¹ Ta lado nedda, Yesus huna wali ta umma mono ngodo ta huppu hoba. ² Mono, ata buta kama kahha tabaradaNa. Oroge inna, Nyi na panne ta tena mono ngodo, mono tanhada ata buta rada da dede ta hupu hoba. ³ Mono, Nyi na buta layi hatakna tabarada yidda lede wu hatujja, linage Nyi, "Dani wu ata ka kao habarana winni, ⁴ mono bana habarana winni, kapirana winni monuyi ta hupu lara, kawurruna amidi mono da bewe tut kawe. ⁵ Wnni wadeka monuwe ta hadau kahha watuna, ai lkabuta tanana, mono geha tummuwe oro aina ma kak lawe tana. ⁶ Ta nyiduwe, kole mata lado bana hudda, winni katummu inna na yannawe ka hadda ngangaha, Mono, ai da kalarta ge, winni inna dadi marakkotawe. ⁷ Winni wadeka na monuwe ta jonga tara warri, mono tara warri inna na tummu jalawe, mono na kapik hawe. ⁸ Tabolo, winni wadeka na monuwe ta tana kadahha mono dadiwe bana wuwe, dadi ka ngahu laptana, dadi ka anni kabulu laptana, mono dadi ka tallu kabulu laptana. ⁹ Iyayi kamangu katilluna, pahaidi nyi kana range.” Yesus Naha Akka Waina Hatujja ¹⁰ Mono, ana hakodonai Yesus ammidi mono kanukka tabaraNa, "Ahha Yau mamu takki dage tabarada waina hatujja?" ¹¹ Na balehayi yidda, "Ta baramu ug yi beguge kapiku tada muge kabailana ta Kalingora pareha ta Surga, ta bolo tabarada yidda wale da kolek mage. ¹² Oro, ata kamangu manguna, tabarana enga yini mono nyi enga majabolana. Tabolo, iayayi aika kamangu manguna enga ngala nadi wali tabarana. ¹³ Oro batauda dage, Nauwa ug takki dage tabarada yidda waina liha tujja oro kola bada etawe, yidda waleda etak mawe, mono kole bada rangewe, yidda wale da rangek mawe, lohho dummo wale da yapak mawe. ¹⁴ Tutu da yidda, banuk nagege huru balei Yesaya kalinna, 'Waige ha range, tabolo ai kali yappa. Mono, waige eta, mi enga walem etak mawe, tabolo walem yapak jalak mawe.' ¹⁵ Oro ateda ata rade ma kabla bewe, katilluda yidda mayau tutu range, mono natoniyi matada yidda. Nyi waleka, doku dage yidda dadi dahowe bada eta waidi matada yidda, ranhge waina katillu da yidda, mono dadiwe bada yappawe waige ateda yidda, lohho da gilla ka tabraGu mono hatagahayi.' Yesaya 6 :9-10 ¹⁶ Ta nyidawe, kanyurru kana matamu oro bana etayi mono katilumu bana rangeyi. ¹⁷ Nauwa takki guge katau takkana ta barami innala butayi nabi mon ata katena ka kabu atege agayi mi ha etami, tabolo waleda etak mayi, mono agawe ha range mi, tabolo aim rangewe.” Halarawe Tutu Ha Tujja Kaha Barana Winni ¹⁸ "Oro batau dage inna, rangewe ngihige tutu hatujja kahabarana winni. ¹⁹ Kole ata bada rangewe linai Mori mn wale da yapak mawe, i kajapata na karamege agawe inna pahaba rabe lari ta ate ata nada. Yikna nada ata kama habara winni na ta hupu lara. ²⁰ Da jala ge ka habara taha dau kamangu watuna, yikna ata karangewe liyo mono wing hibba waige ege ate, ²¹ tabolo nyi walena kalar tak mawe lari ta tauna mono walena tahhik