¹ Mono, Yesus naka mai kadi kabulu dudana ana hakodaNa mono na yiyi yidda bikta pareha ta waddi otorakapiku wuga dadi waddi rada mono ka pata gahayi tanga mgara kapore lohho tanga ngara kalawara. ² Rade yidayi ngara kabulu duda rasul rada: Ka dihhana, Simion paha ngarai Petrus, mono Anderias angu wuna, mono Yakobus anai Zebedeus, monoi Yihanes angu wuna, ³ Filipus, mono Bartolomeus, Tomas, monoi Matius kataguna kahha walu katakku, Yakobus anai Alfeus, monoi Tadeus, ⁴ Simon ata Zelot, monoi Yudas Iskariot ka kahokuni Yesus. ⁵ Yesus naha lewayi kabulu duda rasul rada mono harehayi yidda, "Ilam kakoka ta lara ata wadeka waleka tama lari ta harona ata Samaria, ⁶ tabolo kako dami ta bebbe ka jalora wali ta jonga ana huhu Israel. ⁷ Mono, ba tamrami kako, talara gela waige balimimi, 'Kaligora parehage Sura dahhebewe.' ⁸ Ha tagahayila ata kalawara, hamor hayi ata ka mate, hamurahadi ata katobi, mono wugayila waddi japata. Mi um hiba wali atege, yiyo wali ate jalage. ⁹ Ilam ngidi kami mi amaha rara, waleka amaha kaka, waleka taburraka lari ta kalari baggemu, ¹⁰ waleka tas pa ngidmu ta lara, waleka duda balla kalabe, waleka kopa ledu, waleka takko oro wu ata ka ullana marakka dawe bana yayo. ¹¹ Mono, ta harona waleka deha gi hingkana hatama mi, hamtara honi pa iyayi ka tuba neda lari mono engana neda bali kahha mi bamu kakomi. ¹² Kole mi bamu tamami ta umma inna, olle limiki. ¹³ Mono, nyi mori umma nada bana tubakna, inna moli kam ringimi na burruwe tabrana, ta bolo ba waleka, yammage moli kamaringimi hagawe tabarami. ¹⁴ Mono, iya hing kayi aika hibami waleka ai ka awu range gimige hatakkimi, kole mi bamu huna wali ta umma waleka harona inna, kaba hawe kabka taledumu. ¹⁵ Nauwa takki guge katau takka na tabramu ta lado rahi hokuge, tanah Sodom mono Gomora atna rehi bikta hoge pa taguna wali ta harona inna.” Kasah Dabana Enga Pa Arohoda Ana Hakodona ¹⁶ "Etawe, Nauwa ug halewami kamu tujayi bebbe ta tilu seri gala. Oroge inna, um dadi kalikka tujai kaboko mono murraha ate tujai tagukku maupa. ¹⁷ Ta nyiduwe, um hamatara kidi ata oro yidda enga da yimi mi ta Sanhedrin mono enga palu dagimi ta Sinagoge-sinagogeda yidda. ¹⁸ Mono, mi enga da ngidimi ta aroda kaha reha mono ta raja oroGu Nauwa, ba wuwe hada padelaka tubada yidda mono ata heka. ¹⁹ Ta nyiduwe, kole yidda bada yimi, ilam gela gaga wu tutu aga linawe waleka agana mi hatakkimi oro mahiggo neda la enga yigimige tabarami agawe ha takki dahomi. ²⁰ Oro, wale mikma kahha newe, tabolo inna wali ta waddi Amami kahha newe ta barami. ²¹ Kahha ole baina na yiyi ole baina neda tamate, mono ha ama tabara anana. Mono, ha ana enga gaba dadi ata katuda mono dahha mateyi yidda. ²² Mi da butu gimi ate tangada oro ngaraGu, tabolo ata katahna kahha ta kapodigi enga