Yesus. ² Mono, nyi linage tabara ata paha lewana, "Mono, nyi linage ta ata paha lewana, "Yiknai Yohanes Pem baptis, Nyi na kade be wali ta jonga ata mate oro batau dage inna la mujizat-mujizat inna rayi ullai tabaraNa.” Kadadi Tutu Matenai Yohanes Pembaptis ³ Oro, Herodes na yappa beyi Yohanes, na kattini, mono nahha tamani ta gallu oroi Herodias, ole ummai Filipus, angu wunai Herodes. ⁴ Oroi Yohanes dage ba linage tabarana, "Wale na tena dak mawe tutumu bamu dauni Hero dias.” ⁵ Mono, lokko Herodes baige hamateyi Yohanes, nyi madautadi ata buta oro yidda da yapu gauni Yohanes ba Nabi yi. ⁶ Ta nyiduwe, kole laddo rahi dadi nai Herodes dikki we, ana lawaina Herodies nego nage ta aroda yidda, monno dahha we atenai Herodes, ⁷ daja lage nyi na haura yini aga hingkana bau winne nada. ⁸ Nyiwe, kole bana karuhhu inyana, bau winne nada linage, "Yi gage tabaragu inna batauge, katakku nai Yohanes Pembaptis ta panu tapi.” ⁹ Loko raja ban hoduwe atena, tabolo oro haurana mono oro ata ka ya ole dangani, nyi dumo naha rehayi kayinage dokuge hatakna. ¹⁰ Nyi naha lewayi lai nage katakku nai Yohanes ta gallu. ¹¹ Mono, katakkui Yohanes da ngidiwe ta panu tapi, ma yinage tabarana bau winne nada mono nyi na ngidiwe ta inyana. ¹² Bege, ana hakodoi Yohanes ammidi, ngala nage karogona, mono tani nage. Lohho, yidda da takkiwe tai Yesus. Limma Kababa Mono Duda Kaboko Da Yadi Lima Rata Ata ¹³ Kolei Yesus rangewe inna, Nyi na tingi hagga wikina wali neda bali waina tena, taha hadau kahika bana meha. Mono, kole ata bada rangewe inna, yidda da dokuni Nyi kako tana wali taharona inna. ¹⁴ Kolei Yesus huna, Nyi na etayi ata buta kama kahha, mono ma rabehawe ateNa tabarada yidda, mono naha tagahayi kalawara. ¹⁵ Kole manari gak nage, ana hakodoNa ammidi tabaranai Yesus mono lidage, "Hadau inne kahikawe mono manari gak nage. Ha lewayi ata buta rada kako ta deha mono kada hiyo ha yayo yidda kada yayo.” ¹⁶ Ta nyiduwe, Yesus linage tabarada yidda, "Yidda ilda kako ka. Mi, um yi dahodi yidda ha yayo.” ¹⁷ Yidda lidage tabaraNa, "Tah gau inne la hing mana ka dana aga ana, duka dahege limma kababa mono duda kaboko.” ¹⁸ Mono, Nyi linage, "Ngidiyi rammige, tabaraGu.” ¹⁹ Bewalge, Nyi naha lewayi ata buta rada ngodo ta ruta, mono Nyi na ngalayi limma kababa mono duda kaboko rada, lohho nata ngara ta langta, Nyi wai linage mono na hibiyi kababa rada. Kole innage, Nyi na yiyi ta anaha kodoNa, mono ana ha kodoNa ta ata buta. ²⁰ Mono, yidda tangada da yayo mono da bokta. Lohho, yidda da kahhayi kajibbidi karehi, kabulu dudayi ka wukkata kabanuna. ²¹ Mono, yidda ka yayo ba tau kadi katutu limma ratayi kabani, wale gauk mahodi lawai mono lakawa. Yesus Na Kako Tapanu Weyo ²² Yesus na ha gehadi ana hakodoNa tama ta tena mono kako ullu wali ta Nyi pala neda bali, tamrana Nyi bana halewayi ata buta rada hagga dage. ²³ Mono, kolei Yesus bana halewayi ata buta hagga, Nyi panne meha ta panu letena mono sembayangna. Kole ba aroge bana gaddige, Nyi meha kina neda bali. ²⁴ Ta nyiduwe, tena nada na maraube wali ta tana yara, na kedoni ngalung oro hugara dani rereha. ²⁵ Mono, ta jam pata gakdi neda, Nyi ammini tabarada yidda, kako ta panu weyo. ²⁶ Kole tangada anaha kodoNa etayi bana kako ta panu weyo, yidda da madauta mono da kawula "Nadala mori tana!" Lohho, yidda da kawihhaka oro madauta. ²⁷ Ta nyiduwe, Yesus wing hanewe nage tabarada yidda, linaGe, "Hakul hage atemi! Inne Nauwak na, ilam madautami.” ²⁸ Mono, Petrus linage tabaraNa, "Mori, nyi inna Yau, halewawa nauwa kako tabraMu ta panu weyo.” ²⁹ Yesus linage, "Maiyu ge!" Nyiwe, Petrus hunage wali ta tena, mono kako ta panu weyo, mono kako ta baranai Yesus. ³⁰ Tabolo, kole bana etayi rereha, nyi na madauta mono atuni tabullo. Nyi na kawula, "Mori, pahoila kiwa nauwa!" ³¹ Yesus naha gehani pajokatani limaNa, naroni Petrus, mono linage, "Yau dabbo nage hatenamu, ahha mamu gela gaga wu?" ³² Kole yidda bata tama lari ta tena, rereha nada na ngahu. ³³ Bege, yidda ka dana ta tena da kawojono Yesus mono lidage, "Tau takka nage, Yauna ananai Allah!"Yesus Naha Tagaha Ata Kalawara ³⁴ Kole bada pala, yidda da dikki ta Genesaret. ³⁵ Kole ata taha dau neda da tadai Nyi, yidda da takkiwe ta tangada ata taha dau neda mono da ngidyi ata kalawara tai Yesus. ³⁶ Yidda da rainoge tabaranai Yesus dajalage bana dadi kakwe ka joja kinage hupu kalabeNa, mono tangadi ata ka joja nage nadadiwe bada tagaha.