mage. Mono, kole amige kama yilla dadiwe oro liyo inna, nyi wingi bukka nage. ²² Winni ka monu ta tillu tara warri yikna ata karangewe liyo inna, bege gele gagga panu tana mono matipuge pote kahaherage liyo inna dajalage wale na wuk mawe. ²³ Ta nyiduwe, ata kayanna winni na ta tana kadahha, yikna ata karangewe liyo inna mono ka yapawe. Nyiknala katau takka-takkana na wuyo mono da hige, ngahu malapta ge, wadeka anni kabulu laptage, mono wadeka jala tallu kabullu laptage.” Hatujja Tutu Ruta Rate Mono Gandum ²⁴ Yesus naha diki ge ha tujja wadeka tabarada yidda, linaGe, "Kalingora Surga inna dadiwe baha tujage katujana ata kahabarana winni kadahha ta omana. ²⁵ Ta nyiduwe, tamrada ata dura, muhhuna ammini mono na hamarana winni gaingo ta jonga winni gandum, mono kako nage. ²⁶ Kole hamulla rada kalungayi moo luyi, bewalge tummu jala nadi ngaingo rada ma eta jalayi. ²⁷ Nyiwe, ata paha lewana mori oma nada amidi mono naka nuka tabarana, 'Mori, wale winni dahha duyi pahaba ramu ta oma? Nyidawe gi wali gi dal kadi rada ngaingo?' ²⁸ Nyi linage tabrada yidda, 'Da muhhu karayige. 'Nyiwe, ata paha lewana rada lidage tabrana, 'Appa yau baige nami kama kako mono kahhayi? ²⁹ Ta nyiduwe, morda nada linage, 'Walekma!Oro, kole mi bamu kahhayi ngaingo rada, inna dadi dala wela bamu batu ha oledi rada gandum. ³⁰ Nyammadi kadudana tummu hamera kaha dikige rahi mangatti. Mono, ta rahi mangatti, nauwa enga takki guge ta ata kahabarana winni, "Kawungana, kahha toyi ngaingo rada mono kattidi ha wotodi kapikudi tunnuyi. Tabollo, kahha jalayi gandum ta galugu.” Kalingora Parehai Allah Tujawe Watu Sesawi Mono Ragi ³¹ Bege Yesus na takwalwe hatujja wadeka tabarada yidda, lainaGe, "Kalingira pareha Surga inna tujawe watu sesawi ha ngalana ata mono pahabara ta omana. ³² Watud rada hada marahayi wali ta tangadi winni, tabolo kaole bana tummu, nyi rehina madakka wali ta tangadi rubba, lohho ndadi pu yayu dajalage kawurruna ta langta ammidihaddu ta hangana.” ³³ Bege Yesus na takki waliyi wuwalli hatujja heka tabarada yidda, "Kaligora pareha Surga inna tujawe ragi, nada wu lawai na ngalawe mono naha hatamage lari ta kamabbu tarigu ha kawirro butage tauda sukat kahha tangage ha wirro inna bana hakilage ragi. ³⁴ Tangadi hada rada na takkiyi Yesus tabarada ata buta lari ta tangadi hatujja, mono Nyi walena naha newekma tabarada aina wai kage hatujja. ³⁵ Waige katau danage, bannu nagege agawe paha dikkoda lededi nabi, "Nauwag enga bugera guge bagu lari ta li hatujja, Nauwag ug hanewedi hada kabunyi wali panu tana ba hadadige.” Mazmur 78:2 Hsatujja Tutu Ruta Heka Ta Oma ³⁶ Bege, Yesus na ijakadi ata buta rada lohho na tama ta umma. Mono, anaha kodoNa ammidi tabraNa mono lidage, "Halara mage tabarama nami hatujja tutu ngaingo ta oma.” ³⁷ Mono, balehanaGe, "Ata kahabarana winni kadahha yikna Anana kadadi