pahoilayi. ²³ Kole yidda bada hama yillami lari ta wuha harona, malaimi ta dihha harona wadeka. Nauwa ug takki gimige ka tau takkana tabaramu inna mi aim layi dal kahoyi tangadi harona Israel kahha Anana Kadadi Ata ban mai. ²⁴ Wu lakawa hakola wale na rehi dak mayi guruna, tauda jala nage wu atana ole ata wale na rehi dak mayi morna. ²⁵ Nyi yidda bada takkai mori umma nada Beelzebul, rehi aina daha howe tabarada tangada ata ta umma.”Ma Dauta Dani Tabaranai Allah Wale Tabara Dak Mana Kadadi Ata ²⁶ "Oroge inna, mi ilam madautadi yidda oro wale lakma aga ada kama toni ai ha dadi bugera, waleka kabunyi ai kadadi ba tadawe. ²⁷ Agawe hatakkiGu tabarami lari ta kapagtana, tak dawe innala ta kamaga kaha. Mono, agawe harangemi kamam ha dage ta katillumi, talaragela ta panu toko ummami. ²⁸ Ilam madautadi tabarada yidda kahha mate mige taumi, tabolo wale da hamatek ma mige ngahumu, tabolo rehi madauta dani Nyi ka pudaha gimini dewam lohho taumi ta neraka. ²⁹ Walem madam mukmage duda manguyo ba malajadi walla aru pi? Mono, la hing mana wali ta yidda ka monu ta tana aina tada wai kage Amami. ³⁰ Lohho dummo, wumu ta ka takkumu tangadi na yapu gimidi. ³¹ Oroge inna, ilam madautami, mi na rehi dahowe himi wali ta manguyo.”Manga Kuni Yeusu Ta Aro Ata Wadeka ³² "Nyiwe, tangana ata kamagakuga Nauwa ta aro ole atana, Nauwa dummo enga mangaku guni ta aro AmaGu k adana ta Surga. ³³ Ta nyiduwe, iya ka balluga Nauwa ta aro ole atana, Nauwa dummo enga kabllu guni dinna ta aro AmaGu kadana ta Surga.” Kappege Ma Ammini Yesus ³⁴ "Ilam hangada dage ina Nauwa maiGu ngidi guge kamoli ta panu tana. Nauwa bagu maiwa wale ngidi dak maguge moli, ta nyiduwe katpo dawe. ³⁵ Oro, Nauwa maiGu mai watte gudi kabani wali ta amada, lakawa lawai wali ta inyada, we yana wali ta maduyo lawaina, ³⁶ mono muhhuna wali nada wu ata yikna wali ole ta ummana. ³⁷ Iyayi ka rehi manwaradi amana mono inyana wali ta baraGu, walena marakka dakma tubaGu. Mono, iyayi karehimanawaradi anana kabani waleka anana lawaiyo wali ta Nauwa, walena marakkakma tubaGu. ³⁸ Mono, iyayi ai ka dita gani kadai lona mono dokuga Nauwa, walena marakkakma tubaGu. ³⁹ Iyayi ka heri ngahuna enga na bunga dahowe ngahuna, mono iayayi kabunga ngahuna oroGu Nauwa enga na kolenala.” Hige Wali Tai Allah ⁴⁰ "Iyayi ka hibami, Nauwa pa hibbana. Mono, iyayi ka hibawa Nauwa, nyi nahibayi Nyi kahha lewawa Nauwa. ⁴¹ Iyayi kahibayi Nabi lari tangarana Nabi enga hiba nage hige wali ta Nabi. Mono, iyayi kahibayi ata katena lari ta ngara ata katena enga hiba nage hige wali ta ata katena. ⁴² Mono, iyayi ka yini we ha enu tabarana wali ta wu ata kamarraha nade langka wu kakki bekeru we mayagala lari ta ngara ana hakodoGu, Nauwa lugu gimige katau takkana tabarami, nyi wale na bungak mayi hige.”