¹ Olei Yesus ban be pareha kabulu dudana ana hakodoNa, Nyi na kako wali neda bali hanuadi mono ban hotbah ta haronada yidda. Yesus Monoi Yohanes Pembaptis ² Batauge, kolei Yohanes, ka ta galluna, rangewe ha ulanai Kristus, nyi naha ngidina liyo lededi anaha kodona, ³ mono naka nukawe tabaraNa, "Appa Yauna ka amina nada, waleka nami bama harema dal kahoni nami ka hekana?" ⁴ Yesus nabale hawe mono linage tabarada yidda, "Kakom mono takki nage tabara nai Yohnes agawe yau ha rangemu mono etamu, ⁵ kamoro na eta, kalikku na kako, katobi na tagaha, la tillu na range, kamate na kadde, mono tabarada kamilla takkiwe li ege ate. ⁶ Mono, kanyurru kana ata ai kawidda oroGu.” ⁷ Mono, kole yidda kako, Yesus halege nage hanewe ta ata buta tutui Yohanes, "Agawe mi hakabu atemi etawe ta marada gilra? Gayu kaito ha kedona rereha? ⁸ Mi um kakomi agayi ha etami?Wu ata ka waina kalabe talujana? Yidda kawaina kalabe talujana inna dadi taha hadau Raja. ⁹ Kapiku etami apa mi um kakomi? Wu Nabi? No, Nauwa luguge tabarami, nyi rehi madakaho wali ta wu Nabi. ¹⁰ Oro, nyilah ata tutuna hatolhabe: 'Etayige! Nauwa ug ha ngidi beni paha lrwaGu ulluni laraMu. Nyi kaha iyakayi lara tubaMu ta raoMu.' Maleakhi 3:1 ¹¹ Nauwa luguge katau takkana tabarami, ta jongada yidda paha dadina lawai, wale na kali huddakma ata karehi madaka wali tai Yohanes Pembaptis. Ta nyiduwe, ka had maraha lari kalingora Pareha Surga, rehi madaka ho wali ta nyi. ¹² Wali tai Yohanes Pembaptis kahha batauge, Kalingora Pareha Surga na mayillawe oro ha ojada, mono ata kabani atena nada na rayige waige aiha wali ate. ¹³ Oro, tangada Nabi mono Ukku Taurat ga huru bale kahha tai Yohanes. ¹⁴ Mono, nyi mi bamu aukami hibawe, yiknai Elia ka amina nada. ¹⁵ Iyayi kadayo katiluna tutu range, pahaini nyi kana rangewe! ¹⁶ Tabolo, aga lina da howe bamu hameradi dalara rade? Yidda rada tujai lakawa maraha ka ngodo taha dau ata buta, kamaikana olena, ¹⁷ mono lidage, 'Nami maha upuyi talaluma tubamu, tabolo mi walem negok mami. Nami ma manyanyi lawait baddu, tabolo mi walem badduk mami.' ¹⁸ Oroi Yohanes ammini walena na yakma, lohho walena enu jalakma, mono linage, 'Nyi tama nani wadi japata. ' ¹⁹ Ta nyiduwe, okle Anana Kadadi ataamini lohho na yayo mono enu, mono linage, 'Etayi ge, wu ata kadadara mono kalango enu, oleda ka kahha walu katakku mono ata jala. 'Ta nyiduwe, tada na tenawe oro harayina.” Hanamu Tutu Ata Ai Ka Awu Hatena ²⁰ Bege Yesus kapu nage bana palekayi harona hadau Nyi hadau rayi nani tangadi Mujizat kabuta oro yidda aida jarra. ²¹ "Loko nagege mi, Khorazim! Loko nagege mi, Betsaida! Oro, nyyi mujizat kadadibe ta jongami na dadi jalai ta Tirus mono Sidon, yidda moja bena bada jarra waina kalabe kalallu mono kabka. ²² Ta nyiduwe, Nauwa luguge tabarami inna ta lado hokugela, Tirus mono Sidon enga rehi dadi dahoge taguge wali ta miyo. ²³ Mono, yau, Kapernaum, dadi kak mi bah madehta gimi kahha ta langta? Walekma, mi ha burru gimi ta kalingora ata mate, oro nyi mujizat kadadibe ta jongami inna bana dadi kawe ta Sodom, harona inna engak ge ba dage kahha laddo nehe. ²⁴ Ta nyiduwe, Nauwa luguge tabrami inna ta lado hokuge, tanah Sodom rehi na dahha dahowe ha taguna wali ta miyo. ”Maloga Tutuna Ata Kamai Tai Yesus ²⁵ Ta ma higgo neda Yesus linage, "Nauwa ug hamanadawu Yau, Ama, Mori ta langta mono tana, inna Yau bamu kabunyige tangage wali ta ata maniwola mono tada, mono da dul kawe ta anada kamaraha. ²⁶ Ngo, Ama, oro batauda dahogela ka tuba ta aroMu. ²⁷ Tangage yibe gage tabraGu AmaGu. Mpno, wale lakma wuak ata katadai Anana, ai nyikai Ama;Wale wukma ata katadai Ama ai nyikai Ana mono tangana ata hakabu atenai Ana dau dul ka nage. ²⁸ Mai tabaraGu, tangami kajoli mono mabela mono bikta ngidina, mono Nauwa enga halewara Gumi. ²⁹ Ditai koga paha inyakaGu, mono kam hanua tabaraGu oro Nauwa kama luja atena mono li bawa ate, mono mi enga kolem kama inyaka ta dewami. ³⁰ Oro, koga ha inyakaGu nada lewaraki mono bikta ngidiGu nalewayi.”