¹ Bege,Musa liangee tabarai Allah,"Ata Israel enga waleda dahatenak mawa nyi bagu tak kawe tabarada yida ba Yau kaha lewawa.Yida enga lidage,Mori wale na hadela wikkik mage tauna tabramu."' ² Yidage,Mori linage tabrai Musa,"Agayi kadana talimamu?" Balehawei Musa,"Nade takko guni." ³ Allah linage "Baitani takkom nada ta tana," Nyiwei Musa nabaitani takkona ta tana mono takkona nada naha balina nippe.Musa nama lai marauni, ⁴ taboloi Mori linage tabarana,"Hajolani limamu mono yapawe kikna nada nipe." Yidawe,Musa nahajoladi limana,yapawe kikuana nipe nada,mono nipe nada nadaditakko haga. ⁵ Allah linage,"Rayige inna ta aro mata ata Israel mono yida enga hatena dage inna yau bamu etayi Mori,Allah weda waikada,Allah Abraham,Allah Ishak,mono Allah Yakub." ⁶ Bege,Mori linage tabarai Musa,"Nauwa enga yiguge tabaramu tadka wadeka.Hatamani limamu lar talabemu." Yiwe,Musa naha tamani limana lar talabena.Kole nyi bana oahuni,limana na yana katobi,banuni madutla kaka tujayi kabolo es. ⁷ Lodoge,Allah linage,"Batauge,hatama hagani limamu neda lar talabemu."Musa naha tamani limana neda lar talabena.Kole nyi bana pahuni,limana naha jeluna katuja memana. ⁸ Allah linage,"Nyi yida aida hatenawu kole yau bamu rayidi tada waige takkomu,yida enga hatena dage yau bamu hatingoge tadka kadudana. ⁹ Nyi yida aida hatena jala howe kole bamu hatingodi duda tada inne,ngalawu weyo wali talai weyo Nil.Biwe tatana mono weyo inna enga dadi rage." ¹⁰ Musa liange tabarai Mori, "Mori,halurhaguge,nauwa wale ata angtak mawa hanewe,wali uluge loho dumo batauge kole Yau bamu takiwe tabara ataMu inna.Nauwa walegu tadakmawa mono tabolehak mawa lari taha newe." ¹¹ Mori linage tabrana,"Iyayi kahadadige bana wu ata? Iyayi kahadadini ata kabanga? Iyayi kaha dadini ata katilu? Iyayi karayini ata kana dadi moro? Wale Nauwakna,Mori, kadadi rayige tanmgage inna? ¹² Nyidawe,kakowu! Nauwa enga ole guGu bamu hanewewu yau.Nauwa enga yiguge tabaramu hatakki papa humu." ¹³ Ta nyiduwe,Musa linage, "Mori,nauwa ug rainoge,halewada ata wadeka tutu hadikige hanauwum inna." ¹⁴ Bege,Mori nadadiwe bana bani tabarai Musa mono linage,Nadai Harun madakaduni wale ata lewi duyi? Nauwa ug tadayi nyi bana angta hanewe.Torroyi,nyi tamrana huna tabokawu mono nyi na daha we atena bana hataboka dangagu. ¹⁵ Yau um tak nage mono dulka nage aga dahowe nyi hatak na.Nauwa ug olegimi miyo kadudana mono takki gimige aga dahowe inna harayimi. ¹⁶ Nyiwe,Harun enga nadadi katagna hanewemi. Katujawei Allah,yau enga hanewena tabrana mono nyi enga hadiknagimige ta ata Israel. ¹⁷ Kako mono ngidiyi tak komu. Waini tak komu nada bamu rayiodi tangadi rada tada wadeka." MUSA NATANAGE MIDIAN ¹⁸ Bege,Musa haga nage tai Yitro,yerana.Musa liange tabarana,"Pahai toga nauwa kagu hagawa ta Mesir.Nauwa ug baige etayi rada ata Israel bada morhak hona." Yitro linage tabarai Musa,"Kamu kakowaina moli." ¹⁹ Loho,kolei Musa ba enga hona ta Midian,Mori linage tabarana,"Hagawu ta Mesir p oro ata kabaige hamatewu batauge da matebe." ²⁰ Musa naha paneni ole m umana mono anana ta keledai mono haga ta Mesir.Nyi na ngidiyi takkonai Allah ta limana. ²¹ Kolei Musa tamrana kako haga ta Mesir,Mori naha hanewe tabarana,"Kole yau hagau ta Mesir,hatingo nani tabarai Firaun tadka-tadka ha yibegugu tabramu.Tanyiduwe,Nauwa ug rayi nagei Firaun kana kataku watu dajalage nyi ilna pahaigimi kako. ²² Bege,yau um hanewe dahowu tai Firaun,Morim nyi katakkiwe inne:Israel yidakna ana baodiGu. ²³ Mono,Nauwa lugu dage tabaramu tutu pahaidi anaGu kako mono kawojoGa.Nyi mi aim aukam pahaidi Israel kako,Nauwa enga hamate gudi ana bodimi."' ANAI MUSA DA KABUNYI ²⁴ Lari ta lara aro ta Mesir,Musa na dauwu ta wu hadau.Mori na dikini Musa taha dau inna mono na kabu atege hamateyi. ²⁵ Ta nyiduwe,Zipora na ngalawe kitu mono nakabunyiyi anana.Nyi nangalawe kalita ngora hadadi ata waina mono natubage ta ledunai Musa. Bage,nyi linage tabarai Musa,"Yau ata haumana tubagu." ²⁶ Zipora natakkiwe inna oro nyi bana habunyi benai Anna.Nyiwe,Allah na pahaini Musa morha. MUSA NA DIKI TA MESIR ²⁷ Mori naha newe tai Harun,"Kakowu tamarada gilra tabokayi Musa."Nyiwe Harun nakako mono tabokayi Musa mono nangakhayi. ²⁸ Musa linage tabarai Harun tangadi paharehabenai Mori tutu nyi hatakna mono tutu tangadi tadka parayi dahona tutu tadage ba nyiyoi Allah kaha lerwa beyi. ²⁹ Bege,Musa mono Harun kako mono kahayi tangada bai ata Israel. ³⁰ Harun naha newe tabrada yida mono na takiwe tangage hatakbena Mori tabarai Musa.Bege,Musa naha tingoge tadka tabrada yida tangada. ³¹ Mono,ata Israel hatenawe.Kole ata Israel tadawe nai Mori ban etabedage mayillada yida,yida da kawojo mono da kangakanii Allah.