Ata, ³⁸ mono oma inna yikwe inne panu tana. Winni kadahha yidakna ana Kalingora pareha, mono ngaingo yikdakna ananai kajapata, ³⁹ mono muhhu kahabarana yikna kabalka, mono rahi mangatti yikwe hadukka Mahiggo, monp tangada kama ngatti rada yidakna tangada malaikat. ⁴⁰ Nyiwe, katauna ngaingo pa kahha mono tunuyi lar ta latti, tauda dagela kadadi nimmi tahha dukka mahiggo. ⁴¹ Anana Kadadi ata enga halewa nadi malaikatNa, mono yidda enga kahha nadi tangadi watu widda lohho ata karayina japata wali ta kalingoraNa, ⁴² mono enga baita nadi lari ta tulra latti. Tahha dau neda enga dage hoyo mono ha ngaktana ngudu. ⁴³ Bege, ata katena enga ma gakahada tujai mata laddo lari ta Kalingora Pareha Amada yidda. Iyayi kamangu katilluna, haini nyi kana range.” Kalingora Surga Tujai Ngawu Kama Tani Mono Mutiara ⁴⁴ "Kalingora ta Surga natuja dawe ngawu hatani ta oma, ha tabokan ata, bana kabunyi wali ni. Mono oro lagaharana, nyi kako nage, malajadi tangadi kadana tabarana, mono hiwe oma inna. ⁴⁵ Hadaka pi guge, Kalingora Surga natuja dawe wu kadagana kama yegana mutiara kadahha ki. ⁴⁶ Kole nyi bana tabo kayi wu mutiara ka hada mangu hina, nyi na kako mono na malajadi kadana tabarana, bege mana hiyi mutiara nada.” Kalingora Ta Sura Tujawe Jala Kabanuna Kaboko ⁴⁷ "Tauda dumoge. Kalingora Surga na tujawe jala pa tubba lari ta banu, mono ka kahayi tangadi kaboko. ⁴⁸ Kole jala inna banuge kaboko, yidda da tingiwe ta huppuna mono ngodo, lohho na kahhayi kaboko kadahha lari ta kawukata kamadaka, tabolo baitadi ai kadahha. ⁴⁹ Nyiwe, enga nyiwe inna kadadi taha dukka rahi. Tangada malaikat enga huda mono daha wattedi kajapata wali ta ata katena, ⁵⁰ mono baitadi ata japata rada ta tulra latti. Taha dau nedda enga dage hoyo mono hangaktana nguddu. ⁵¹ Um yapa bekwe tangage inna?" Yidda ka linna tabaraNa, "Ngo.” ⁵² Mono, Yesus linage tabarada yidda, "Oroge inna. tangada Ahli Taurat kadadi ana hakodobe ta Kalingora Surga, nyi natujai mori umma kap hudi ngawuna kaberu mono katiyo wali ta potena, "Yesus Da Tularani Taha Rona Dau Walina ⁵³ Kolei Yesus bana beyi li hatujja tangadi rada, Nyi na kako wali neda. ⁵⁴ Mono, kole Nyi dikki taha rona dau waliNa, Nyi naha larawe ta sina goge-sina goge da yidda daja lage yidda da bangara mono lidage, "Gi dau walina ata nadde mana kolege maniwola paha ngadda mono mujizat-mujizat rade? ⁵⁵ Nyi nade wale anak nani ata ka ulana yayu? Nada inyana walei Maria duyi, mono angu wuNa ba yidaknai Yakobus, Yusuf, Simon, monoi Yudas? ⁵⁶ Rade kadana tabarada lawai wale wattok nadi? Lohho, gi dau walige bana kolege tan gage inna kama hada? ⁵⁷ Mono, yidda butudi areda oroNa. Tabolo, Yesus linage tabarada yidda, "Wu Nabi wale oro ai hik madani, duka dahege taha dau walina mono umma dauna.” ⁵⁸ Mono, Nyi wale butak mayi harayina mujizat neda bali oro aida hatenawe yidda.