¹ Ta nyiduwe,Mori na balehayi Musa,"Batauge,miyo enga etamige agawe harayiGu tabaranai Firaun.Nauwa enga karuhguni Firaun kana pahaidi ata rade kako.Ngo,duka dahege karuh huyi mana dadiwe Firaun ban wugayi yida wali taha dauwuna." ² Allah linage tabrai Musa,"Nauwagnai Mori. ³ Nauwa ug hadela wik bena tabrai Abraham,Ishak,monoi Yakub ba wuwa Allah kabikta parehana. Tanyiduwe,Nauwa waleGu tak wik daumawa tabarada yida waige ngarai Mori.' ⁴ Nauwa ug rayi bege jajiGu tutu bagu yidage tana Kanaan tabarada yida,haluguna hadau engada natujayi ata lipalaka. ⁵ Batauge,Naquwag range bedage ojada ana ata Israel oro Mesir bada atadi yida.Mono,Nauwag apewe jajiGu. ⁶ Nyiwe,tak dage tabara ata israel,'Nauagnai Mori,Nauwa enga pahoila gumi wali taha ulla bikta ta Mesir.Nauwa enga pahoila gimi wali hadau ata wikimi ta Mesir.Nauwa enga kahka gimi waige bikta parehaGu kama dakka mono waige li hokuna kama dakka tabrada ata Mesir. ⁷ Miyo enga dadi ana Gu mono Nauwa enhga dadi Allah miga,mono miyo enga tada mige inna nauwa kapa hoilami wali ta Mesir. ⁸ Nauwa ug yibewe jajiGu tabaranai Abraham,Ishak,monoi Yakub kapiku yiguge wu hadau tabarada yida. Nyiwe,Nauwa enga ug ngidimi taha dau inna mono ug yigimige kam dauge.Nauwag nala Mori."' ⁹ Musa nah dikige tangagde inna ta ata Israel,tabolo yida wale da rangek mayi oro yida bata beyi ateda mono pada bege ha ata wikida ka hada bikta. ¹⁰ Nyiwe,Mori linage tai Musa, ¹¹ "Kako wu mono tak nage Firaun,raja Mesir, inna nyi na pahai dahodi ata Israel tanage haduna." ¹² Ta nyiduwe,balehawei Musa,"Mori,ata Israel wik dau wale da rangek mawa nauwa.Aga lianak kawe Firaun bana rangewa oro nauwa inna aigu angtawa hanewe?" ¹³ Tabollo,Mori naha newe tabrai Musa monoi Harun mono naha rehayi yida kako mono tak dage ata Israel mono tabrai Firaun,raja Mesir.Mori naha rehayi yida tutu ngidiyi ata Israel huna wali ta Mesir. KAPIRANA KALIBO HAUMANA ISRAEL ¹⁴ Rade yidak ngara pa ama umma Israel,Ruben,dadi pata ana kabanina.Yida wale iyakmayi Henok,Palu,Hezron,monoi Karmi. ¹⁵ Ananai Simeon yidakna Yamuel,Ohad,Yakhin,Zohar,monoi Saul.Inyai Saul yikna ata Kanaan. ¹⁶ Lewi na morha ngahu tauda kabulu pitu dauyo.Anana yikna Gerson,Kehat,mono Merari. ¹⁷ Gerson dadi duda ana kabanina,Libini monoi Simei. ¹⁸ Kehat namorha ngahu tauda kabulu tauda dau.Anana Amram,Yizhar,Heberon,mono Uziel. ¹⁹ Anana Merari Mahli monoi Musi. Tangada rada wali tai Lewi,ana Israel. ²⁰ Amram na morha ngahu tauda kabulu pitu dauna.Naha uma dangani Yokhebed,ana wattona amana.Amram mono Yokhebed nahadadini Harun monoi Musa. ²¹ Ananai Yishar Korah,Nefeg,monoi Zikhri. ²² Ananai Uziel Misael,Elsafan,monoi Sitri. ²³ Harun ole umana Eliseba,ana lawainai Aminadab mono wattona Nahason.Anada yida Nadab,Abihu,Eleazar,mono Itamar. ²⁴ Ananai Korah Asir,Elkana,Abiasaf.ida amama wedada ata Korah . ²⁵ Eleazar,anai Harun,ole umana wuyi ana lawainai Putiel.Monno,naha anani Pinehas.Tangada ata rade pa ama tauma wali ta Lewi,dokoge kalingorada yida. ²⁶ Tabarai Harun monno Musa wali taka bihu nala mori bana yiwe lina,"Kododi ata Israel huna wali ta Mesir dokuge kabihuda Yida." ²⁷ Harun monnoi Musa yida kaha newe tai Firaun, raja Mesir,kapiku pahaidi ata Israeltanage Mesir. ALLAH NA WUNGAGE KAMAIKANA TAI MUSA ²⁸ Mori naha newe tai Musa ta tana Mesir. ²⁹ Nyi linage,Nauwa Morim.Taknage tabaranai Firaun,raja Mesirtangadi hatak beGu tabarami." ³⁰ Ta nyiduwe,Musa linage tabarai Mori,"Yau umtadawa.Nauwa wale angtak mawa hanewe.Aga linak kawe Firaun bana rangewa nauwa?"