¹ Kolei Musa monoi Harun bada hanewe ta ata rada,yida da kako ta Firaun mono lidage,"Mori,Allah Israel linage,'Pahaigadi ana huhuGu kako ta marada gilra yida kana dadiwe rayige ha ulla tuba hamanadawa Nauwa."' ² Tabolo Firaun linage,"Iyayi Mori? Aha naha magu hadoku howa tabaraNa? Aha Nauwa magu pahaidi Israel kako? Nauwa loho waleg tadayi iyayi Mori nada,mono nauwa waleg pahai madi kako." ³ Bege,Harun monoi Musa lidage,"Allah ata Ibrani naha newebe tabrama nami. Yiwe,nami ma rainoge,pahai gama nami kama kako tmarada gilra tauda lafdoge bakako.Neda bali,nami kama yiyo maraka tabaranai Mori,Allahma nami.Nyi nami aima rayi kage,Nyi enga banina mono pudahama nami waige kalawara waleka hatau." ⁴ Ta nyiduwe,Firaun linage tabarada yida,"Musa monoi Harun,aha mi mamu rengayi tili ulada yida? Kakomi,orhawe ha orha daumi! ⁵ Kam torrowe,buta layi ata kaulana wali ta kabihumi,mono mi kabu atege yida ngahu wali ulana?" FIRAUN DA YIDI RAKADA ATA ISRAEL ⁶ Ladi inna mema,Firaun nayiwe hareha ta madora mono kaha mataradi ata Ibrani, ⁷ "Miyo um yi hangatadi kua tabarada yida kapiku rayida watu pudaha.Tabolo batauge,yida dakako daho mono mayega dauna kua kada rayi dauna watu pudaha. ⁸ Mono,yida darayi dahona watu pudaha katauna butana uluge,mi nyi ilam hadabo dalikadi.Yida kapudage mayau kahoki.Nyiwe oroge yida rainoge tabaragu, ,Pahai gama nami kako mono yiyo maraka tabara Allahma nami.' ⁹ Nyiwe,um pahada dage yida haulla karehi bikta.Pahada dage yida karehi karingaka.Yiwe,yida wale lakma mahigo tutu range nage palekanai Musa." ¹⁰ Nyiwe,madora ata Mesir mono kamataradi ata Ibrani kako ta ata Israel mono lidage,"Firaun na pohta bewe nyi aina yigimi kua tabarami kapiku rayina watu pudaha. ¹¹ Mi dau um kako dahomi mono mayegana kua langka gihingkana.Mono,miyo enga dahoge bamu rayina watu pudaha kabuta harayim mi wali uluge." ¹² Nyiwe,yida kako ta kalingora Mesir mayegana kua. ¹³ Tangada Madora karuhuyi yida tutu ulana karehi bikta.Yida lidage,"Bedahoyi haula diha lado miyo katujawe nami bama hagana hogimi." ¹⁴ Tangada Madora Mesir da pede bena kamataradi ata Ibrani mono halewayi tagna baleha ta tangadi haullada rada ata.Tangada madora Mesir dapaluyi ata kaha mataradi rade mono lidage tabarada yida,"Aha miyo mawalem rayina watu pudaha katauna butana harayi bemi uluge?Nyi mi uluge dadiwe bamu rayige,um rayi jalage inna batauge!" ¹⁵ Bege,tangada ata kaha mataradi Israel hatabo kadangani Firaun.Yida da loja mono lidage,"Nami ata halewa mugama.Aha yau mamu rayi tau mage tabarama waige hada kataudana inne? ¹⁶ Yau walem yikmagama nami kua,tabolo yau um harehama namitutu rayina watu pudaha kabuta wali ratti kaullu.Mono batauge,madoramu ge mori palu ma nami,loko hagawe dumu kajala ." ¹⁷ Firaun na balehawe,"Mi mayau kahokimi mono walem auma ulana! Yiwe inna kaha oro mi mamu rainoge,'Nyamma gama nami kama kako mono yiyo maraka tabrai Mori.' ¹⁸ Batauge haggam ulana!Kua wale yikmagimi tabaram miyo,tabolo mi enga dahoge bamu rayina watu pudaha kabuta rehi buta wali kaullu." ¹⁹ Tangadi ata kaha mataradi ata Israel da tada waige ba innayi kapitona,oroi Firaun lina be tabarada yida, "Miyo enga dahoge bamu hadadidi watu pudaha kabuta mi harayimi katujana uluge." ²⁰ Kole yida bada pahewa wali hatabo dangani Firaun,yida da tabokayi Musa monoi Harun,katamrana remadi yida. ²¹ Yiada lidage tabarai Musa monoi Harun, "Kanyuru kagei Mori katijana mono kayigimi rakage dokuge agawe harayimi! Miyom rayi beni Firaun mono kadugekawaha butgama ate nami.Mi um yibewe kaoege tabarada yida kapiku hamatema nami." MUSA NAMARAINO TABRAI ALLAH ²² Bege,Musa na sembayangna tabarai Mori,linage,"O..Mori,aha yau mamu rayige hada kajapata ta kabihu ata rade? Aha yau mamu halewawa nauwa maiyo? ²³ Oro,nauwa ug hatabo danga beni Firaun mono ug hadiki bege agawe yau haraim nauwa paha dikki hogu.Tabolo wali neda,Firaun na rayi dage ana huhuMu Israel rehi mayilla,mono yau walem tul hing madi yida."